Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

୧୫ ବର୍ଷ ବୟସ୍କା ନାବାଳିକାଙ୍କୁ ୩ମାସ ଧରି ଦୁଷ୍କର୍ମ କରିଥିବା ବାପ ଓ ପୁଅଙ୍କୁ ଧରିବା ପାଇଁ ତାଳଚେରରେ ଚଢ଼ଉ କରୁଛି ଝାରସୁଗୁଡ଼ା ପୋଲିସ୍

16/10/2018 at 3:07 PM

ଝାରସୁଗୁଡ଼ା ୧୬/୧୦: ଝାରସୁଗୁଡ଼ାରେ ଜଣେ ୧୫ବର୍ଷ ବୟସ୍କା ନାବାଳିକାଙ୍କୁ ତାଳଚେରରେ ବାପ ଓ ପୁଅ ଦୁଷ୍କର୍ମ କରିବା ଘଟଣାରେ ଝାରସୁଗୁଡ଼ା ପୋଲିସ୍ ତାଳଚେରରେ ପହଞ୍ଚି ଠାବ କରିବାକୁ ଉଦ୍ୟମ ଚଳାଇଛି। ଦୁଷ୍କର୍ମ ଅଭିଯୋଗ କରିଥିବା ନାବାଳିକା ସୂଚନା ଆଧାରରେ ଝାରସୁଗୁଡ଼ା ପୋଲିସ୍ ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଛି। ଗତକାଲି ନାବାଳିକା ଝାରସୁଗୁଡ଼ା ବିଟି ଏମ ଫାଣ୍ଡିରେ ଦୁଷ୍କର୍ମ ଅଭିଯୋଗ କରିବା ପରେ ତାଙ୍କର ଡାକ୍ତରୀ ମାଇନା ହୋଇଥିଲା। ଡାକ୍ତରୀ ମାଇନା ରିପୋର୍ଟରେ ଦୁଷ୍କର୍ମ ହୋଇଥିବା ସ୍ପଷ୍ଟ ହୋଇଛି। ଫଳରେ ପୋଲିସ୍ ଏବେ ଆକ୍ସନ୍ ମୋଡ଼କୁ ଆସିଛି।

ସୂଚନା ଯୋଗ୍ୟ ଯେ, ଅଭିଯୋଗକାରିଣୀ ଏହି ନାବାଳିକାଙ୍କ ଘର ଝାରସୁଗୁଡ଼ା ଉପକଣ୍ଠରେ ଥିବା ଏକ ଆଦିବାସୀ ପଡ଼ାରେ। ଗତ ୬ମାସ ତଳେ ନାବାଳିକାଙ୍କ ମାଙ୍କ ମୃତ୍ୟୁ ହୋଇଯାଇଛି। ବାପ ମଦ୍ୟପ ଥିବାରୁ ନାବାଳିକା ଏବଂ ତାଙ୍କ ସାନ ଭାଇ କଥା କେହି ବୁଝୁନଥିଲେ। ଭୋକଉପାସରେ ଜୀବନ କାଟୁଥିବା ନାବାଳିକାଙ୍କୁ ଝାରସୁଗୁଡ଼ାର ଜଣେ ମହିଳା ନେଇ ତାଳଚେରର ଜଣଙ୍କ ଘରେ କାମରେ ଲଗାଇଥିଲେ। ଗତ ୩ମାସ ହେଲା ସେଠାରେ ନାବାଳିକା କାମ କରୁଥିବାବେଳେ ସଂପୃକ୍ତ ଘରର ମାଲିକ ଏବଂ ତାଙ୍କ ପୁଅ ନାବାଳିକାଙ୍କୁ ବାରମ୍ବାର ଦୁଷ୍କର୍ମ କରିଆସୁଥିଲେ। ଦୀର୍ଘ ୩ମାସ ହେଲା ଦୁଷ୍କର୍ମର ଶିକାର ହୋଇଥିବା ନାବାଳିକା ଶେଷରେ କୈାଶଳକ୍ରମେ ସେଠାରୁ ଖସିଆସିଥିଲେ। ଝାରସୁଗୁଡ଼ାରେ ପହଞ୍ଚିବାପରେ ସାହିପଡ଼ିଶାଙ୍କ ପରାମର୍ଶକ୍ରମେ ଗତକାଲି ନାବାଳିକା  ବିଟିଏମ୍ ଫାଣ୍ଡିରେ ଅଭିଯୋଗ କରିଥିଲେ। ପୋଲିସ୍ ଭାରତୀୟ ଦଣ୍ଡବିଧି ଆଇନରେ ୩୭୬ ଏବଂ ପକ୍ସୋ ଆଇନ୍ ଅନୁସାରେ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା।

ନାବାଳିକାଙ୍କୁ ତାଳଚେର ନେଇଥିବା ମହିଳାଙ୍କୁ ଖୋଜାଖୋଜି କରିଥିଲେ ମଧ୍ୟ ତାଙ୍କୁ ପାଇନଥିଲା। କାରଣ ସଂପୃକ୍ତ ମହିଳା ଝାରସୁଗୁଡ଼ା ପୁରୁଣାବସ୍ତିର ବୋଲି ନାବାଳିକା ପ୍ରଥମେ କହିଥିବାବେଳେ ପରବର୍ତ୍ତୀ ସମୟରେ ସେ ସରବାହାଲ ଅଞ୍ଚଳର ବୋଲି କହିଥିଲେ। ନାବାଳିକା ଅଶିକ୍ଷିତା ହୋଇଥିବାରୁ ଅଭିଯୁକ୍ତମାନଙ୍କ ସମ୍ପର୍କରେ ସଠିକ୍ ସୂଚନା ଦେଇପାରୁନାହାନ୍ତି। ତେବେ ଆଜି ଝାରସୁଗୁଡ଼ା ପୋଲିସ୍ ବିଭିନ୍ନ ତଥ୍ୟକୁ ଆଧାରକରି ତାଳଚେରରେ ତଦନ୍ତ ଜାରି ରଖିଛି।

   Related Posts