ଜଗତପୁର ୨୨।୨: ଜଗତପୁର ଇମାମନଗର ବାରିକ ସାହିରେ ଅଘଟଣ । ବାହାଘର ଭୋଜିସ୍ଥଳକୁ ମାଡିଗଲା କାର୍ । ଦୁର୍ଘଟଣାରେ ୧୧ ଜଣ ଆହତ ହୋଇଥିବା ବେଳେ ୨ ଜଣ ଗୁରୁତର ହୋଇଛନ୍ତି । ସ୍ଥାନୀୟ ଲୋକେ ଗୁରୁତର ଓ ଆହତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି ।
ସୂଚନାଯୋଗ୍ୟ ଯେ, ରବିବାର ରାତି ପ୍ରାୟ ୧୦ଟା ବେଳେ ଏହି ଦୁର୍ଘଟଣା ଘଟିଛି । ବାରିକ ସାହିର ବାଇଧରଙ୍କ ଦୁଇ ପୁଅ ପପୁ ଓ ପିଣ୍ଟୁର ବାହାଘର ଭୋଜି ଚାଲୁଥିବା ବେଳେ ଏହି ଅଘଟଣ ଘଟିଛି । ନିଶାଶକ୍ତ ହୋଇ କାର୍ ଚଳାଇବାରୁ ଦୁର୍ଘଟଣା ଘଟିଥିବା ଅଭିଯୋଗ କରି ସ୍ଥାନୀୟ ଲୋକେ ଗାଡି ଡ୍ରାଇଭର ସ୍ଵର୍ବେଶ୍ବର ପରିଡାଙ୍କୁ ନିସ୍ତୁକ ମାଡ ମାରିଥିଲେ । ଦୁର୍ଘଟଣା ଘଟାଇଥିବା କାରକୁ କ୍ରେନ୍ ଦ୍ବାରା ଉଦ୍ଧାର କରି ଜବତ କରିଛି ପୋଲିସ । ଡ୍ରାଇଭରକୁ ଅଟକ ରଖି ପୋଲିସ ତଦନ୍ତ ଜାରି ରଖିଛି ।