Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||

ମା’ ୧୪ କୁ ବାପା ୧୬: ଶିଶୁ ଜନ୍ମ ପରେ ଘରଲୋକଙ୍କ ଭୟରେ ନବଜାତକୁ ଫ୍ରିଜ୍‌ରେ ରଖିଦେଲେ ନାବାଳିକା

31/10/2020 at 5:54 PM

ସାଇବେରିଆ ୩୧/୧୦ : ଋଷରେ ଘଟିଛି ଏକ ଅଜବ ଘଟଣା। ଜଣେ ୧୪ ବର୍ଷୀୟ ନାବାଳିକା ନିଜର ନବଜାତ ଶିଶୁକୁ ଫ୍ରିଜରେ ଭର୍ତ୍ତି କରି ମାରିଦେବା ଘଟଣା ସାମ୍ନାକୁ ଆସିଛି। ନାବାଳିକା ନିଜ ଗର୍ଭାବସ୍ଥା ସମ୍ପର୍କରେ ନିଜ ମାତାପିତାଙ୍କୁ କହିବାକୁ ଭୟଭୀତ ହୋଇ ଏହିଭଳି କାଣ୍ଡ ଘଟାଇଛି। ଘଟଣା ସାଇବେରିଆ ନୋଭୋସିବିରସ୍କର ସହର ଭର୍ଖ ତୁଳା ଗାଁରେ ଘଟିଛି। ନାବାଳିକାଙ୍କ ଘରଲୋକ ଜାଣିନଥିଲେ ଯେ ସେ ଗର୍ଭବତୀ ଅଛନ୍ତି। ସେ ନିଜେ ଲୁଚି ଏକ ଶିଶୁ ପୁତ୍ରକୁ ଜନ୍ମ ଦେଇଥିଲେ। ଶିଶୁକୁ ଜନ୍ମ ଦେବାପରେ ସେ ତାକୁ ଏକ ପ୍ଲାଷ୍ଟିକ ବ୍ୟାଗରେ ଭର୍ତ୍ତି କରି ତାକୁ ଫ୍ରିଜରେ ରଖିଦେଲେ। ଫ୍ରିଜଟି ତାଙ୍କ ଗ୍ୟାରେଜରେ ଥିଲା। ସେତେବେଳେ ନାବାଳିକାଙ୍କ ପିତା ବଗିଚାରେ କାମ କରୁଥିଲେ।

ଶିଶୁ ଜନ୍ମ ଦେବାପରେ ନାବାଳିକାଙ୍କ ପ୍ରବଳ ରକ୍ତସ୍ରାବ ହୋଇଥିଲା। ତାଙ୍କ ମା ଭାବିଲେ ଝିଅକୁ ଆପେଣ୍ଡିସାଇଟ୍ସ ହୋଇଯାଇଛି। ସେଥିପାଇଁ ସେ ଫୋନ କରି ଆମ୍ବୁଲାନ୍ସ ଡାକିଲେ ଏବଂ ତାଙ୍କ ଚିକିତ୍ସା ପାଇଁ ତାଙ୍କୁ ହସ୍ପିଟାଲ ନେଇଗଲେ। ଆମ୍ବୁଲାନ୍ସରେ ନାବାଳିକା ସ୍ୱାସ୍ଥ୍ୟକର୍ମୀଙ୍କୁ କହିଥିଲେ ଯେ ସେ ଏକ ଶିଶୁ ଜନ୍ମ ଦେଇଛନ୍ତି। ସେ ନିଜ ଜନ୍ମିତ ଶିଶୁକୁ ଫ୍ରିଜରେ ରଖି ଦେଇଛନ୍ତି ବୋଲି ମଧ୍ୟ କହିଥିଲେ। ଏହା ଶୁଣି ସ୍ୱାସ୍ଥ୍ୟକର୍ମୀ ଚକିତ ହୋଇଯାଇଥିଲେ। କିନ୍ତୁ ନାବାଳିକା ଜଣକ ଏ ସମ୍ବନ୍ଧରେ ଜଣାଇବା ବେଳକୁ ବହୁତ ବିଳମ୍ବ ହୋଇସାରିଥିଲା। ସେତେବେଳେକୁ ନବଜାତ ଶିଶୁଟି ମରିସାରିଥିଲା।

ନାବାଳିକା ଜଣକ ବର୍ତ୍ତମାନ ହସ୍ପିଟାଲରେ ଚିକିତ୍ସିତ ହେଉଛନ୍ତି। ତାଙ୍କ ସ୍ୱାସ୍ଥ୍ୟବସ୍ଥା ସଙ୍କଟାପନ୍ନ ଥିବା ଜଣାପଡିଛି। ଜଣେ ପଡୋଶୀ କହିଛନ୍ତି ନାବାଳିକା ଗର୍ଭବତୀ ହେବାପରେ ନିଜ ମା’ଙ୍କୁ ଏ ସମ୍ପର୍କରେ ଜଣାଇବା ଦରକାର। ନାବାଳିକାଙ୍କ ମା’ କହିଛନ୍ତି ସେ ଭାବିଲେ ବୋଧହୁଏ ତାଙ୍କ ଝିଅ ମୋଟା ହେଇଯାଇଛି। କିନ୍ତୁ ସେ ଗର୍ଭବତୀ ଥିବ ବୋଲି ସେ କେବେ ବି ଭାବିନଥିଲେ। ତେବେ ବିଡମ୍ବନାର ବିଷୟ ହେଲା ନବଜାତ ମୃତକ ଶିଶୁର ବାପାର ବୟସ ୧୬ ବର୍ଷ । ଚଳିତ ବର୍ଷ ଗ୍ରୀଷ୍ମ ସମୟରେ ନାବାଳିକା ଓ ନାବାଳକ ମଧ୍ୟରେ ବ୍ରେକଅପ୍ ହୋଇଥିଲା। ଏହାପରେ ପରେ ନାବାଳିକା ଗର୍ଭବତୀ ହୋଇଥିଲେ।

   Related Posts