Wednesday, August 21, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବାତ୍ୟା ଫୋନିରେ ପ୍ରଭାବିତ ହୋଇଛନ୍ତି ଓଡିଶା ପୋଲିସର ୧୨୦ ବାର୍ତ୍ତାବାହୀ ପାରା

କଟକ (ଶେଖର ପୂଜାହାରୀ) ୧୫|୫: ବାତ୍ୟା ଫୋନି ଦ୍ବାରା ଶିକାର ହୋଇଛନ୍ତି ଅନେକ ପକ୍ଷୀ । ଏଥିରୁ ବାଦ୍ ପଡିନାହାନ୍ତି ଓଡ଼ିଶା ପୋଲିସର ୧୨୦ ବାର୍ତ୍ତାବାହୀ ପାରା । ବାତ୍ୟା ଜନିତ ଅସୁବିଧା ସାଙ୍ଗକୁ ଦୂଷିତ ପରିବେଶ ପାଇଁ ପାରାମାନେ ସଂକ୍ରମଣର ଶୀକାର ହୋଇଛନ୍ତି । କେବଳ ଏତିକି ନୁହେଁ ସେମାନଙ୍କର ଯତ୍ନ ନେବାକୁ କର୍ମଚାରୀମାନେ ବି ନାହାନ୍ତି ।ତେଣୁ ଓଡ଼ିଶା ପୋଲିସର ୧୨୦ ବାର୍ତ୍ତାବାହୀ ପାରା ଲୋପ ପାଇଯିବାର ଆଶଙ୍କା ଦେଖାଦେଇଛି ।

ଫୋନି ପରଠାରୁ ଦୁର୍ଦ୍ଦିନରେ ଦିନ ଟାକୁଛନ୍ତି ଓଡିଶା ପୁଲିସର ୧୨୦ ବର୍ତ୍ତାବାହୀ ପାରା । ବାତ୍ୟା ବେଳେ ଲଗାତାର ୬ଦିନ ପର୍ଯ୍ୟନ୍ତ ବିନା ପାଣିରେ ଏମାନେ ଦିନ କାଟିଥିଲେ । ପାଣି ଅଭାବ କାରଣରୁ ପାରା ଗୁଡିକ ରହୁଥିବା ୫ଟି ଘର ବି ଠିକ୍ ଭାବେ ସଫା ହୋଇପାରୁନଥିଲା । ଏଥିପାଇଁ କର୍ମଚାରୀ ଅଭାବ ବି ଆଉ ଏକ କାରଣ ।

ସେପଟେ ପାରା ସେବା କେନ୍ଦ୍ରରେ ମିଶିଛି ୨ଟି ବଡ ଡ୍ରେନ୍ । ଫଳରେ ଦୂଷିତ ପରିବେଶ ପାଇଁ ପାରାମାନଙ୍କ ମଧ୍ୟରେ ସଂକ୍ରମଣ ବଢୁଛି ।ଡ୍ରେନ୍ ସଫା ଏବଂ ଏହା ଉପର ଢାଙ୍କୁଣୀ ବ୍ୟବସ୍ଥା କରିବା ପାଇଁ ପୋଲିସ ସିଗନାଲ ପକ୍ଷରୁ ସିଏମସିକୁ ଚିଠି ଲେଖାଯାଇଛି । ମାତ୍ର ସେମାନେ ସଫା କରୁନଥିବା ଅଭିଯୋଗ ହୋଇଛି। ତେବେ ବର୍ତ୍ତମାନ ପରିସ୍ଥିତି ସ୍ବାଭାବିକ ହୋଇଥିବା ବେଳେ ନିୟମିତ ଭାବେ ପାରାଙ୍କୁ ପାଣି, ଖାଦ୍ୟ ଓ ଔଷଧ ଦିଆଯାଉଥିବା ଏସପି ସିଗନାଲ କହିଛନ୍ତି।

୧୯୪୬ରେ ଓଡିଶା ପୁଲିସ୍ ବାର୍ତ୍ତା ପାଠାଇବା ପାଇଁ ପାରା ସେବା ଆରମ୍ଭ କରିଥିଲା । ପରେ ୧୯୯୧ରେ ଭିଏଚଏଫ୍ ସେବା ଆରମ୍ଭ ହେବାପରେ ଏମାନଙ୍କ କାମ ବନ୍ଦ ହୋଇଯାଇଥିଲା । ତଥାପି ବିଭିନ୍ନ କାର୍ଯ୍ୟକ୍ରମ ଓ ଉତ୍ସବରେ ଏମାନଙ୍କୁ ପୁଲିସ୍ ବିଭାଗ ପକ୍ଷରୁ ବ୍ୟବହାର କରାଯାଉଛି।

177 Views

   ସମ୍ବନ୍ଧିତ ଖବର