ଭୁବନେଶ୍ୱର, ୨୬|୦୬ : ଶୁକ୍ରବାର ରାଜଧାନୀ ଭୁବନେଶ୍ୱରରୁ ଆଉ ୧୬ କୋଭିଡ-୧୯ ପଜିଟିଭ୍ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୨ ଜଣ କ୍ୱାରେଣ୍ଟାଇନରେ ଥିବା ବେଳେ ଅନ୍ୟ ୧୪ ଜଣ ହେଉଛନ୍ତି ସ୍ଥାନୀୟ ସଂକ୍ରମିତ । ଏହାସହ ୧୧ ଜଣ ଆରୋଗ୍ୟ ଲାଭ କରିଛନ୍ତି ।
wp:html/wp:htmlUpdate on newly detected & cured #COVID19 cases in the last 24 hrs under the BMC area on 26th Jun 2020(till 9am).
— BMC (@bmcbbsr) June 26, 2020
Further contact tracing is still continuing.
Primary contacts & nearby houses are being quarantined, sanitised & will be under active surveillance. pic.twitter.com/gKqXu6J0wn
କ୍ୱାରେଣ୍ଟାଇନରେ ଥିବା ଦୁଇ ଜଣ ସଂକ୍ରମିତ ହେଉଛନ୍ତି ଯଦୁପୁରର ଜଣେ ୩୬ ବର୍ଷୀୟ ବ୍ୟକ୍ତି ଏବଂ ଆଉ ଜଣେ ହେଲେ ଡେଲଟା କଲୋନୀର ୨୧ ବର୍ଷୀୟା ମହିଳା । ସେ ନିକଟରେ ବିଜୟଓ୍ୱାଡାରୁ ଫେରି ହୋମ୍ କ୍ୱାରେଣ୍ଟାଇନରେ ରହିଥିଲେ ।
ଏତତ୍ ବ୍ୟତୀତ ସ୍ଥାନୀୟ ସଂକ୍ରମିତଙ୍କ ମଧ୍ୟରୁ ୯ ଜଣ ହେଉଛନ୍ତି ଏକ ଘରୋଇ ହସ୍ପିଟାଲର କର୍ମଚାରୀ । ସେହିପରି ବରମୁଣ୍ଡା ବିଡିଏ କଲୋନୀର ୨୨ ଓ ୨୪ ବର୍ଷର ଦୁଇଜଣ ବ୍ୟକ୍ତି ରହିଛନ୍ତି । ଝାରପଡାରୁ ମଧ୍ୟ ଜଣେ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସୁନ୍ଦରପଦା ଅଭିରାମ ବସ୍ତିର ୫୦ ବର୍ଷୀୟା ମହିଳା ଓ ଓଲଡଟାଉନ୍ ମହତାବ ରୋଡର ଜଣେ ୬୧ ବର୍ଷର ବ୍ୟକ୍ତି ମଧ୍ୟ କରୋନା ସଂକ୍ରମିତ ହୋଇଛନ୍ତି । ଏହି ସଂକ୍ରମିତମାନେ କୌଣସି ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ସନ୍ଦେହ କରାଯାଉଛି ।