Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ପୁଣି ଚର୍ଚ୍ଚାରେ ଭିଲଓ୍ବାଡା ମଡେଲ୍ : ବର ସମେତ ୧୬ କରୋନା ସଂକ୍ରମିତ, ଜଣଙ୍କର ମୃତ୍ୟୁ

28/06/2020 at 1:33 PM

ଭିଲଓ୍ବାଡା ୨୮।୬: କରୋନା ଭାଇରସ୍ ସଂକ୍ରମଣ ଉପରେ ପ୍ରଭାବଶାଳୀ ନିୟନ୍ତ୍ରଣ ପାଇଁ ‘ଭିଲଓ୍ବାଡା ମଡେଲ୍’ର ସାରା ଦେଶରେ ଆଲୋଚନା କରାଯାଇଥିଲା, କିନ୍ତୁ ବର୍ତ୍ତମାନ ଏକ ବିବାହରେ ସାମିଲ ହୋଇଥିବା ଅନେକ ଲୋକଙ୍କ ଜୀବନ ବାଜିରେ ଲାଗିଛି । ଏହି ବିବାହରେ ସାମିଲ ହୋଇଥିବା ୧୬ଜଣ ଲୋକ ସଂକ୍ରମିତ ହୋଇଥିବା ନିଶ୍ଚିତ ହୋଇଛି । ସେମାନଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଥିବାବେଳେ ୫୮ ଜଣଙ୍କୁ କ୍ବାରେଣ୍ଟାଇନ୍ ରେ ରଖାଯାଇଛି । ଜିଲ୍ଲା ପ୍ରଶାସନ ନା କେବଳ ସଂପୃକ୍ତ ପରିବାର ବିରୋଧରେ ମାମଲା ରୁଜୁ କରିଛି ବରଂ ୩ ଦିନ ମଧ୍ୟରେ ୬ ଲକ୍ଷରୁ ଅଧିକ ଟଙ୍କାର ଜରିମନା ଦେବାକୁ ମଧ୍ୟ କହିଛି ।

ସୂଚନାଯୋଗ୍ୟ ଯେ, ସହରର ଭଦାଦା ଅଞ୍ଚଳରେ ଘିସୁଲାଲ ରାଠୀଙ୍କ ପୁଅ ରିଜୁଲଙ୍କ ବିବାହ ଜୁନ୍ ୧୩ ତାରିଖରେ ହୋଇଥିଲା । ଯେତେବେଳେ ପରିବାର ପ୍ରଶାସନର ଅନୁମୋଦନ ଲୋଡିଥିଲେ ସେତେବେଳେ ସେମାନଙ୍କୁ ୫୦ରୁ ଅଧିକ ଲୋକଙ୍କୁ ଡାକିବା ସର୍ତ୍ତରେ ଅନୁମତି ଦିଆଯାଇଥିଲା । କିନ୍ତୁ ବିବାହ ଉତ୍ସବରେ ଅଧିକ ସଂଖ୍ୟକ ଲୋକ ଯୋଗଦେଇଥିଲେ । ସମସ୍ୟା ସେତେବେଳେ ହୋଇଥିଲା ଯେତେବେଳେ ବର ସମେତ ୧୬ଜଣ ବ୍ୟକ୍ତି କରୋନା ସଂକ୍ରମିତ ହୋଇଥିଲେ । ଏହି ସଂକ୍ରମିତମାନଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଛି ।

କରୋନା ଭାଇରସ୍ ସଂକ୍ରମଣ ଉପରେ ପ୍ରଭାବଶାଳୀ ନିୟନ୍ତ୍ରଣ ପାଇଁ ସାରା ଦେଶରେ ‘ଭିଲୱାଡା ମଡେଲ’ ଉପରେ ଆଲୋଚନା କରାଯାଇଥିଲା । କଡା ଆଭିମୁଖ୍ୟ ଗ୍ରହଣ କରି ଜିଲ୍ଲା ପ୍ରଶାସନ ବିପର୍ଯ୍ୟୟ ପରିଚାଳନା ଆଇନର ଧାରା ୫୧ ଏବଂ ସାଧାରଣ ଲୋକଙ୍କ ଜୀବନ ପ୍ରତି ବିପଦରେ ପକାଇଥିବାରୁ ଭାରତୀୟ ଦଣ୍ଡ ବିଧି ଆଇନ ଅନୁଯାୟୀ ମାମଲା ରୁଜୁ କରାଯାଇଛି ।

ଜିଲ୍ଲା ମାଜିଷ୍ଟ୍ରେଟ୍ ରାଜେନ୍ଦ୍ର ଭଟ୍ଟଙ୍କ ନିର୍ଦ୍ଦେଶ ଅନୁଯାୟୀ ଏହି ବିବାହ ଉତ୍ସବରେ ୫୦ରୁ ଅଧିକ ଲୋକଙ୍କୁ ନିମନ୍ତ୍ରଣ କରାଯାଇଥିଲା ଏବଂ ବିବାହ କାର୍ଯ୍ୟକ୍ରମରେ କରୋନା ଭାଇରସ୍ ସଂକ୍ରମଣ (ସାମାଜିକ ଦୂରତା, ମାସ୍କ ପିନ୍ଧିବା) ରୋକିବା ନିୟମ ମଧ୍ୟ ପାଳନ କରାଯାଇ ନଥିଲା । ଏହି ବିବାହରେ ସାମିଲ ଥିବା ଲୋକଙ୍କ ମଧ୍ୟରେ ପ୍ରଥମ ସଂକ୍ରମଣ ମାମଲା ଜୁନ୍ ୧୯ରେ ସାମ୍ନାକୁ ଆସିଥିବାବେଳେ ଏପର୍ଯ୍ୟନ୍ତ ୧୬ ଜଣ ଲୋକ ସଂକ୍ରମିତ ହୋଇଥିବା ନିଶ୍ଚିତ ହୋଇଛି । ସେମାନଙ୍କ ମଧ୍ୟରୁ ଜଣଙ୍କର ମୃତ୍ୟୁ ମଧ୍ୟ ହୋଇଛି । ଅଧିକ ଲୋକ ସଂକ୍ରମିତ ହେବାର ସମ୍ଭାବନା ରହିଛି ।

ନିର୍ଦ୍ଦେଶ ଅନୁଯାୟୀ, ଏହି ବିବାହରେ ସାମିଲ ହୋଇଥିବା ୧୫ ଜଣ ସଂକ୍ରମିତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ଏବଂ ୫୮ ଜଣ ଲୋକ ଆଇସୋଲେସନରେ ଅଛନ୍ତି । ଏହି ପରିପ୍ରେକ୍ଷୀରେ ରାଜ୍ୟ ସରକାର ଆଇସୋଲେସନ ୱାର୍ଡ, ଆଇସୋଲେସନ କେନ୍ଦ୍ର ସୁବିଧା, ଖାଦ୍ୟ, ଯାଞ୍ଚ, ପରିବହନ ଏବଂ ଆମ୍ବୁଲାନ୍ସ ଇତ୍ୟାଦିରେ ପ୍ରାୟ ୬,୨୬,୦୦୦ଟଙ୍କା ରାଜସ୍ବ ହରାଇଛନ୍ତି । ୩ ଦିନ ମଧ୍ୟରେ ଏହି ରାଶି ସଂଗ୍ରହ କରି ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିରେ ଦାଖଲ କରିବାକୁ ତହସିଲଦାରଙ୍କୁ କୁହାଯାଇଛି।

   Related Posts