Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ନବୀନଙ୍କ ପଞ୍ଚମ ଇଂନିସ : ଏଥର ୧୩ଟି ଜିଲ୍ଲାରେ ମନ୍ତ୍ରୀ ମରୁଡି

29/05/2019 at 9:24 AM

ଭୁବନେଶ୍ବର ୨୯|୫: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପଞ୍ଚମ ପାଳିରେ ମନ୍ତ୍ରିମଣ୍ଡଳର ରୂପରେଖ ଚୂଡାନ୍ତ ହୋଇଛି। ଆଜି ମନ୍ତ୍ରିମଣ୍ଡଳ ସହ ନବୀନ ପଟ୍ଟନାୟକ ଶପଥ ଗ୍ରହଣ କରିବେ। ଦୁଇଟି ଜିଲ୍ଲାରୁ ଦୁଇ ଜଣ ଲେଖାଏଁ ମନ୍ତ୍ରୀ ହୋଇଥିଲା ବେଳେ ମନ୍ତ୍ରିମଣ୍ଡଳରେ ଏଥର ୧୩ଟି ଜିଲ୍ଲାର କେହି ମନ୍ତ୍ରୀମଣ୍ଡଳରେ ନାହାନ୍ତି। ସମ୍ବଲପୁର, ସୁନ୍ଦରଗଡ, ଅନୁଗୁଳ, ବୌଦ୍ଧ, ଭଦ୍ରକ, କେନ୍ଦ୍ରାପଡା, ଯାଜପୁର, ଦେବଗଡ, ଗଜପତି, କନ୍ଧମାଳ, ମାଲକାନଗିରି, ନବରଙ୍ଗପୁର ଓ ନୂଆପଡା ଜିଲ୍ଲାର କୌଣସି ବିଧାୟକ ମନ୍ତ୍ରିମଣ୍ଡଳରେ ସାମିଲ ହୋଇନାହାନ୍ତି।

କେନ୍ଦ୍ରାପଡା ଜିଲ୍ଲା‌ରେ ଏଥର ବିଜେଡିର ସବୁ ବିଧାୟକ ପ୍ରାର୍ଥୀ ଜିତିବା ସହ ସାଂସଦ ପ୍ରାର୍ଥୀଙ୍କୁ ମଧ୍ୟ ଜିତାଇଥିଲେ। ଏହି ଜିଲ୍ଲାର ୩ ଜଣ ବିଧାୟକ ପ୍ରତାପ କେଶରୀ ଦେବ, ଶଶିଭୂଷଣ ବେହେରା ଓ ଅତନୁ ସବ୍ୟସାଚ୍ଚୀ ନାୟକ ମନ୍ତ୍ରୀ ପଦ ପାଇଁ ପ୍ରମୁଖ ଦାବିଦାର ଥିଲେ ବି କାହାରିକୁ ସ୍ଥାନ ଦିଆଯାଇ ନାହିଁ।

ସେହିପରି ଯାଜପୁର ଜିଲ୍ଲାରେ ବିଜେଡି ସବୁ ବିଧାନସଭା ଓ ଲୋକସଭା ଆସନ ଜିତିଥିଲେ ବି କାହାରିକୁ ମନ୍ତ୍ରିମଣ୍ଡଳରେ ନିଆଯାଇ ନାହିଁ। ଏହି ଜିଲ୍ଲାକୁ ପୂର୍ବ ଥର ପରି ମୁଖ୍ୟ ସ‌େଚତକ ପଦବି ଦିଆଯାଇ ସନ୍ତୁଷ୍ଟ କରିବାକୁ ଉଦ୍ୟମ କରାଯାଇଛି। ଗତ ଥର ବଡଚଣା ବିଧାୟକ ଅମର ଶତପଥୀ ମୁଖ୍ୟ ସଚେତକ ଥିଲା ବେଳେ ଏଥର ବିଞ୍ଝାରପୁର ବିଧାୟିକା ପ୍ରମିଳା ମଲ୍ଲିକଙ୍କୁ ସେହି ପଦବି ଦିଆଯାଇଛି।

ଭଦ୍ରକରେ ୫ଟି ବିଧାନସଭା ଆସନରୁ ବିଜେଡି ୪ଟି ଦଖଲ କରିଛି। ଭଦ୍ରକ ଲୋକସଭା ଆସନ ବି ବିଜେଡିକୁ ଯାଇଛି। କିନ୍ତୁ ଏହି ଜିଲ୍ଲାରେ କାହାରିକୁ ମନ୍ତ୍ରିମଣ୍ଡଳରେ ସ୍ଥାନ ମିଳିନାହିଁ। ଗତ ମନ୍ତ୍ରିମଣ୍ଡଳରେ ଥିବା ପ୍ରଫୁଲ୍ଲ ସାମଲଙ୍କୁ ଏଥର ବାଦ୍ ଦିଆଯାଇଛି।

କନ୍ଧମାଳ ଜିଲ୍ଲାର ତିନିଟି ଯାକ ବିଧାନସଭା ଆସନରେ ବିଜେଡି ଜିତିଛି। ମାଲକାନଗିରିରେ ଦୁଇଟି ଯାକ ଆସନରୁ ‌ଗୋଟିଏ ବିଜେଡି ଦଖଲ କରିଛି। ନବରଙ୍ଗପୁରର ଚାରିଟି ବିଧାନସଭା ଆସନ ମଧ୍ୟରୁ ୩ଟିକୁ ବିଜେଡି ଦଖଲ କରିଛି।

ନୂଆପଡା ଜିଲ୍ଲାରେ ଦୁଇଟି ବିଧାନସଭା ଆସନରୁ ଗୋଟିଏ ବିଜେଡି ଜିତିଛି। କିନ୍ତୁ ଏହି ଜିଲ୍ଲାଗୁଡିକରେ କାହାରିକୁ ମନ୍ତ୍ରିମଣ୍ଡଳରେ ସୁଯୋଗ ମିଳି ନାହିଁ। ଦେବଗଡ ଜିଲ୍ଲାର ଏକମାତ୍ର ବିଧାନସଭା ଆସନ ବିଜେପି ଦଖଲ କରିଛି।

ସେହିପରି ଗଜପତି ଜିଲ୍ଲାର ଦୁଇଟି ଯାକ ଆସନ ବିଜେଡି ହାତରେ ନାହିଁ, ଗୋଟିଏ କଂଗ୍ରେସ ଓ ଗୋଟିଏ ବିଜେପି ଦଖଲରେ ରହିଛି। ଗଞ୍ଜାମ ଜିଲ୍ଲାରେ ଏକମାତ୍ର ବିଧାୟକ ଭାବେ ବିକ୍ରମ କେଶରୀ ଆରୁଖ ତାଙ୍କ ମନ୍ତ୍ରୀ ପଦ ବଜାୟ ରଖିଛନ୍ତି। ତେବେ ଜିଲ୍ଲାର ଆଉ ଜଣେ ବିଧାୟକ ସୂର୍ଯ୍ୟ ନାରାୟଣ ପାତ୍ରଙ୍କୁ ବାଚସ୍ପତି ଭାବେ ମନୋନୀତ କରାଯାଇଛି।

ଅନୁଗୁଳ ଜିଲ୍ଲାରେ ୫ଟି ଯାକ ବିଧାନସଭା ଆସନ ବି ବିଜେଡି ଦଖଲ କରିଛି। ଏକାଧିକ ଥର ଜିତିଥିବା ବିଧାୟକ ବି ଏହି ଜିଲ୍ଲାରେ ଅଛନ୍ତି। କିନ୍ତୁ ମନ୍ତ୍ରିମଣ୍ଡଳରେ କାହାରିକୁ ପ୍ରତିନିଧିତ୍ବ କରିବାର ସୁଯୋଗ ମିଳିନି।

ବୌଦ୍ଧ ଜିଲ୍ଲାରେ ଦୁଇଟି ଯାକ ନିର୍ବାଚନମଣ୍ଡଳୀ ବିଜେଡି କବ୍‌ଜାରେ ରହିଛି । ବୌଦ୍ଧ ବିଧାୟକ ପ୍ରଦୀପ କୁମାର ଅମାତ ଗତ ସରକା‌ରର ପ୍ରଥମ ପର୍ଯ୍ୟାୟରେ ଅର୍ଥ ମନ୍ତ୍ରୀ ଥିଲା ବେଳେ ପରବର୍ତ୍ତୀ ସମୟରେ ବାଚସ୍ପତି ହୋଇଥିଲେ। କିନ୍ତୁ ଏଥର ତାଙ୍କୁ ବାଦ୍ ଦିଆଯିବା ସହ ବୌଦ୍ଧ ଜିଲ୍ଲା ମନ୍ତ୍ରୀ ଶୂନ୍ୟ ହୋଇଛି।

   Related Posts