Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୧ କୋଭିଡ୍ ପଜିଟିଭ୍
  • ||
  • ସିରିଆ ଡ୍ରୋନ୍ ଆଟାକ୍‌: ଅଲକାଏଦାର ବରିଷ୍ଠ ନେତା ଅବଦୁଲ ହମିଦ ଅଲ-ମାତାର ମୃତ
  • ||
  • ନିଶ୍ଚିନ୍ତକୋଇଲିରେ ହାତୀ ଆତଙ୍କ, ନଷ୍ଟ କରୁଛନ୍ତି ଫସଲ
  • ||
  • ମନୀଷ ଅନୁରାଗ ହତ୍ୟା ମାମଲା : ସାଉଥ୍‌ ସିଟି ବାର୍‌ ମାଲିକ ଓ ପରିଚାଳନା କରୁଥିବା ପ୍ରସନ୍ନ ବେହେରା ଗିରଫ
  • ||
  • ଅନ୍ୟ ରାଜ୍ୟର ଜେଲକୁ ସ୍ଥାନାନ୍ତର ହେଉଛନ୍ତି ଆତଙ୍କବାଦୀ : ଜମ୍ମୁ-କାଶ୍ମୀରରୁ ୨୬ ଆତଙ୍କୀଙ୍କୁ ପଠାଗଲା ଆଗ୍ରା
  • ||
  • କମୁଛି ପାରଦ, ଆଗକୁ ବଢିବ ଶୀତ
  • ||
  • ଟି୨୦ ବିଶ୍ୱକପ : ଅସଲ ଲଢେଇ ଆରମ୍ଭ, ସୁପର ୧୨ର ପ୍ରଥମ ମୁକାବିଲାରେ ଅଷ୍ଟ୍ରେଲିଆ ବନାମ ଦକ୍ଷିଣ ଆଫ୍ରିକା
  • ||

ଆଇପିଏଲ ୨୦୨୦ରେ ଆରମ୍ଭରୁ ଚାଲିଛି ଛକା ବର୍ଷା, ମାତ୍ର ୧୦ ମ୍ୟାଚ୍‌ରେ ୧୫୩ ଛକା ମାରିଲେଣି ବ୍ୟାଟସମ୍ୟାନ୍

29/09/2020 at 4:49 PM

ଦୁବାଇ, ୨୯ ।୦୯:  ଚଳିତ ଆଇପିଏଲରେ ଦର୍ଶକଙ୍କୁ ଷ୍ଟାଡିୟମ ମନା କରାଯାଇଛି । କରୋନା କଟକଣା ପାଇଁ ଏପରି ପଦକ୍ଷେପ ନିଆଯାଇଛି । ତେବେ ଦର୍ଶକମାନେ ଟିଭିରେ ଭରପୁର ଏହି ଫଟାଫଟ୍ କ୍ରିକେଟର ମଜା ଉଠାଉଛନ୍ତି । କାରଣ ପ୍ରତି ମ୍ୟାଚରେ ଛକା ଓ ଚଉକାର ବର୍ଷା ହେଉଛି । ଏପରିକି ଭାଷ୍ୟକାରମାନେ ମଧ୍ୟ ପଡିଆରେ ଛକା ବର୍ଷା ହେଉଥିବା କହୁଥିବାର ପ୍ରତି ଇନିଂସରେ ଦେଖିବାକୁ ମିଳୁଛି ।

କରୋନା ମହାମାରୀ ପାଇଁ ଚଳିତ ଆଇପିଏଲ-୨୦୨୦ ଦୁବାଇରେ ଖେଳାଯାଉଛି । ଦୁବାଇର ୩ଟି ଷ୍ଟାଡିୟମରେ ମ୍ୟାଚ୍‌ ଆୟୋଜିତ ହେଉଛି । ତେବେ ବିନା ଦର୍ଶକରେ ଏହି ମ୍ୟାଚ୍ ଖେଳାଯାଉଥିଲେ ମଧ୍ୟ ଟିଭିରେ ଏହାର ଆନନ୍ଦ ଉଠାଉଛନ୍ତି । ଦୁବାଇର ଅଧିକାଂଶ ଷ୍ଟାଡିୟମ ଛୋଟ ହୋଇଥିବାରୁ ଅଧିକ ଛକା ଲାଗୁଛି ।

ଶାରଜାହ ଷ୍ଟାଡିୟମ ଅନ୍ୟ ଷ୍ଟାଡିୟମ ତୁଳନାରେ ସାମାନ୍ୟ ଛୋଟ । ଏହାର ପିଚ୍ ମଧ୍ୟ ଫ୍ଲାଟ୍ । ଏହା ଏକ ବ୍ୟାଟିଂ ପିଚ୍ । ଏହି ଷ୍ଟାଡିୟମରେ ଏବେସୁଦ୍ଧା ମାତ୍ର ୨ଟି ମ୍ୟାଚ୍ ଖେଳାଯାଇଛି । କିନ୍ତୁ ୬୨ଟି ଛକା ଲାଗିଲାଣି ।

ଚଳିତ ଆଇପିଏଲରେ ଏବେସୁଦ୍ଧା ୧୦ଟି ମ୍ୟାଚ୍ ଖେଳାଯାଇଛି । ଏହି ୧୦ଟି ମ୍ୟାଚରେ ୧୫୩ଟି ଛକା ଲଗାଇଛନ୍ତି ବିଭିନ୍ନ ଦଳର ବ୍ୟାଟସମ୍ୟାନ୍ । ଚେନ୍ନାଇ ସୁପର କିଙ୍ଗସ୍ ଓ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଯାଇଥିବା ଉଦଘାଟନୀ ମ୍ୟାଚରେ ହିଁ ୯ଟି ଛକା ଲାଗିଥିଲା । ସେହିପରି ଦିଲ୍ଲୀ କ୍ୟାପିଟାଲ୍ସ ଓ ପଞ୍ଜାବ ମଧ୍ୟରେ ଖେଳାଯାଇଥିବା ମ୍ୟାଚରେ ୧୨ଟି, ହାଇଦ୍ରାବଦ ଓ ବାଙ୍ଗାଲୋର ମଧ୍ୟରେ ଖେଳାଯାଇଥିବା ମ୍ୟାଚରେ ୭ଟି, ରାଜସ୍ଥାନ ଓ ଚେନ୍ନାଇ ମଧ୍ୟରେ ମ୍ୟାଚରେ ୩୩ଟି, କୋଲକାତା ଓ ମୁମ୍ବାଇ ମ୍ୟାଚରେ ୧୬ଟି ଛକା ଲାଗିଥିଲା ।

ସେହିପରି ଚେନ୍ନାଇ ଓ ଦିଲ୍ଲୀ ମ୍ୟାଚରେ ୩ଟି, ହାଇଦ୍ରାବାଦ ଓ କୋଲକାତା ମ୍ୟାଚରେ ୮ଟି, ରାଜସ୍ଥାନ ବନାମ ପଞ୍ଜାବ ମ୍ୟାଚରେ ୨୯ ଓ ଆରସିବି ଏବଂ ମୁମ୍ବାଇ ମଧ୍ୟରେ ଖେଳାଯାଇଥିବା ମ୍ୟାଚରେ ୨୬ଟି ଛକା ଲାଗିଥିଲା ।

   Related Posts