Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୩୧ ଯାଏଁ ଅନ୍ତରାଷ୍ଟ୍ରୀୟ ବିମାନ ସେବା ବନ୍ଦ, କରୋନା ପ୍ରଭାବ
  • ||
  • କଟକ : ବସ୍‌ ଷ୍ଟାଣ୍ଡରେ ଠିଆ ହୋଇଥିବା ବସ୍‌ରେ ଲାଗିଗଲା ନିଆଁ, କେଇ ମିନିଟ୍‌ରେ ଜଳିଗଲା ସମ୍ପୂର୍ଣ୍ଣ ବସ୍
  • ||
  • କନ୍ଧମାଳ : ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ
  • ||
  • କୋରାପୁର : କୋରାପୁର ବସ୍ ଷ୍ଟାଣ୍ଡରୁ ୩ଲକ୍ଷରୁ ଅଧିକ ଟଙ୍କାର ନକଲି ନୋଟ୍ ଜବତ, ଜଣେ ଗିରଫ
  • ||
  • କଟକ : ବାହା ବେଦୀରୁ ବ୍ୟାଙ୍କ୍ ମ୍ୟାନେଜରଙ୍କୁ ଉଠାଇନେଲା ପୋଲିସ, IIFL ଲୁଟ୍ ଘଟଣାରେ ରହିଛି ଲିଙ୍କ୍
  • ||
  • ସୋର : ପାଣିରୁ ଉଦ୍ଧାର ହେଲା ବୃଦ୍ଧଙ୍କ ମୃତଦେହ, ହତ୍ୟା ସନ୍ଦେହ
  • ||
  • ପୁରୀ : ପଞ୍ଚୁକର ଦ୍ବିତୀୟ ଦିନ, ବାଙ୍କଚୁଡା ବେଶରେ ବିଭୂଷିତ ମହାପ୍ରଭୁ
  • ||
  • ଚଣ୍ଡିଖୋଲ : ନିର୍ମାଣଧୀନ ପାଣି ଟାଙ୍କି ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ଯୁବକ, ଉଦ୍ଧାର କଲେ ଅଗ୍ନିଶମ କର୍ମଚାରୀ
  • ||
  • କୋରାପୁଟ : କୋରାପୁଟ ଜିଲ୍ଲାରୁ ୮୫ଲକ୍ଷ ଟଙ୍କାର ଗଞ୍ଜେଇ ଜବତ, ଅଭିଯୁକ୍ତ ଫେରାର
  • ||
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||

ବୟସ କମ କିନ୍ତୁ ସ୍ବପ୍ନ ବଡ: ୧୪ ବର୍ଷ ବୟସରେ ଜିତିଲେଣି ୧୧୦ ପଦକ, ୨ ବର୍ଷ ବୟସରେ ବାଲ କୁଞ୍ଜରେ ଛାଡି ଦେଇଥିଲେ ମାମୁଁ

19/11/2020 at 6:10 PM

ସୋନପତ ୧୯/୧୧ : ପ୍ରତିଭା ପାଇଁ କାହାର ସାହାଯ୍ୟ ଲୋଡ଼ା ନଥାଏ। ପ୍ରତିଭା ନିଜେ ନିଜକୁ ପରିଚିତ କରାଇଥାଏ। ଜଣେ ଅସହାୟ ବାଳକ ଉପରେ ଏହା ଚରିତାର୍ଥ ହୋଇଛି। ମାତ୍ର ୧୪ ବର୍ଷ ବୟସରେ ବିଭିନ୍ନ କ୍ଷେତ୍ରରେ ଜିଲ୍ଲାରୁ ଆରମ୍ଭ କରି ରାଷ୍ଟ୍ରୀୟ ସ୍ଥରରେ ବିଭିନ୍ନ ପ୍ରତିଯୋଗିତାରେ ୧୧୦ ପଦକ ଜିତିଛନ୍ତି। ଜିଲ୍ଲା ଶିଶୁ ସଂରକ୍ଷଣ ଅଧିକାରୀଙ୍କ ଅନୁସାରେ, ଆଇଏଏସ ଅଧିକାରୀ ନଚେତ ଏନଡିଏ ଅଧିକାରୀ ହେବା ଇଛା ରଖିଥିବା ବାଦଲ ବିଭିନ୍ନ ପ୍ରତିଯୋଗିତାରେ ୧୧୦ଟି ପଦକ ଜିତିଛନ୍ତି।

ଜିଲ୍ଲା ଶିଶୁ ସଂରକ୍ଷଣ ଅଧିକାରୀ ଡ.ଋତୁ ଗିଲଙ୍କ ଅନୁସାରେ, ମାତ୍ର ୨ ବର୍ଷ ବୟସରେ ବାଦଲଙ୍କୁ ତାଙ୍କ ମାମୁଁ ‘ସପନା ବାଲ କୁଞ୍ଜ ଗୋହାନା’ ରେ ଛାଡି ଯାଇଥିଲେ। ଏବେ ବାଦଲଙ୍କୁ ୧୪ ବର୍ଷ ବୟସ ହେଲାଣି। ତାଙ୍କ ମାମୁଁ ତାଙ୍କୁ ଛାଡି ଯିବାପରେ ଗତ ୧୨ ବର୍ଷରେ ଏବେ ଯାଏଁ କେହି ତାଙ୍କୁ ଦେଖିବାକୁ ଆସିନାହାନ୍ତି। ତାଙ୍କ ମାମୁଁ ଯେଉଁ ଠିକଣା ଦେଇ ଯାଇଥିଲେ ସେହି ଠିକଣାରେ ଯୋଗାଯୋଗ କରିବାରୁ ଘରଲୋକଙ୍କର କୌଣସି ପତା ମିଳିଲାନାହିଁ।

ବାଲ ସଂରକ୍ଷଣ ଅଧିକାରୀ ମମତା ଶର୍ମା କହିଛନ୍ତି ଯେ, ବାଦଲ ବର୍ତ୍ତମାନ ଗୋହାନା ଗ୍ଲୋବାଲ ପବ୍ଲିକ ସ୍କୁଲରେ ଅଷ୍ଟମ ଶ୍ରେଣୀରେ ପଢୁଛନ୍ତି। ବାଦଲଙ୍କ ପାଖରେ ରହିଛି ଚଉମୁଖୀ ପ୍ରତିଭା। ପାଠ ପଢା ସହ ସେ ଖେଳକୁଦ ପ୍ରତିଯୋଗିତା ଓ ବିଭିନ୍ନ ପ୍ରକାରର ରଚନାତ୍ମକ ଗତିବିଧିରେ ନାଁ କରିଛନ୍ତି। ବାଦଲ ରାଷ୍ଟ୍ରୀୟ ସ୍ଥରରେ ୧୦୦ ମିଟର ଦୌଡ ଓ ପେଣ୍ଟିଙ୍ଗ ଆଦିରେ ପଦକ ଜିତିଛନ୍ତି। ରାଜ୍ୟ ସ୍ଥରରେ ୬ଥର ପଦକ ଜିତିଛନ୍ତି। ଏଥିରେ ସ୍ୱର୍ଣ୍ଣ ପଦକ ମଧ୍ୟ ସାମିଲ ଅଛି।

ବାଦଲ ବହୁତ ସୁନ୍ଦର ଓ ଆକର୍ଷଣୀୟ ପେଣ୍ଟିଙ୍ଗ କରନ୍ତି। ମଉକା ପାଇଲେ ସେ ନିଜ ପେଣ୍ଟିଙ୍ଗ ବିକ୍ରି କରି ଆବଶ୍ୟକୀୟ ସାମଗ୍ରୀ ମଧ୍ୟ କିଣିଥାନ୍ତି। ସେ ନିଜ ସ୍ଥରରେ ଆର୍ଥିକ ସଂସାଧନ ଯୋଗାଡ କରିବାକୁ ପ୍ରୟାସ କରିଥାନ୍ତି। ସେ ନିଜର ୫୦ ରୁ ୬୦ ପେଣ୍ଟିଙ୍ଗ ବିକ୍ରି କରିସାରିଛନ୍ତି। ନିକଟରେ ସେ ଶିଶୁ ଦିବସରେ ଫଟୋଗ୍ରାଫି ପ୍ରତିଯୋଗିତାରେ ସ୍ୱର୍ଣ୍ଣ ପଦକ ଜିତିଛନ୍ତି। ବାଦଲଙ୍କ ମନୋବଳ ବହୁତ ଦୃଢ। ସେ କହିଛନ୍ତି ଯେ ସେ ଅସହାୟ ଶିଶୁଙ୍କ ଭବିଷ୍ୟତ ସୁଧାରିବା ପାଇଁ କାମ କରିବାକୁ ଚାହୁଁଛନ୍ତି। ଏଥିପାଇଁ ସେ ନିଜ ଆଡୁ ପ୍ରୟାସ ମଧ୍ୟ କରୁଛନ୍ତି।

   Related Posts