Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ଚଳନ୍ତା ଟ୍ରେନରେ ମୁଣ୍ଡ ବାହାରକୁ କାଢି ଦେଖୁଥିବାବେଳେ ବିଜୁଳି ଖୁଣ୍ଟରେ ପିଟିହୋଇ ଚାଲିଗଲା ଜୀବନ

23/03/2019 at 4:04 PM

ମୁମ୍ବାଇ ୨୩/୩ : ମୁମ୍ବାଇ ଡକୟାର୍ଡ଼ ଷ୍ଟେସନ ନିକଟରେ ଏକ ବିଜୁଳି ଖୁଣ୍ଟରେ ପିଟି ହୋଇ ଜଣକର ମୃତ୍ୟୁ ହୋଇଛି | ମୃତକ ହେଲେ ୧୭ ବର୍ଷ ବୟସ୍କ ଜୁବେର ସିଦ୍ଦିକି ଶେଖ | ବିଜୁଳି ଖୁଣ୍ଟରେ ପିଟି ହେବାପରେ ଜୁବେର ତଳେ ପଡିଯାଇଥିଲେ ଏବଂ ସେହି ଟ୍ରେନ ତାଙ୍କ ଉପରେ ମାଡିଯିବାରୁ ତାଙ୍କର ମୃତ୍ୟୁ ହୋଇଥିଲା | ଶୁକ୍ରବାର ଦିନ ଘଟିଥିଲା ଏହି ଅଘଟଣ |


ଜୁବେର ଏସଏସସି ପରୀକ୍ଷା ଦେଇ ପାନବେଲ ଷ୍ଟେସନରୁ ନିଜ ଘର ବଡାଲା ଯାଉଥିଲେ | ଜୁବେର ନିଜ ସ୍କୁଲରେ ଭୂଗୋଳ ପରୀକ୍ଷା ଦେଇ ପାଖାପାଖି ଗୋଟାଏ ବେଳେ ପରୀକ୍ଷା କେନ୍ଦ୍ରରୁ ବାହାରିଥିଲେ | ଏହାପରେ ସେ ଶୁକ୍ରବାର ନମାଜ ପଢିବା ପାଇଁ ମସଜିଦ ଯାଇଥିଲେ | ଏହାପରେ ନିଜର ୪ଜଣ ସାଙ୍ଗଙ୍କ ସହ ଘରକୁ ଫେରୁଥିଲେ |


ବଡାଲା ଜିଆରପିର ବରିଷ୍ଠ ପୋଲିସ ରାଜେନ୍ଦ୍ର ପାଲଙ୍କ ସୂଚନା ଅନୁଯାୟୀ ଜୁବେର ଏବଂ ତାଙ୍କ ସାଙ୍ଗମାନେ ପାନବେଲରୁ ଯାଉଥିବା ଟ୍ରେନର ଜେନେରାଲ କୋଚରେ ସାଢେ ୨ଟା ରେ ଚଢ଼ିଥିଲେ | ଟ୍ରେନ ଚାଲୁଥିବାବେଳେ ଜୁବେର ବାହାରକୁ ମୁଣ୍ଡ କାଢି ଦେଖୁଥିଲେ | ଟ୍ରେନ ସେତେବେଳେ ଡକୟାର୍ଡ଼ ଷ୍ଟେସନରେ ପହଂଚିବାର ଥିଲା | ସେତେବେଳେ ଜୁବେରଙ୍କ ମୁଣ୍ଡ ବିଜୁଳି ଖୁଣ୍ଟ ସହ ପିଟି ହୋଇଥିଲା | ବିଜୁଳି ଖୁଣ୍ଟରେ ମୁଣ୍ଡ ପିଟି ହେବାପରେ ଜୁବେର ମଧ୍ୟ ତଳେ ପଡିଯାଇଥିଲେ ଏବଂ ଟ୍ରେନ ତାଙ୍କ ଉପରେ ମାଡି ଯାଇଥିଲା | ଏହା ଦେଖି ଜୁବେରଙ୍କ ସାଙ୍ଗମାନେ ପାଟି କରିଥିଲେ | ସ୍ଥାନୀୟଲୋକେ ଜିଆରପି ପୋଲିସକୁ ସୂଚନା ଦେଇଥିଲେ | ଖବରପାଇ ଜିଆରପି ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲା | ଜିଆରପି ପୋଲିସ ଜୁବେରଙ୍କୁ ହସ୍ପିଟାଲକୁ ନେଇଯାଇଥିଲେ | କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ | ଜୁବେରଙ୍କ ଡାହାଣ ହାତ କଟି ଯାଇଥିଲା | ପୋଲିସ ଏକ ଦୁର୍ଘଟଣା ମାମଲା ରୁଜ୍ଜୁ କରି ଯାଞ୍ଚ କରୁଛି |

   Related Posts