Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁବ ମୋର୍ଚ୍ଚା ନେତାଙ୍କୁ ମାଡ଼ ଘଟଣାରେ ପ୍ରତିବାଦ, ମୁଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କଲା ବିଜେପି
  • ||
  • କାର୍ତ୍ତିକ ମାସର ପ୍ରଥମ ସୋମବାରରେ ଧବଳେଶ୍ଵର ପୀଠରେ ୧୪୪ ଧାରା ଜାରି
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||

ବିଶ୍ୱକବି ରବିନ୍ଦ୍ରନାଥ ଟାଗୋରଙ୍କ ୧୫୯ତମ ଜନ୍ମ ଜୟନ୍ତୀ, ଜାଣନ୍ତୁ କବିଗୁରୁଙ୍କ ବିଷୟରେ କିଛି ଅଜଣା କଥା

8/05/2020 at 3:46 PM

ନୂଆଦିଲ୍ଲୀ, ୦୮|୦୫:   ବିଶ୍ୱକବି ରବିନ୍ଦ୍ରନାଥ ଟାଗୋର ୧୮୬୧ ମସିହା ମେ ୭ ତାରିଖରେ କୋଲକାତାର ଜୋରାସଙ୍କରେ ଜନ୍ମଗ୍ରହଣ କରିଥିଲେ ।  ସେ କେବଳ ଜଣେ କବି ନୁହେଁ ବରଂ ଏକାଧାରରେ ସଙ୍ଗୀତକାର, ଚିତ୍ରକାର ଓ ଲେଖକ ମଧ୍ୟ । ତାଙ୍କୁ ଗୁରୁଦେବ, ବିଶ୍ୱକବି ଓ କବିଗୁରୁ ଉପାଧି ମଧ୍ୟ ମିଳିଛି । ସେ ମଧ୍ୟ ନୋବେଲ ପୁରସ୍କାର ବିଜେତା ।

ସେ ତାଙ୍କ ମାତା-ପିତାଙ୍କ ୧୩ ତମ ସନ୍ତାନ ଅଟନ୍ତି । ତେବେ ସେ ୧୮୭୫ରେ ମାତ୍ର ୧୪ ବର୍ଷ ବୟସରେ ତାଙ୍କ ମାଆଙ୍କୁ ହରାଇଥିଲେ । ସେ ୧୧ ବର୍ଷର ହୋଇଥିବା ବେଳେ ତାଙ୍କ ପିତାଙ୍କ ସହ ଭାରତ ଭ୍ରମଣରେ ଯାଇଥିଲେ । ଏହି ଯାତ୍ରାରେ ସେ କବି କାଳିଦାସଙ୍କ ଅନେକ କାବ୍ୟ କବିତା ପଢିଥିଲେ । ଏପରିକି ସେ କଲେଜ୍ ସମୟରେ ସେକ୍ସପିଅରଙ୍କ ଉପନ୍ୟାସ ମଧ୍ୟ ପଢିବା ଆରମ୍ଭ କରିଦେଇଥିଲେ । ଏହାପରେ ସେ ସେ ନିଜେ ମଧ୍ୟ ଲେଖାଲେଖି ଆରମ୍ଭ କରିଥିଲେ । ୧୮୮୨ରେ ତାଙ୍କର କବିତା ନିର୍ଝରିର୍ ସ୍ୱପ୍ନଭଙ୍ଗା ପ୍ରକାଶିତ ହୋଇଥିଲା ।

ଏହାପରେ ସେ ଗୀତାଞ୍ଜଳି ଲେଖିଥିଲେ । ସେ ପ୍ରାୟ ୨୨୩୦ଟି କବିତା ଲେଖିଛନ୍ତି । ଆହୁରି ମଧ୍ୟ ଅନେକ ଅଣୁ ଓ କ୍ଷୁଦ୍ର ଗଲ୍ଫ, ଉପନ୍ୟାସ ଯଥା ଗୋରା, ଘରେ-ବାଇରେ ଓ ୟୋଗାୟୋଗ ଲେଖିଛନ୍ତି ।  ସେ ପ୍ରଥମ ଅଣ ୟୁରୋପୀୟ ଭାବେ ୧୯୧୩ରେ ସାହିତ୍ୟରେ ନୋବେଲ ପାଇଥିଲେ । ଗୀତାଞ୍ଜଳି ପାଇଁ ତାଙ୍କୁ ଏହି ସମ୍ମାନ ପ୍ରଦାନ କରାଯାଇଥିଲା ।

ସେ ହେଉଛନ୍ତି ଜଣେ ମାତ୍ର ବ୍ୟକ୍ତି ଯିଏକି ଦୁଇଟି ଦେଶ ପାଇଁ ଜାତୀୟ ସଙ୍ଗୀତ ରଚନା କରିଛନ୍ତି । ସେ ଭାରତୀୟ ଜାତୀୟ ସଙ୍ଗୀତ ‘ଜନଗଣ ମନ ଅଧିନାୟକ’ ଲେଖିଥିବା ବେଳେ ବାଂଲାଦେଶ ପାଇଁ ‘ଆମୋର ସୋନାର୍ ବାଙ୍ଗଲା’ ଲେଖିଛନ୍ତି ।

ବିଶ୍ୱକବି ରବିନ୍ଦ୍ରନାଥ ଟାଗୋର ହିଁ ପ୍ରଥମ ଥର ପାଇଁ ଗାନ୍ଧୀଙ୍କୁ ୧୯୧୫ରେ ମହାତ୍ମା ସମ୍ବୋଧନ କରିଥିଲେ ।

ରବିନ୍ଦ୍ରନାଥ ଟାଗୋର ଏବଂ ଆଲବର୍ଟ ଆଇନଷ୍ଟାଇନ୍ ୧୯୩୦ରୁ ୧୯୩୧ ମଧ୍ୟରେ ୪ଥର ପରସ୍ପରକୁ ଭେଟିଛନ୍ତି ।

୨୦୦୪ରେ ରବିନ୍ଦ୍ରନାଥ ଟାଗୋରଙ୍କୁ ପ୍ରଦାନ କରାୟାଇଥିବା ନୋବେଲ ପ୍ରାଇଜ୍ ଶାନ୍ତି ନିକେତନରେ ଥିବା ଉତ୍ତରାୟନ କମ୍ପ୍ଲେକ୍ସରୁ ଚୋରି ହୋଇଯାଇଥିଲା । ପରେ ଏକ ନୂଆ ମେଡାଲ ତିଆରି କରାଯାଇଥିଲା ।

୨୦୧୧ରେ ଭାରତ ସରକାର ବିଶ୍ୱକବିଙ୍କ ୧୫୦ ତମ ଜନ୍ମ-ଜୟନ୍ତୀ ଅବସରରେ ୫ ଟଙ୍କିଆ ମୁଦ୍ରା ପ୍ରଚଳନ କରିଥିଲେ । ଚଳିତ ବର୍ଷ କିନ୍ତୁ ପଶ୍ଚିମବଙ୍ଗ ସରକାର ବିଶ୍ୱକବିଙ୍କ ଜନ୍ମ ଜୟନ୍ତୀକୁ କରୋନା ଭାଇରସ ପାଇଁ ଧୂମଧାମରେ ପାଳନ କରିନାହାଁନ୍ତି । ତେବେ ଶୁକ୍ରବାର ଅପରାହ୍ନ ୪ଟାରେ ପଶ୍ଚିମବଙ୍ଗ ସରକାର  କ୍ୟାଥେଡ୍ରାଲ୍ ରୋଡରେ ବିଶ୍ୱକବିଙ୍କ ଜନ୍ମ ଜୟନ୍ତୀ ପାଳନ କରିଛନ୍ତି ।

   Related Posts