Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

୧୨ ବର୍ଷ ନାବାଳିକାଙ୍କୁ ଟେକି ନେଇ ବିଲ ମଝିରେ କଲେ ଗଣଦୁଷ୍କର୍ମ

29/11/2018 at 3:25 PM

ଦିଲ୍ଲୀ ନରେଲା ଅଂଚଳରେ ଜଣେ ୧୨ ବର୍ଷ ନାବାଳିକାଙ୍କୁ କିଡନାପ କରି ଏକ ବିଲରେ ଗଣଦୁଷ୍କର୍ମ କରାଯାଇଥିବା ଘଟଣା ସାମ୍ନାକୁ ଆସିଛି | ଦୁଷ୍କର୍ମକାରୀ ୩ ଅଭିଯୁକ୍ତଙ୍କୁ ଗିରଫ କରିଛି ପୋଲିସ | ୩ ଅଭିଯୁକ୍ତ ହେଲେ ରବି, ମୋହିତ ଏବଂ ବିନୋଦ | ପୋଲିସ ଏମାନଙ୍କ ବାଇକକୁ ଜବତ କରିଛି |

ସୂଚନାଯୋଗ୍ୟ ଯେ, ପୀଡିତା ନରେଲା ଅଂଚଳରେ ନିଜ ବାପା ମା’ଙ୍କ ସହ ରୁହନ୍ତି | ସେ ଏକ ସରକାରୀ ସ୍କୁଲରେ ପଢ଼ନ୍ତି | ପୀଡିତାଙ୍କ ବାପା ଏକ ଘରୋଇ କମ୍ପାନୀରେ ଚାକିରୀ କରନ୍ତି |

ବୁଧବାର ବିଳମ୍ବିତ ରାତିରେ ନରେଲା ଅଂଚଳରେ ପୋଲିସ ପିସିଆର ଭ୍ୟାନରେ ଥିବା ପୋଲିସ ଏକ ଟାଟା ଏସି ଗାଡିକୁ ଦ୍ରୁତ ଗତିରେ ଯାଉଥିବା ଦେଖିଥିଲେ | ସନ୍ଦେହ କରି ପୋଲିସ ଟାଟା ଏସି ଗାଡିକୁ ପିଛା କରିଥିଲା | ଗାଡିକୁ ଅଟକାଇବାରେ ପୋଲିସ ସକ୍ଷମ ହୋଇଥିଲା | ଗାଡି ଅଟକାଇବା ପରେ ପୋଲିସ ଦେଖିଥିଲା ଗାଡିରେ ଡ୍ରାଇଭର ସମେତ ୪ଜଣ ଥିଲେ | ତାଙ୍କ ସହ ଜଣେ ନାବାଳିକା ମଧ୍ୟ ଥିଲେ ଏବଂ ସେ ଅତ୍ୟନ୍ତ ଡରିଯାଇଥିବା ଭଳି ଜଣାପଡୁଥିଲେ |

ପୋଲିସ ସଙ୍ଗେସଙ୍ଗେ କଣ୍ଟ୍ରୋଲ ରୁମକୁ ଫୋନ କରି ଘଟଣା ସମ୍ପର୍କରେ ଜଣେଇଥିଲେ | ନରେଲା ପୋଲିସ ଘଟଣାସ୍ଥଳରେ ପହଞ୍ଚିଥିଲା | ତିନି ଜଣ ଯାକ ନରେଲାରେ ହିଁ ରୁହନ୍ତି | ଟାଟା ଏସି ଗାଡି ମୋହିତର ବୋଲି ଜଣାପଡିଥିଲା | ବିନୋଦ ରାଜମିସ୍ତ୍ରୀ କାମ କରେ ଏବଂ ରବି ଫୁଲ ବିକେ |
ନାବାଳିକାଙ୍କୁ ପଚରାଉଚୁରା କରିବାରୁ ସେ କହିଥିଲେ ଯେ, ତିନି ଜଣ ତାଙ୍କୁ କିଡନାପ କରି ଏକ ବିଲରେ ନେଇ ଗଣଦୁଷ୍କର୍ମ କରିଛନ୍ତି | ଏବଂ କାହାକୁ କହିଲେ ଜୀବନରେ ମାରିଦେବେ ବୋଲି ଧମକ ଦେଇଥିଲେ | ପୋଲିସ ନାବାଳିକାଙ୍କ ଘରଲୋକଙ୍କୁ ଏ ସମ୍ପର୍କରେ ଜଣେଇଥିଲେ | ପୀଡିତାଙ୍କର ଡାକ୍ତରୀ ମଇନା କରାଯାଇଥିଲା | ନାବାଳିକାଙ୍କ ସହ ଦୁଷ୍କର୍ମ ହୋଇଥିବା ଡାକ୍ତର କହିଥିଲେ | ନାବାଳିକାଙ୍କୁ ଅଭିଯୁକ୍ତମାନେ ସନ୍ଧ୍ୟାରେ ତାଙ୍କ ଘର ପାଖରୁ ହିଁ କିଡନାପ କରିନେଇଥିଲେ |

   Related Posts