ବାଙ୍କି, ୨୮/୧୦: ବାଙ୍କୀରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । କୂଅରେ ପଡି ଜଣେ ୧୫ ବର୍ଷୀୟ ବାଳକର ମୃତ୍ୟୁ ହୋଇଛି । ବାଳକଟିର ନାମ ପ୍ରଦୀପ ମୁଦୁଲି । ଘର କିଆପଲ୍ଲା ଗ୍ରାମ ବୋଲି ଜଣାପଡ଼ିଛି । ବାଙ୍କୀ ଥାନା ଅନ୍ତର୍ଗତ ହରିହର ଭେଟ ଠାରେ ଥିବା ଶିଶୁଯତ୍ନ କେନ୍ଦ୍ରରେ ରହି ପ୍ରଦୀପ ପାଠପଢୁଥିବା ବେଳେ ଆଜି ଅପରାହ୍ନରେ କ୍ରିକେଟ ଖେଳୁଥିଲେ । ଏହି ସମୟରେ ବଲ ଧରିବାକୁ ଯାଇ କୂଅରେ ପଡି ଯାଇଥିଲେ ।
ପରେ ବାଳାଶ୍ରମର ଲୋକେ ବାଙ୍କୀ ଦମକଳ ବହିନୀକୁ ଖବର ଦେବାପରେ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ପ୍ରଦୀପଙ୍କୁ ଉଦ୍ଧାର କରିଥିଲେ । ସଙ୍ଗେସଙ୍ଗେ ମେଡିକାଲ ନିଆଯାଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ବଳାଶ୍ରମର ଭିତରେ କୂଅ ଖୋଲା ଥିଲା କିପରି ତାକୁ ନେଇ ଉଠିଛି ପ୍ରଶ୍ନ । ସେପଟେ ଶବ ବ୍ୟବଛେଦ ପାଇଁ ପୋଲିସ୍ ବାଙ୍କୀ ଉପଖଣ୍ଡ ମେଡିକାଲକୁ ପଠାଇଥିବା ଜଣାପଡ଼ିଛି ।
