Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ଗାଁରୁ ଉଦ୍ଧାର ହେଲା ୧୪ ଫୁଟ୍ ଲମ୍ବର କିଙ୍ଗ କୋବ୍ରା : ସୋଶିଆଲ ମିଡିଆରେ ଫଟୋ ଭାଇରାଲ

8/07/2019 at 2:18 PM

ନାଗୌନ ୮/୭ : ଆସାମ ନାଗୌନ ଜିଲ୍ଲା ଜେଜୁରୀ ସ୍ଥିତ ଚା ବଗିଚାରୁ ଏକ ୧୪ ଫୁଟ୍ ଲମ୍ବର କିଙ୍ଗ କୋବ୍ରା ଉଦ୍ଦାର ହୋଇଛି । କୋବ୍ରାକୁ ଉଦ୍ଧାର କରାଯିବା ପରେ ନିକଟସ୍ଥ ସୁବାଂଗ ଅଭୟାରଣ୍ୟରେ ଛାଡି ଦିଆଯାଇଛି । ୧୪ ଫୁଟ୍ ଲମ୍ବ କିଙ୍ଗ କୋବ୍ରାର ଫଟୋ ସୋଶିଆଲ ମିଡିଆରେ ଭାଇରାଲ ହୋଇଛି । ଫଟୋ ଭାଇରାଲ ହେବା ପରେ ଲୋକେ ନାନା ମତ ଦେଉଛନ୍ତି ।

ଘଟଣା ଜୁଲାଇ ୫ ତାରିଖର । ଜେଜୁରୀ ଚା ବଗିଚାରେ ଏକ ବିରାଟକାୟ ସାପ ଦେଖିଲା ପରେ ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି ହୋଇଥିଲା । ଏହାପରେ ଗ୍ରାମବାସୀ ଉଦ୍ଧାରକାରୀ ଦଳକୁ ସୂଚନା ଦେଇଥିଲେ । ସୂଚନାପାଇ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲେ । ଉଦ୍ଧାର ସମୟରେ ସ୍ଥାନୀୟ ଅଞ୍ଚଳରେ ଲୋକଙ୍କ ଭିଡ ଜମିଥିଲା । ଲୋକେ ନିଜ ନିଜ ମୋବାଇଲରେ କୋବ୍ରାର ଫଟୋ ଉଠାଇଥିଲେ । ପରେ ଲୋକେ ଏହି ଫଟୋକୁ ସୋଶିଆଲ ମିଡିଆରେ ସେୟାର କରିଥିଲେ । ଫଟୋ ଦେଖି କେହି ଏହାକୁ ଭୟଙ୍କର କହିଥିଲେ ତ ଆଉ କିଏ ଏହାକୁ ଅତି ସୁନ୍ଦର ବୋଲି କହିଥିଲେ ।

ଉଦ୍ଧାରକାରୀ ଦଳ ସାପକୁ ଉଦ୍ଧାର କରି ବନବିଭାଗକୁ ସୂଚନା ଦେଇଥିଲେ । ବନବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ସାପକୁ ନେଇ ସୁବାଂଗ ଅଭୟାରଣ୍ୟରେ ଛାଡି ଦେଇଥିଲେ ।

ଗାଁ ଲୋକଙ୍କ କହିବାନୁଯାୟୀ, ଏହି କୋବ୍ରାର ଏକ ବିଶେଷତ୍ୱ ରହିଛି । ଏହି କୋବ୍ରା ସବୁବେଳେ ଶତ୍ରୁଙ୍କୁ ଡରାଇବାକୁ ଚେଷ୍ଟା କରିଥାଏ । ଶତ୍ରୁକୁ ଦେଖିବା ମାତ୍ରେ ସାପ ଆକ୍ରମଣ କରିଥାଏ । ଏହି ପ୍ରଜାତିର କିଙ୍ଗ କୋବ୍ରା ଦକ୍ଷିଣ ଭାରତ ଜଙ୍ଗଲରେ ହିଁ ଦେଖିବାକୁ ମିଳିଥାଏ ।  

   Related Posts