ଭୁବନେଶ୍ୱର ୦୨।୦୪: ନିଜାମୁଦ୍ଦିନରୁ ଓଡ଼ିଶା ଫେରିଥିବା ୧୫ ଜଣଙ୍କ କରୋନା ରିପୋର୍ଟ ନେଗେଟିଭ୍ । ସୂଚନା ଓ ଲୋକସଂପର୍କ ବିଭାଗ ଏନେଇ ସୂଚନା ଦେଇଛି । ଓଡ଼ିଶା ଫେରିଥିବା ୨୦ ଜଣଙ୍କ କୋଭିଡ୍ -୧୯ ପରୀକ୍ଷା ପାଇଁ ପଠାଯାଇଥିଲା । ସେମାନଙ୍କ ମଧ୍ୟରୁ ୧୫ଜଣଙ୍କ ରିପୋର୍ଟ ନେଗେଟିଭ୍ ଆସିଛି । ଏହି ୧୫ ଜଣଙ୍କ ମଧ୍ୟରୁ ରାଉରକେଲାରୁ ୧୨ ଜଣ , କେନ୍ଦ୍ରାପଡାର ଜଣେ, କଟକର ଜଣେ ଓ ଗଞ୍ଜାମର ଜଣେ ବୋଲି ଜଣା ପଡିଛି । ବାକି ୫ଟି ରିପୋର୍ଟ ହସ୍ତଗତ ହୋଇନଥିବା ରାଜ୍ୟ ସୂଚନା ଓ ଲୋକ ସଂପର୍କ ବିଭାଗ ଜଣାଇଛି ।
ଓଡିଶାରେ ବର୍ତ୍ତମାନ ସୁଦ୍ଧା କରୋନାରେ ୫ଜଣ ରିପୋର୍ଟ ପଜିଟିଭି ଆସିଛି । ଭୁବନେଶ୍ୱରର ୪ଜଣ ହେଉଥିବା ବେଳେ ଜଣେ ଭଦ୍ରକର ବୋଲି ଜଣାପଡିଛି । ତେବେ ବୁଧବାର ଦିନ ଓଡିଶାର ୨ୟ କରୋନା ପିଜିଟିଭ ସୁସ୍ଥ ହୋଇ ଘରକୁ ଫେରିଛନ୍ତି । ସେହିପରି ରାଜ୍ୟରେ ଗତକାଲି ୫ମ ବ୍ୟକ୍ତି କରୋନାରେ ଚିକିତ୍ସା ହେବା ପରେ ଚିକିତ୍ସା ଜାରି ରହିଛି ।