Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରିଷ୍ଠ ସାମ୍ୱାଦିକ ବିନୋଦ ଦୁଆଙ୍କ ପରଲୋକ, କରୋନାରେ ହୋଇଥିଲେ ଆକ୍ରାନ୍ତ
  • ||
  • ଚାଲିପାରିଲାନି ବିଧାନସଭା, ସୋମାବାର ପର୍ଯ୍ୟନ୍ତ ମୁଲତବୀ ଘୋଷଣା କଲେ ବାଚସ୍ପତି
  • ||
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||

ରାତିରେ ଅଚାନକ କୁଆଡ଼େ ଉଭାନ ହୋଇଗଲେ ୧୩ ଜଣ ପିଲା? ବାଳାଶ୍ରମ କର୍ତ୍ତୃପକ୍ଷ କରୁଥିଲେ କ’ଣ?

7/01/2020 at 4:53 PM

ବ୍ରହ୍ମପୁର୭/୧: ଗତକାଲି ବିଳମ୍ବିତ ରାତିରେ ବ୍ରହ୍ମପୁର ଉତ୍କଳ ବାଳାଶ୍ରମରୁ ଗାଏବ୍‌ ହୋଇଯାଇଛନ୍ତି ୧୩ଜଣ ପିଲା । ଯାହାକୁ ନେଇ ସାଧାରଣରେ ଉଦ୍‌ବେଗ ଦେଖାଦେଇଛି । ପିଲା ନ ଥିବା ଖବର ପାଇବା ପରେ ସ୍ଥାନୀୟ ଗୋସାଣି ନୂଆଗାଁ ଥାନାରେ ଅଭିଯୋଗ କରିଛନ୍ତି ବାଳାଶ୍ରମ କର୍ତ୍ତୃପକ୍ଷ। ଜିଲ୍ଲାରେ ଏମିତି ଗୋଟେ ଘଟଣା ପରେ ବାଳାଶ୍ରମରେ ପିଲାଙ୍କ ସୁରକ୍ଷା ନେଇ ପୁଣି ଥରେ ପ୍ରଶ୍ନବାଚୀ ସୃଷ୍ଟି କରିଛି।

ଏପଟେ ସରକାର ଶିଶୁଙ୍କ ସୁରକ୍ଷା ଏବଂ ସେମାନଙ୍କ ଲାଳନପାଳନ ପାଇଁ ବାଳାଶ୍ରମଗୁଡ଼ିକୁ ଲକ୍ଷ ଲକ୍ଷ ଟଙ୍କାର ଅନୁଦାନ ଦେଉଛନ୍ତି । ହେଲେ ସେପଟେ ସରକାରୀ ଟଙ୍କାରେ ପିଲାଙ୍କ ଯତ୍ନ ନେବେ କ’ଣ ଅଏସ୍‌ କରୁଛନ୍ତି ବାଳାଶ୍ରମ କର୍ତ୍ତୃପକ୍ଷ । ପିଲାଙ୍କ ଖାଇବା ପିଇବା କଥା ତ ଛାଡ଼ନ୍ତୁ ସେମାନଙ୍କ ସୁରକ୍ଷା ପ୍ରତି ମଧ୍ୟ କାହାର ନଜର ନାହିଁ । ଯାହାର ଜ୍ବଳନ୍ତ ଉଦାହରଣ ଦେଖିବାକୁ ମିଳିଛି ବ୍ରହ୍ମପୁର ଉତ୍କଳ ବାଳାଶ୍ରମରେ ।

ଗତକାଲି ବିଳମ୍ବିତ ରାତିରେ ଏହି ବାଳାଶ୍ରମରୁ ୧୩ଜଣ ଝିଅ କୁଆଡ଼େ ଉଭାନ୍‌ ହୋଇଗଲେ ହେଲେ ଜାଣିପାରିଲେନି ବାଳାଶ୍ରମ କର୍ତ୍ତୃପକ୍ଷ । ଆଉ ଯେତେବେଳେ ଜାଣିଲେ ସେତେବେଳେ ଗୋସାଣି ନୂଆଗାଁ ଥାନାକୁ ଯାଇ ଅଭିଯୋଗ କରିଛନ୍ତି । ଆଉ ଜିଲ୍ଲା ପ୍ରଶାସନକୁ ଏକଥା ଜଣାଇଦେଇ ଚୁପ୍‌ ବସିପଡ଼ିଛନ୍ତି ଆଶ୍ରମ ସୁପରିନ୍‌ଟେଣ୍ଡେଣ୍ଟ୍‌ ।

ଗଞ୍ଜାମ ଜିଲ୍ଲାପାଳ କିନ୍ତୁ ଘଟଣା ସମ୍ପର୍କରେ ଜାଣିବା ପରେ ତୁରନ୍ତ ଉପଜିଲ୍ଲାପାଳଙ୍କୁ ଆଶ୍ରମ ପରିଦର୍ଶନ କରି ତଦନ୍ତ କରିବାକୁ ନିର୍ଦେଶ ଦେଇଥିଲେ । ତେବେ ଭୁବନେଶ୍ବର କମିଶନରେଟ୍‌ ପୋଲିସ କିଛି ପିଲାଙ୍କୁ ଉଦ୍ଧାର କରିଥିବା କୁହାଯାଉଛି ।

ଅସହାୟ ନାବାଳିକାମାନଙ୍କୁ ଏହି ବାଳାଶ୍ରମରେ ଆଶ୍ରୟ ଦିଆଯାଇଥିବା ବେଳେ ସେମାନଙ୍କ ସୁରକ୍ଷା ପ୍ରତି କିନ୍ତୁ କାହାରି ନଜର ନାହିଁ । ପୂର୍ବରୁ ମଧ୍ୟ ଏହି ବାଳାଶ୍ରମରେ ଏଭଳି ଘଟଣା ଘଟିଛି । ଏଠାରୁ ଗାଏବ୍‌ କିଛି ପିଲାଙ୍କର ତ ଏଯାଏଁ ପତ୍ତା ମିଳିନି । ସେମାନଙ୍କର ନିଜର ବୋଲି କେହି ନାହାନ୍ତି ବୋଲି ଆଶ୍ରମ କର୍ତ୍ତୃପକ୍ଷଙ୍କ ଠାରୁ ଆରମ୍ଭ କରି ଜିଲ୍ଲା ପ୍ରଶାସନ ପର୍ଯ୍ୟନ୍ତ ସମସ୍ତେ ସେମାନଙ୍କ ପ୍ରତି ବେଶ୍‌ ହେୟଜ୍ଞାନ କରିଆସିଛନ୍ତି । ଯାହାକୁ ନେଇ ସାଧାରଣରେ ଉଦ୍‌ବେଗ ଦେଖିବାକୁ ମିଳିଛି ।

   Related Posts