Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅନ୍ୟ ରାଜ୍ୟକୁ ବସ ସେବା ବନ୍ଦ, ୫୦ ପ୍ରତିଶତ କର୍ମଚାରୀରେ ଚାଲିବ ସରକାରୀ ଅଫିସ, କୋଚିଂ ସେଣ୍ଟରରେ ଅଫ୍‌ଲାଇନ୍‌ କ୍ଲାସ୍‌ ମନା । ବିବାହ ପାଇଁ ସର୍ବାଧିକ ୫୦ ଜଣ ଏବଂ ଅନ୍ତିମ ସଂସ୍କାର ପାଇଁ ଅତିବେଶୀରେ ୨୦ ଜଣଙ୍କୁ ଅନୁମତି
  • ||
  • ବାକି ୨୦ ଜିଲ୍ଲାର ସହରାଞ୍ଚଳରେ କାଲିଠୁ ନାଇଟ୍‌ କର୍ଫ୍ୟୁ
  • ||
  • ଛତିଶଗଡ଼ ସୀମାନ୍ତ ୧୦ ଜିଲ୍ଲାର ସହରାଞ୍ଚଳରେ ବଦଳିଲା ନାଇଟ୍‌ କର୍ଫ୍ୟୁ ସମୟ
  • ||
  • ରାଜ୍ୟରେ ଫେରିଲା କୋଭିଡ୍‌ କଟକଣା
  • ||
  • ୨୧ ଆଇଏଏସ୍‌ଙ୍କୁ କୋଭିଡ୍‌ ପର୍ଯ୍ୟବେକ୍ଷଣ ଦାୟିତ୍ୱ
  • ||
  • ୨୧ ଆଇଏଏସ୍‌ଙ୍କୁ କୋଭିଡ ପର୍ଯ୍ୟବେକ୍ଷକ ଦାୟିତ୍ବ
  • ||
  • ଭଦ୍ରକ : ବୈତରଣୀ ନଦୀରେ ବୁଡି ଭାଇ-ଭଉଣୀଙ୍କ ସଲୀଳ ସମାଧି, ପିଉସୀଙ୍କ ଘରୁ ଫେରିବା ବେଳେ ଅଘଟଣ
  • ||
  • ମାଲକାନଗିରି : ମାନିଲେନି କୋଭିଡ୍ ନିୟମ, ସିଲ୍ ହେଲା ଦୋକାନ
  • ||
  • ଧର୍ମଗଡ : ଧର୍ମଗଡ ବଣିକ ସଂଘର ବଡ ନିଷ୍ପତ୍ତି, ଶନିବାର ଓ ରବିବାର ସଂପୂର୍ଣ୍ଣ ବନ୍ଦ ରହିବ ସହର
  • ||
  • କଟକ : ସ୍ବରେଜ ମ୍ୟାନ୍‌ହୋଲ୍‌ରେ ଶ୍ବାସରୁଦ୍ଧ ହୋଇ ୨ ଜଣଙ୍କ ମୃତ୍ୟୁ, ଜଣେ ଗୁରୁତର
  • ||

ସ୍କୁଲରେ ସବୁବେଳେ ପ୍ରଥମ ହେଉଥିଲେ ବୋଲି ଈର୍ଷାରେ ନିଜ ଭାଇମାନେ ଭଉଣୀକୁ କଲେ ଗଣଦୁଷ୍କର୍ମ

30/06/2019 at 3:12 PM

ସୀତାପୁରା ୩୦/୬ : ଉତ୍ତର ପ୍ରଦେଶ ସୀତାପୁରାରେ ଏକ ଲଜ୍ଜାଜନକ ଘଟଣା ଘଟିଛି । ଅଷ୍ଟମ ଶ୍ରେଣୀ ଛାତ୍ରୀଙ୍କୁ ସ୍କୁଲ କ୍ୟାମ୍ପସରେ ଗଣଦୁଷ୍କର୍ମ କରାଯାଇଛି । ଛାତ୍ରୀଙ୍କୁ ଗଣଦୁଷ୍କର୍ମ କରିଛନ୍ତି ତାଙ୍କରି ଦାଦା ପୁଅ ଭାଇ । ସେ ବହୁତ ଭଲ ପାଠ ପଢ଼ନ୍ତି ଏବଂ ସ୍କୁଲରେ ସବୁବେଳେ ପ୍ରଥମ ହୁଅନ୍ତି ବୋଲି ଭାଇମାନେ ତାଙ୍କୁ ଈର୍ଷା କରନ୍ତି । ଈର୍ଷାର ବଶବର୍ତ୍ତୀ ହୋଇ ନୃଶଂସ ଭାଇମାନେ ଭଉଣୀକୁ ଖାଇବାରେ ନିଶା ଦେଇ ତାଙ୍କ ସହ ଗଣଦୁଷ୍କର୍ମ କରିଛନ୍ତି । ଗଣଦୁଷ୍କର୍ମର ଭିଡିଓ ରେକଡିଂ କରି ତାକୁ ହ୍ୱାଟ୍ସଆପ ଗ୍ରୁପରେ ସେୟାର କରିଥିଲେ । ହ୍ଵାଟ୍ସଆପ ଗ୍ରୁପରେ ଏହି ଦୁଷ୍କର୍ମ ଭିଡିଓ ସେୟାର କଲାପରେ ଘଟଣା ଜଣାପଡିଥିଲା ।

ଘଟଣା ଜଣାପଡିବା ପରେ ଶନିବାର ଦିନ ୫ ଜଣଙ୍କ ବିରୋଧରେ ମାମଲା ରୁଜ୍ଜୁ କରାଯାଇଛି । ଏବେ ପର୍ଯ୍ୟନ୍ତ କାହାକୁ ଗିରଫ କରାଯାଇନାହିଁ ।

ପୋଲିସ ପୀଡିତାଙ୍କ ବୟାନ ରେକର୍ଡ କରିଛି । ଅତିରିକ୍ତ ଏସପି ମଧୁବନ କୁମାର ସିଂହ କହିଛନ୍ତି, ପୀଡିତାଙ୍କ ବୟାନ ଅନୁଯାୟୀ, ଗତ ଦୁଇ ବର୍ଷ ହେଲା ସେ ନିଜ ସମ୍ପର୍କୀୟ ଭାଇମାନଙ୍କ ଦ୍ୱାରା ଦୁଷ୍କର୍ମର ଶିକାର ହୋଇଛନ୍ତି । ଘଟଣା ସୀତାପୁରା ମୋହାଲି ଥାନା ଅନ୍ତର୍ଗତ ସରକାରୀ ସ୍କୁଲରେ ଘଟିଥିଲା । ଅଭିଯୁକ୍ତମାନେ ପୀଡିତାଙ୍କ ଠାରୁ ବୟସରେ ବଡ । ଶୁକ୍ରବାର ଦିନ ମଧ୍ୟାହ୍ନ ଭୋଜନ ସମୟରେ ଅଭିଯୁକ୍ତ ଭାଇମାନେ ଭଉଣୀକୁ ଖାଇବା ପାଇଁ ଡାକିଥିଲେ । ଭଉଣୀ ସେମାନଙ୍କ ସହ ଖାଇବା ପାଇଁ ରାଜି ହୋଇଯାଇଥିଲେ । ଅଭିଯୁକ୍ତମାନେ ତାଙ୍କ ଖାଇବାରେ ନିଶା ଦ୍ରବ୍ୟ ମିଶାଇ ତାଙ୍କୁ ଖୁଆଇ ଦେଇଥିଲେ । ଏହାପରେ ଛାତ୍ରୀଙ୍କ ହୋସ ନଥିଲା ।

ସେ ଚେତାଶୂନ୍ୟ ଥିବା ଅବସ୍ଥାରେ ସମ୍ପର୍କୀୟ ଭାଇମାନେ ତାଙ୍କ ସହ ଦୁଷ୍କର୍ମ କରିଥିଲେ ଏବଂ ଏହାର ଭିଡିଓ ମଧ୍ୟ ମୋବାଇଲରେ ରେକଡିଂ କରିଥିଲେ । ଯେତେବେଳେ ତାଙ୍କର ଚେତା ଫେରିଲା ସେ ପଚାରିଥିଲେ ତାଙ୍କୁ କଣ ହେଇଚି । ଅଭିଯୁକ୍ତମାନେ କହିଥିଲେ ସେ ଖେଳ ପଡିଆରେ ଚେତାଶୂନ୍ୟ ହୋଇ ପଡିଯାଇଥିଲେ । ସେଥିପାଇଁ ସେମାନେ ତାଙ୍କୁ ଷ୍ଟାଫ ରୁମକୁ ନେଇ ଆସିଥିଲେ । କିନ୍ତୁ ହ୍ଵାଟ୍ସଆପରେ ଭିଡିଓ ସେୟାର ହେବା ମାତ୍ରେ ଛାତ୍ରୀ ଜାଣିପାରିଥିଲେ ତାଙ୍କ ସହ ତାଙ୍କ ନିଜ ଭାଇମାନେ ଦୁଷ୍କର୍ମ କରିଛନ୍ତି । ପୀଡିତାଙ୍କ ମେଡିକାଲ ରିପୋର୍ଟ ଏଯାଏଁ ଆସିନାହିଁ ।

ସୂଚନାଯୋଗ୍ୟ ଯେ, ପୀଡିତା ଏବଂ ଅଭିଯୁକ୍ତ ଭାଇମାନେ ଜଏଣ୍ଟ ଫାମିଲିରେ ରୁହନ୍ତି ।

   Related Posts