Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ନଖରା ସ୍ଥିତ ରିଲାଏନ୍ସ ପେଟ୍ରୋଲ ପମ୍ପ୍ ନିକଟ‌ରେ ଅଗ୍ନିକାଣ୍ଡ
  • ||
  • ରାଉରକେଲା : ଭାରସାମ୍ୟ ହରାଇ ଘାଟିରେ ଓଲଟିଲା ବରଯାତ୍ରୀ ବସ୍, ଦୁଇ ଜଣଙ୍କ ମୃତ୍ୟୁ
  • ||
  • ବଲାଙ୍ଗୀର : ନିଜ ସର୍ଭିସ୍ ବନ୍ଧୁକରୁ ଗୁଳି ଫୁଟାଇ ଆତ୍ମହତ୍ୟା କଲେ ଯବାନ !
  • ||
  • ଟାଙ୍ଗୀ : ମାନସିକ ପୂରଣ ପାଇଁ ବେକ କାଟିଦେଲେ ଭକ୍ତ, ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୮୯ କୋଭିଡ୍ ପଜିଟିଭ୍, ୩୩୬୯୨୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ତେଲକୋଇ : କାଞ୍ଜିପାଣି ଘାଟିରେ ଓଲଟିଲା ବରଯାତ୍ରୀ ବସ୍, ଜଣେ ମୃତ, ୨୬ ଆହତ
  • ||
  • ମୁମ୍ବାଇ : ଭୟଙ୍କର ହେଲାଣି କରୋନା, ସ୍କୁଲ ହଷ୍ଟେଲର ୧୯୦ ଛାତ୍ର କୋଭିଡ୍ ପଜିଟିଭ୍
  • ||
  • ରାୟପୁର : ନକ୍ସଲଙ୍କ ଲ୍ୟାଣ୍ଡମାଇନ ବିସ୍ଫୋରଣ, ୨ ଯବାନ ସହିଦ
  • ||
  • ଆଠଗଡ଼ : ସମ୍ପର୍କରେ କଳଙ୍କ ଛିଟା, ଦିବ୍ୟାଙ୍ଗ ଝିଅକୁ ସମ୍ପର୍କୀୟ ମାମୁର ଦୁଷ୍କର୍ମ ! ଥାନାରେ ଏତଲା
  • ||

ଶରୀର ବଢୁଛି , କିନ୍ତୁ ତାର କାନ୍ଦ କେହି ଶୁଣି ନାହାନ୍ତି କି ହସ କେହି ଦେଖି ନାହାନ୍ତି: ୧୪ ମାସର ଶିଶୁ ଶେଯରୁ ଉଠୁନି, ଚିକିତ୍ସା ପାଇଁ ଅର୍ଥ ବାଧକ

21/01/2019 at 3:58 PM

ସୋନପୁର୨୧|୧: ଶରୀର ବଢୁଛି । କିନ୍ତୁ ତାର କାନ୍ଦ କେହି ଶୁଣି ନାହାନ୍ତି କି ହସ କେହି ଦେଖି ନାହାନ୍ତି । ପାଇପ୍ ବାଟେ କେବଳ ତରଳ ଖାଦ୍ୟ ସେ ଖାଉଛି । ୧୪ ମାସର ଶିଶୁ ଶେଯରୁ ଉଠୁନି । ବିଭିନ୍ନ ସ୍ଥାନରେ ଚିକିତ୍ସା କରାଇ ସର୍ବସ୍ବାନ୍ତ ବାପା ମା । ଏବେ ସରକାରୀ ସହାୟତାକୁ ଅପେକ୍ଷା କରି ବସିଛନ୍ତି ପରିବାର ଲୋକେ । ଚାଲନ୍ତୁ ଭେଟିବା ସୋନପୁର ତରିଆପଡାର ଏଭଳି ଜଣେ ଶିଶୁ ରାଜଶ୍ରୀ ସେଠୀଙ୍କୁ । … 

ରାଜଶ୍ରୀ ସେଠୀ । ଝିଅ ଜନ୍ମ ହେଉଥିବାରୁ ସମସ୍ତେ କହୁଥିଲେ ଲକ୍ଷ୍ମୀ ଆସିଛନ୍ତି । ପରିବାରରେ ବି ଖୁସି କହିଲେ ନସରେ । କିନ୍ତୁ ଏହି ଖୁସି ବେଶୀ ଦିନ ରହି ନଥିଲା । କାରଣ ଝିଅ ଦେହର ଆକାର ବଢୁଥିଲା । କିନ୍ତୁ ସେ କେବେ କାନ୍ଦୁ ନଥିଲା କି ହସୁ ନଥିଲା । ଏପରିକି ଭୋକ ହେଲେ ବି ସେ କାନ୍ଦେନି । ପାଇପ୍ ବାଟେ ତରଳ ଖାଦ୍ୟ ଖାଇ ସେ ବଞ୍ଚିଛି । ରାଜଶ୍ରୀର ପୁରା ଶରୀର ଅଚଳ ହୋଇପଡିଛି । ଶେଯରୁ ସେ କେବେ ଉଠେନି । ଭଲରେ ହାତ ଗୋଡ ହଲେଇ ଖେଳେନେ ବି । ଝିଅର ଏଭଳି ଅବସ୍ଥା ଦେଖି ସୋନପୁର ତରିଆପଡାର ବୀରବର ସେଠୀଙ୍କ ପରିବାର ଆଖିରୁ ଲୁହ ଶୁଖୁନି । ଝିଅର ଚିକିତ୍ସା ପାଇଁ ବୁର୍ଲାରୁ କଟକ ଯାଇ ଯାଇ ସର୍ବସ୍ବାନ୍ତ ହେଲେଣି । କିନ୍ତୁ କୌଣସି ସୁଫଳ ମିଳୁନି ।

ରାଜଶ୍ରୀଙ୍କ ବାପା ଜଣେ ଖୁଚୁରା ବ୍ୟବସାୟୀ । ତେଣୁ ଚିକିତ୍ସା ପାଇଁ ଅଣ୍ଟାରେ ଆଉ ଜୁ ନାହିଁ । ତେଣୁ କୁନି ଝିଅର ଚିକିତ୍ସା ପାଇଁ ସରକାର କିମ୍ବା ବେସରକାରୀ ସହାୟତାକୁ ଚାହିଁ ବସିଛନ୍ତି ପରିବାର ଲୋକେ । ସେପଟେ ବାଲ୍ ସ୍ବାସ୍ଥ୍ୟ କାର୍ଯ୍ୟକ୍ରମ ଜରିଆରେ ରାଜଶ୍ରୀର ଚିକିତ୍ସା କରାଯିବ ବୋଲି ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଧିକାରୀ କହିଛନ୍ତି ।

ରାଜଶ୍ରୀକୁ ଆପଣ ବି ସହାୟତାର ହାତ ହାତ ବଢାଇ ପାରିବେ । ରାଜଶ୍ରୀଙ୍କୁ ସହାୟତା କରିବାକୁ ଚାହୁଁଥିଲେ ବୀରବର ସେଠୀଙ୍କ ଆକାଉଣ୍ଟରେ ଟଙ୍କା ପଠାଇ ପାରିବେ । ଭାରତୀୟ ଷ୍ଟେଟ ବ୍ୟାଙ୍କ  ଅଫ ଇଣ୍ଡିଆ, ଧର୍ମଶାଳା ଶାଖା, ସୁବର୍ଣ୍ଣପୁର । ଆକାଉଣ୍ଟ ନମ୍ବର ୩୬୯୧୯୧୨୯୦୧୭ । IFC Code ହେଲା SBIN 0009659 ।

   Related Posts