ସୁନ୍ଦରଗଡ଼ ୧୨।୦୫: ସୁନ୍ଦରଗଡ଼ ପୋଲିସକୁ ସଫଳତା । ଜୁଆଆଡ୍ଡା ଉପରେ ଚଢାଉ କରି ୧୩ଜଣ ଜୁଆଡ୍ଡିଙ୍କୁ ଗିରଫ କରିଥିବା ବେଳେ ୫ଲକ୍ଷରୁ ଅଧିକ ଟଙ୍କା ଜବତ କରିଛି ପୋଲିସ । ସମସ୍ତ ଅଭିଯୁକ୍ତଙ୍କୁ ଗିରଫ ପରେ କୋର୍ଟ ଚାଲାଣ କରାଯାଇଛି ।
ଖବର ଅନୁଯାୟୀ. ବିରିମତ୍ରପୁର ଥାନା ଅନ୍ତର୍ଗତ ଝାଡ଼ଖଣ୍ଡ ସୀମା କପିଲାସ ଠାରେ ଜୁଆ ଆଡ୍ଡା ଚାଳିଥିବା ଖବର ପାଲିସ ପାଇଥିଲା । ଏହାପରେ ପୋଲିସ ଅତର୍କିତ ଭାବରେ ଉକ୍ତ ସ୍ଥାନରେ ଚଢ଼ାଉ କରିଥିଲେ। ଏହି ଚଡାଉରେ ଜୁଆ ଖେଳୁଥିବା ୧୩ ଜଣଙ୍କୁ ଗିରଫ କରିଥିବା ବେଳେ ସେମାନଙ୍କ ନିକଟରୁ ୫ ଲକ୍ଷ ୩୧ ହଜାର ଟଙ୍କା ଜବତ କରିଛି । ଏହାସହ ୧୭ ଟି ମୋବାଇଲ ମଧ୍ୟ ଜବତ ହୋଇଛି ।
ସେହିପରି ସେଠାରେ ଥିବା ୯ଟି ବାଇକ ଓ ୪ଟି ୪ ଚକିଆ ଗାଡିକୁ ଜବତ କରି ଥାନାକୁ ଆଣିଛି ପୋଲିସ । କୋଭିଡ ସମୟରେ କର୍ଫ୍ୟୁ ଓ ଲକଡାଉନ ଚାଲିଥିବା ବେଳେ ନିୟମକୁ ନମାନି ଗହଳି କରି ଜୁଆ ଖେଳୁଥିବା ୧୩ ଜଣଙ୍କ ବିରୋଧରେ ଏକ ମାମଲା ରୁଜୁ କରିଛି ବିରମିତ୍ରପୁର ଥାନା । ସମସ୍ତଙ୍କୁ କୋର୍ଟ ଚାଳାଣ କରାଯାଇଛି ବୋଲି ଏସପି ପ୍ରେସମିଟରେ ସୂଚନା ଦେଇଛନ୍ତି।