Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ଆଜି ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୟନ୍ତୀ
  • ||
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||

ଲକ୍ ଡାଉନ୍ ଯୋଗୁଁ ୧୦୦କି.ମି. ଚାଲିଲେ ୧୨ବର୍ଷର ନାବାଳିକା, ଘରଠାରୁ କିଛି ଦୂରରେ ଚାଲିଗଲା ଜୀବନ

21/04/2020 at 1:06 PM

ବିଜାପୁର ୨୧।୪: ସାରା ଦେଶରେ ଆତଙ୍କ ଖେଳାଇଛି କରୋନା ଭାଇରସ୍ । କରୋନାର ମୁକାବିଲା ପାଇଁ ଦେଶବ୍ୟାପୀ ଲକ୍ ଡାଉନ୍ କରାଯାଇଛି । ତେବେ ଲକ୍ ଡାଉନ୍ ର କିଛିଟା ଖରାପ ପ୍ରଭାବ ଦେଶର ବିଭିନ୍ନ ସ୍ଥାନରେ ଦେଖିବାକୁ ମିଳୁଛି । ଏବେ ଛତିଶଗଡରେ ମଧ୍ୟ ଲକ୍ ଡାଉନର ଖରାପ ପ୍ରଭାବ ସାମ୍ନାକୁ ଆସିଛି । ଭୋକ ଉପାସରେ ଲୋକମାନେ ପାଦରେ ଚାଲି ଚାଲି ନିଜ ଘରକୁ ଫେରୁଛନ୍ତି । ଏଭଳି ପରିସ୍ଥିତିରେ ତେଲେଙ୍ଗାନାରୁ ବିଜାପୁରକୁ ଫେରୁଥିବା ଜଣେ ୧୨ ବର୍ଷର ନାବାଳିକାଙ୍କର ଘରେ ପହଞ୍ଚିବା ପୂର୍ବରୁ ମୃତ୍ୟୁ ହୋଇଛି । ୩ ଦିନ ପାଦରେ ଚାଲି ଚାଲି ତେଲେଙ୍ଗାନାରୁ ଗାଁ ଶ୍ରମିକମାନଙ୍କ ସହିତ ନାବାଳିକାଟି ପହଞ୍ଚିଥିଲା ​​। ସେଠାରେ ପହଞ୍ଚିବା ପରେ ସେ ଡିହାଇଡ୍ରେସନର ଶିକାର ହୋଇଥିଲେ ।

ସୂଚନାଯୋଗ୍ୟ ଯେ, ବିଜାପୁରର ଆଦେଡ ଗାଁର ୧୨ ବର୍ଷର ନାବାଳିକା ଜାମଲୋ ମାଡକାମୀ ୩ ମାସ ପୂର୍ବରୁ ଗାଁର ଅନ୍ୟମାନଙ୍କ ସହ ଚାକିରୀ ଖୋଜିବା ପାଇଁ ତେଲେଙ୍ଗାନା ଯାଇଥିଲେ । ସେଠାରେ ପେରୁର ଗାଁରେ ସେ ଲଙ୍କା ତୋଳିବା ପାଇଁ ଯାଉଥିଲେ । କରୋନା ଯୋଗୁଁ ହଠାତ୍ ଲକ୍ ଡାଉନ୍ ହୋଇଯାଇଥିଲା । ପ୍ରଥମ ୨୧ ଦିନ କଟାଯାଇଥିଲା । କିନ୍ତୁ ଯେତେବେଳେ ଲକ୍ ଡାଉନ୍ ବୃଦ୍ଧି କରାଗଲା ସେ ଚାଲି ଚାଲି ତିନି ଦିନ ପୂର୍ବେ ୧୧ ଜଣ ଶ୍ରମିକଙ୍କ ସହ ନିଜ ଗାଁକୁ ଫେରୁଥିଲେ ।

ପ୍ରାୟ ୧୦୦ କିଲୋମିଟର ଯାତ୍ରା କରିବା ପରେ ଅପ୍ରେଲ ୧୮ରେ ଶ୍ରମିକମାନେ ବିଜାପୁରର ମୋଡକପାଲରେ ପହଞ୍ଚିଥିଲେ । ଏହି ସମୟରେ ଜାମଲୋଙ୍କର ମୃତ୍ୟୁ ହୋଇଥିଲା । ପ୍ରଶାସନ ନାବାଳିକାର ଶବକୁ ଅଲଗା ରଖିଛି । ଏହାସହ ଶ୍ରମିକମାନଙ୍କୁ ମଧ୍ୟ କ୍ବାରେଣ୍ଟାଇନ୍ କରାଯାଇଛି । ଶ୍ରମିକମାନେ ନାବାଳିକାର ପରିବାର ସଦସ୍ୟଙ୍କୁ ସୂଚନା ଦେଇଥିଲେ । ଏକମାତ୍ର ଝିଅର ମୃତ୍ୟୁ ଖବର ପାଇବା ପରେ ବାପା ଆଣ୍ଡୋରାମ ମାଡକମ୍ ଏବଂ ମା ସୁକମାଟି ମାଡକମ୍ ଜିଲ୍ଲା ଚିକିତ୍ସାଳୟରେ ପହଞ୍ଚିଥିଲେ ।

ମୁଖ୍ୟ ସ୍ବାସ୍ଥ୍ୟ ଅଧିକାରୀ କହିଛନ୍ତି ଯେ ନାବାଳିକାର ମୃତଦେହକୁ ବିଜାପୁରକୁ ଆଣିବା ସହିତ ସମସ୍ତ ଶ୍ରମିକଙ୍କୁ କ୍ବାରେଣ୍ଟାଇନ୍ କରାଯାଇଛି । ସମସ୍ତଙ୍କ କରୋନା ପରୀକ୍ଷା ରିପୋର୍ଟ ନେଗେଟିଭ ଆସିଛି । ଅତ୍ୟଧିକ ଗରମ ହେତୁ ଡିହାଇଡ୍ରେସନ୍ ହୋଇ ନାବାଳିକାର ମୃତ୍ୟୁ ହୋଇଥାଇପାରେ ବୋଲି ଆଶଙ୍କା କରାଯାଇଛି । ତେବେ ପୋଷ୍ଟମର୍ଟମ ରିପୋର୍ଟ ଆସିବା ପରେ ହିଁ ମୃତ୍ୟୁର କାରଣ ସ୍ପଷ୍ଟ ଜଣାପଡିବ ।

   Related Posts