Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଲକଡାଉନ୍‌ରେ ଗୁଜରାଟ ଦାହୋଦ ଜେଲରୁ ୧୩ କୁଖ୍ୟାତ ଅପରାଧୀ ଫେରାର

1/05/2020 at 3:17 PM

ଦାହୋଦ ୧।୫: ଗୁଜୁରାଟ ଦାହୋଦ ଉପକାରାଗାରରୁ ୧୩ ବିଚାରାଧୀନ ବନ୍ଦୀ ତାଲା ଭାଙ୍ଗି ଖସି ପଳାଇଛନ୍ତି। ଗୁରୁବାର ତାରି ପ୍ରାୟ ୩ଟା ବେଳେ ସେମାନେ ଜେଲରୁ ଖସି ପଳାଇଥିବା ବେଳେ ଘଟଣା ଶୁକ୍ରବାର ଶକାଳେ ଜଣାପଡିଛି। ଏନେଇ ପୋଲିସକୁ ସୂଚିତ କରାଯାଇଥିବା ବେଳେ ଜିଲ୍ଲା ଏସପି ହିତେଶ ଜୋୟସର ଘଟଣା ସ୍ଥଳକୁ ଯାଇ ତଦନ୍ତ କରି ଫେରିଛନ୍ତି। ସମସ୍ତ ଫେରାର ବନ୍ଦୀ ଗୁରୁତର ଅପରାଧରେ ଗିରଫ ହୋଇଥିବାର ପ୍ରାରମ୍ଭିକ ଯାଞ୍ଚରୁ ଜଣାପଡିଛି।

ଜେଲରୁ ଫେରାର ସମସ୍ତ ବନ୍ଦୀ ସେଲ ନମ୍ବର-୧ ଓ ୩ରେ ବନ୍ଦୀ ଥିଲେ। ଏଣୁ ଘଟଣାରେ  ପୋଲିସ କର୍ମଚାରୀଙ୍କ ସମ୍ପୃକ୍ତି ଥାଇପାରେ ବୋଲି ସନ୍ଦେହ କରାଯାଉଛି। କ୍ରାଇମବ୍ରାଞ୍ଚର କିଛି ଅଧିକାରୀ ମଧ୍ୟ ଜେଲକୁ ଯାଇ ତଦନ୍ତ କରି ଫେରିଛନ୍ତି। ଜେଲ ପରିସରରେ ଏବେ ବାହରର ପୋଲିସ ଫୋର୍ସ ଅବସ୍ଥାନ କରୁଛନ୍ତି। ଏଣୁ କୈଦୀଙ୍କ ଫେରାର ହେବାରେ ସେମାନଙ୍କର ହାତ ଥାଇପାରେ ବୋଲି ଆଶଙ୍କା କରାଯାଉଛି।

ଏହି ଉପକାରାଗାରରୁ କୈଦୀ ଫେରାର ହେବା କିଛି ନୂଆ କଥା ନୁହେଁ। ପ୍ରାୟ ୩ ମାସ ପୂର୍ବେ ଜଣେ ବନ୍ଦୀ ଜେଲରୁ ଖସି ପଳାଇଥିଲା। ଏ ନେଇ ଜେଲ କର୍ତ୍ତୃପକ୍ଷ ପୋଲିସରେ ଅଭିଯୋଗ କରିଛନ୍ତି। ହେଲେ ପୋଲିସ ୩ ମାସ ପରେ ବି ବନ୍ଦୀଙ୍କୁ ଗିରଫ କରିପାରିନଥିବା ବେଳେ ଏବେ ଏକକାଳୀନ ୧୩ ଜଣ କୈଦୀ ଜେଲ ଭାଙ୍ଗି ପଳାଇବା ଉପକାରାଗାରର ସୁରକ୍ଷା ନେଇ ପ୍ରଶ୍ନବାଚୀ ସୃଷ୍ଟି କରିଛି। ତେବେ କୈଦୀଙ୍କ ଫେରାର ନେଇ ଦେବଗଡ-ବାରିଆ ଉପ ଜେଲ ଅଧିକାରୀ ପୁନମଚନ୍ଦ ରାଣା ପୋଲିସରେ ଅଭିଯୋଗ ଦାଖଲ କରିଛନ୍ତି।

   Related Posts