Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେଷ୍ଟ ପରେ ଓ୍ବାନ୍‌ ଡେ’ ସିରିଜ୍‌ କବ୍‌ଜା କଲା ଦକ୍ଷିଣ ଆଫ୍ରିକା, ଦ୍ବିତୀୟ ଦିନିକିଆରେ ଟିମ୍‌ ଇଣ୍ଡିଆ ୭ ଓ୍ବିକେଟରେ ଧରାଶୟୀ, ଭାରତ ୨୮୭/୬(୫୦ ଓଭର), ଦକ୍ଷିଣ ଆଫ୍ରିକା ୨୮୮/୩ (୪୮.୧ଓଭର)
  • ||
  • ରାଜ୍ୟରେ ଶୁକ୍ରବାର ସୁସ୍ଥହେଲେ ୧୦,୩୯୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୬୧୦ଜଣ ଡିସଚାର୍ଜ
  • ||
  • ହରଭଜନ ସିଂହ କରୋନା ଆକ୍ରାନ୍ତ, ନିଜକୁ କଲେ ଆଇସୋଲେଟ୍‌
  • ||
  • ଚୋରା ବାଲି କାରବାରରୁ ହତ୍ୟା, ଶ୍ରମିକଙ୍କ ଉପରେ ଚଢାଇଦେଲେ ଟ୍ରାକ୍ଟର !
  • ||
  • ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୯୮୩୩ କୋଭିଡ୍ ପଜିଟିଭ୍, ୧୧୮୭୨୯୫ରେ ପହଞ୍ଚିଲା ସଂଖ୍ୟା
  • ||
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

ମୁରାଦାବାଦ ଡାକ୍ତର ଟିମ୍ ଉପରେ ଆକ୍ରମଣ: ରାତି ୩ଟା’ରେ ଚାଲିଲା କୋର୍ଟ, ସକାଳ ସାଢେ ୫ରେ ଜେଲ ଗଲେ ୧୭ ପଥର ଫିଙ୍ଗାଳି

17/04/2020 at 12:55 PM

ମୁରାଦାବାଦ, ୧୭|୦୪:  ମୁରାଦାବାଦରେ କରୋନା ମୁକାବିଲା କରୁଥିବା ଡାକ୍ତର, ପୋଲିସ କର୍ମୀଙ୍କୁ ଟିମକୁ ଇଟା ପଥର ମାଡ ସହ ଭଙ୍ଗାରୁଜା କରିବା ଅଭିଯୋଗରେ ଗିରଫ ହୋଇଥିବା ୧୭ ପଥର ଫିଙ୍ଗାଳିଙ୍କୁ ଆଜି ରାତି ୩ଟାରେ କୋର୍ଟରେ ହାଜର କରାଯାଇଥିଲା । ଶୁଣାଣି ପରେ କୋର୍ଟ ସେମାନଙ୍କୁ ୧୪ଦିନିଆ ରିମାଣ୍ଡରେ ପଠାଇଛନ୍ତି । ସକାଳ ସାଢେ ୫ଟାରେ ଏମାନଙ୍କୁ ଜେଲ ପଠାଯାଇଥିଲା । ଏହି କାମ ପାଇଁ ପୋଲିସ, ପ୍ରଶାସନ ରାତି ସାରା ଉଜାଗର ରହିଥିଲେ । ଏପରି କମ ଦେଖିବାକୁ ମିଳେ ଯେତେବେଳେ ଏତେ ସକାଳେ କାହାର ଶୁଣାଣି ହୋଇଥାଏ ।

ନବାବପୁରାରେ ମେଡିକାଲ ଓ ପୋଲିସ ଟିମ ଉପରେ ଆକ୍ରମଣ କରିଥିବା ୧୭ଜଣଙ୍କୁ ପୋଲିସ ଗିରଫ କରି ତତ୍କାଳ କୋର୍ଟରେ ହାଜର କରିଥିଲା । କୋର୍ଟ ମଧ୍ୟ ମାମଲାର ଗୁରୁତ୍ୱକୁ ବୁଝିଥିଲେ । ସକାଳ ୩ଟାରେ ମାଜିଷ୍ଟ୍ରେଟଙ୍କ ଘରେ ଏହି ମାମଲାର ଶୁଣାଣି ଚାଲିଥିଲା । କୋର୍ଟ ୭ ମହିଳାଙ୍କ ସମେତ ୧୭ ଅଭିଯୁକ୍ତଙ୍କୁ ୧୪ଦିନ ପାଇଁ ବିଚାର ବିଭାଗୀୟ ହାଜତକୁ ପଠାଇଛନ୍ତି । ଏବେ ସେମାନେ ଜେଲରେ ରହିବେ । ପୋଲିସ ମଧ୍ୟ ସକାଳ ସାଢେ ୫ଟାରେ ସମସ୍ତ ଅଭିଯୁକ୍ତଙ୍କୁ ଜେଲ ପଠାଇ ଦେଇଥିଲା । ସମସ୍ତ ଅଭିଯୁକ୍ତଙ୍କୁ ଜଲରେ କ୍ୱାରେଣ୍ଟାଇନରେ ରଖାଯିବ । ସେମାନଙ୍କୁ ଅନ୍ୟ କଏଦୀଙ୍କଠାରୁ ପୃଥକ ରଖାଯିବ ।

ସୂଚନାଯୋଗ୍ୟ, ନାଗଫଣି ଥାନା ନବାବପୁରାରେ ଗତ ବୁୁଧବାର ଦିନ ପୋଲିସ ଓ ମେଡିକାଲ ଟିମ୍ କିଛି ବ୍ୟକ୍ତିଙ୍କୁ କ୍ୱାରେଣ୍ଟାଇନରେ ପଠାଇବାକୁ ଯାଇଥିଲେ । ସେହି ସମୟରେ ଟିମ୍ ଉପରେ ଆକ୍ରମଣ ହୋଇଥିଲା । ଏହି ଅଞ୍ଚଳର ଜଣେ ବ୍ୟକ୍ତି କରୋନାରେ ପ୍ରାଣ ହରାଇଥିବାରୁ ସମସ୍ତଙ୍କୁ କ୍ୱାରେଣ୍ଟାଇନ କରାଯାଇଥାନ୍ତା । ତେବେ ସେଠାକର କିଛି ମହିଳା ଓ ପୁରୁଷ ଟିମ୍ ଉପରେ ଇଟା, ପଥର ମାଡ କରିଥିଲେ । ଏଥିରେ ଜଣେ ଡାକ୍ତର, ଫାର୍ମାସିଷ୍ଟ ଓ ୬ ସ୍ୱାସ୍ଥ୍ୟ କର୍ମୀ ଆହତ ହୋଇଥିଲେ । କିଛି ପୋଲିସ କର୍ମୀଙ୍କୁ ମଧ୍ୟ ଆଘାତ ଲାଗିଥିଲା । ଏହାପରେ ପୋଲିସ ପରିସ୍ଥିତି ନିୟନ୍ତ୍ରଣ ପାଇଁ ଫାୟାରିଂ କରିଥିଲା ।

   Related Posts