Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରାଟ କୋହଲିଙ୍କ ଘୋଷଣା, ଟି-୨୦ ୱାର୍ଲ୍ଡ କପ୍‌ ପରେ ଛାଡ଼ିବେ କ୍ୟାପ୍ଟେନ୍‌ ପଦ
  • ||
  • ସାନଖେମୁଣ୍ଡି : ଭିଜିଲାନ୍ସ ଜାଲରେ ଆସିଷ୍ଟାଣ୍ଟ ଇଂଜିନିୟର, ଠିକାଦାରଙ୍କଠୁ ନେଉଥିଲେ ୫୦ହଜାର ଟଙ୍କା ଲାଞ୍ଚ
  • ||
  • ନୂଆଦିଲ୍ଲୀ : ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ, ୧୯ ଓ ୨୦ରେ ପ୍ରବଳ ବର୍ଷା ସମ୍ଭାବନା : IMD ଡିଜି
  • ||
  • ମାଲକାନଗିରି : ମାଲକାନଗିରିରେ ସୁରକ୍ଷାକର୍ମୀ-ମାଓବାଦୀ ଗୁଳିବିନିମୟ, ଛତ୍ରଭଙ୍ଗ ଦେଲେ ମାଓବାଦୀ : କ୍ୟାମ୍ପ୍‌ରୁ ବିପୁଳ ପରିମାଣର ମାଓ ସାମଗ୍ରୀ ଠାବ
  • ||
  • ପୁରୀ : ଶୁକ୍ରବାର ବନ୍ଦ ରହିବ ଶ୍ରୀମନ୍ଦିର, ବିଶେଷ ନୀତି ଯୋଗୁଁ ଶ୍ରୀଜିଉଙ୍କୁ ଦର୍ଶନ କରିପାରିବେନି ଶ୍ରଦ୍ଧାଳୁ
  • ||
  • ସୋର : ଫୁଲୁଛି କାଂଶ ବାଂଶ ନଦୀ, ବଢୁଛି ଜଳସ୍ତର : ଚିନ୍ତାରେ ତଳିଆ ଅଞ୍ଚଳବାସୀ
  • ||
  • ଖଣ୍ଡପଡା : ରଥିଆ ନାଳରେ ଭାସି ବୃଦ୍ଧ ନିଖୋଜ, ମାଛ ଧରିବାକୁ ଯାଇ ନାଳରେ ଭାସିଯାଇଥିବା ସନ୍ଦେହ
  • ||
  • ଜଗତସିଂହପୁର : ମହାନଦୀ ବନ୍ୟାଜଳରେ ବୁଡି ଗାଡି ଚାଳକ ନିଖୋଜ, ଇଟାଭାଟିକୁ ଯାଉଥିବା ବେଳେ ଅଘଟଣ
  • ||
  • ଯାଜପୁର : ପାଣିରେ ଭାସି ଯାଇଥିଲେ ବାପା-ପୁଅ, ଠାବ ହେଲା ମୃତଦେହ
  • ||
  • ଉପରତଳ ହେଉଛି କରୋନା ଗ୍ରାଫ : ୨୪ ଘଣ୍ଟାରେ ବାହାରିଲେ ୫୮୦ କୋଭିଡ୍ ପଜିଟିଭ୍
  • ||

ସାହସୀ କୁସୁମ: ଫୋନ ଛଡାଇ ନେଉଥିବା ଦୁର୍ବୁତ୍ତକୁ ଏକା କାବୁ କଲେ, ଛୁରାମାଡ଼ ସତ୍ତ୍ୱେ ମାଡି ବସିଥିଲେ

2/09/2020 at 3:18 PM

ଜଳନ୍ଧର ୦୨/୦୯ : ଜଳନ୍ଧରର ଜଣେ ୧୫ ବର୍ଷର ନାବାଳିକାଙ୍କ ସାହସକୁ ନେଇ ସୋସିଆଲ ମିଡ଼ିଆରେ ଖୁବ ଚର୍ଚ୍ଚା ହେଉଛି | ପଞ୍ଜାବ ଜଳନ୍ଧରରେ ଦୁଇ ଦୁର୍ବୁତ୍ତ ବାଇକରେ ଆସି ଜଣେ ନାବାଳିକାଙ୍କ ଫୋନ ଛଡାଇ ନେଇବାକୁ ଚେଷ୍ଟା କରିଥିଲେ | କୁସୁମ କୁମାରୀ ନାମକ ନାବାଳିକା ରାସ୍ତାରେ ଯାଉଥିବା ସମୟରେ ଦୁଇ ଯୁବକ ବାଇକରେ ଆସି ତାଙ୍କ ମୋବାଇଲ ଛଡାଇ ନେଇଥିଲେ | ସେତେବେଳେ କୁସୁମ କୁମାରୀ ରାସ୍ତାରେ ଏକା ଥିଲେ | ପୁରା ଘଟଣା ସିସିଟିଭିରେ କଏଦ ହୋଇଛି | କୁସୁମଙ୍କ ହାତରୁ ମୋବାଇଲ ଛଡାଇ ନେଇ ସେଠାରୁ ପଳାଇବାକୁ ଉଦ୍ୟମ କରିଥିଲେ ଦୁଇ ଯୁବକ | କିନ୍ତୁ କୁସୁମ ସାହସ ଦେଖାଇ ବାଇକ ପଛରେ ବସିଥିବା ଯୁବକର ସାର୍ଟ ଧରି ଘୋଷାଡ଼ି ଆଣିଥିଲେ | ଫଳରେ ସେ ତଳେ ପଡିଯାଇଥିଲା | ଦୁଇ ଯୁବକ ଘଟଣାସ୍ଥଳରେ ଫେରାର ହେବାକୁ ବହୁତ ଉଦ୍ୟମ କରିଥିଲେ କିନ୍ତୁ କୁସୁମ ତାଙ୍କୁ ଯିବାକୁ ଦେଇନଥିଲେ |

ନ୍ୟୁଜ ଏଜେନ୍ସି ANI ରିପୋର୍ଟ ଅନୁଯାୟୀ, ଦୁଇ ଯୁବକଙ୍କ ମଧ୍ୟରୁ ଜଣେ କୁସୁମଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ | କୁସୁମଙ୍କ ହାତରେ ଗଭୀର କ୍ଷତ ହୋଇଥିଲା | କିନ୍ତୁ ତଥାପି କୁସୁମ ହାର ମାନିନଥିଲେ | ବାଇକ ଚଲାଉଥିବା ଯୁବକ ସେଠାରୁ ଫେରାର ହେବାରେ ବିଫଳ ହୋଇଥିଲେ କିନ୍ତୁ ତାଙ୍କ ସହଯୋଗୀ ଫେରାର ହେବାରେ ସଫଳ ହୋଇଥିଲା |

ଠିକ ସେତିକିବେଳେ ଜଣେ ବ୍ୟକ୍ତି ଘଟଣାସ୍ଥଳକୁ ଆସି କୁସୁମଙ୍କୁ ସାହାଯ୍ୟ କରିଥିଲେ | ବ୍ୟକ୍ତି ଜଣକ ଜଣେ ଯୁବକକୁ କାବୁ କରିଥିଲେ | ଏହାପରେ ଘଟଣାସ୍ଥଳରେ ଅନେକ ଲୋକ ଜମା ହୋଇଥିଲେ ଏବଂ ଦୁର୍ବୁତ୍ତକୁ ମାଡ ମାରିଥିଲେ | ଏହାପରେ ସ୍ଥାନୀୟ ଲୋକେ ଯୁବକକୁ ପୋଲିସକୁ ହସ୍ତାନ୍ତର କରିଥିଲେ |

ମାମଲାରେ ଉକ୍ତ ଦୁର୍ବୁତ୍ତକୁ ପୋଲିସ ଗିରଫ କରିଛି ଓ ଅନ୍ୟ ଜଣକୁ ଖୋଜୁଛି | କୁସୁମଙ୍କୁ ଦୁର୍ବୁତ୍ତ ଯୁବକ ଧାରୁଆ ଅସ୍ତ୍ରରେ ଆକ୍ରମଣ କରିଥିବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା |

   Related Posts