Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରିପଦା : ଦିନ ଦ୍ବିପ୍ରହରରେ ଲୁଟ୍, ମହିଳାଙ୍କ ବେକରୁ ସୁନା ଚେନ୍ ଝାମ୍ପିନେଲେ ଦୁର୍ବୃତ୍ତ
  • ||
  • ବାରିପଦା : ୪୦ ଲକ୍ଷ ଟଙ୍କାର ଧଳା ଜହର ଜବତ, ଜଣେ ଗିରଫ
  • ||
  • ଖୋର୍ଦ୍ଧା : ଅଟୋ ଓ କାର୍ ମୁହାଁମୁହିଁ ଧକ୍କା, ୮ ଆହତ
  • ||
  • ଝାରସୁଗୁଡା : ଜାଲ୍ ନୋଟ୍ କାରବାରର ପର୍ଦ୍ଦାଫାଶ, ୫୭ହଜାର ଟଙ୍କାର ନକଲି ନୋଟ୍ ଜବତ, ରେଳବାଇ କର୍ମଚାରୀ ଗିରଫ
  • ||
  • ପୁରୀ : ମହାପ୍ରଭୁଙ୍କ ଦର୍ଶନ ପାଇଁ ବ୍ୟାରିକେଡ଼ରେ କରିଥିଲେ ଅପେକ୍ଷା, ହଠାତ୍ ଅସୁସ୍ଥ ହୋଇପଡିଲେ ଭକ୍ତ
  • ||
  • ଅନୁଗୋଳ : ଅନନ୍ତ କୋଇଲା ଖଣିରେ ଅଘଟଣ, କୋଇଲା ଲୋଡିଂ ବେଳେ ପୋତିହୋଇଗଲେ ଜଣେ
  • ||
  • ବ୍ରହ୍ମପୁର : ଭିଜିଲାନ୍ସ ପଞ୍ଝାରେ ଆରଆଇ, ଜମି ନିର୍ଦ୍ଧାରଣ ପାଇଁ ୫ ହଜାର ଟଙ୍କା ନେବାବେଳେ ଧରାପଡିଲେ
  • ||
  • ଭୁବନେଶ୍ବର : ଦିନରେ ରଙ୍ଗମିସ୍ତ୍ରୀ, ରାତିରେ ଚୋରୀ, ୫ ବର୍ଷ ଧରି ଖୋଜୁଥିଲା ପୋଲିସ, ଶେଷରେ ଧରାପଡିଲା
  • ||
  • କଟକ : ରମଜାନ ପାଇଁ ସିଏମସିର ଗାଇଡ୍‌ଲାଇନ୍, ନମାଜ ପାଠ ପାଇଁ ୧୦୦ ଲୋକଙ୍କୁ ଅନୁମତି
  • ||
  • ଜଳେଶ୍ବର : ନଦୀ ପଠାରୁ ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ ଠାବ, ସ୍ବାମୀ ହତ୍ୟା କରିଥିବା ଅଭିଯୋଗ ଆଣିଲେ ବାପଘର
  • ||

ନୀଳଗିରିରେ ଝାଡଖଣ୍ଡ ହାତୀପଲ, ଚୌଦ୍ବାରରେ ୧୨ହାତୀଙ୍କ ଉପଦ୍ରବ, ଚମ୍ପୁଆରେ ହାତୀଲାଞ୍ଜ ଟାଣି ବନ୍ଧାହେଲେ ୩ ଯୁବକ

30/10/2018 at 5:59 PM

ଭୁବନେଶ୍ବର ୩୦|୧୦: ସାତକୋଶିଆରେ ସୁନ୍ଦରୀ ପାଇଁ ବନ ବିଭାଗ ଟେନସନରେ ଥିବା ବେଳେ ବାଲେଶ୍ବର ନୀଳଗିରିରେ ପଶି ସାରିଲେଣି ଝାଡ଼ଖଣ୍ଡୀ ହାତୀ । ଚୌଦ୍ବାର ସହର ଉପକଣ୍ଠରେ ଦେଖିବାକୁ ମିଳିଛି ହାତୀଙ୍କ ଉପଦ୍ରବ । ତେବେ ସବୁଠାରୁ ଦୁଃସାହାସିକ କାଣ୍ଡ ଘଟିଛି କେନ୍ଦୁଝର ଚମ୍ପୁଆରେ । ଜୀବନକୁ ବାଜି ଲଗାଇ ଜଙ୍ଗଲ ଭିତରେ ହାତୀଙ୍କ ସହ ଲାଗିବା ୩ ଜଣ ଯୁବକଙ୍କୁ ମହଙ୍ଗା ପଡ଼ିଛି ।

ମରଣକୁ ବରଣ କରୁଛନ୍ତି  ଯୁବକମାନେ । ହାତୀ ତାର ଚୁପଚାପ୍ ଜଙ୍ଗଲ ଭିତରେ ଛିଡ଼ା ହୋଇଥିଲା । କିନ୍ତୁ ଯୁବକମାନେ ଜଙ୍ଗଲ ଭିତରକୁ ଯାଇ ତା ସହ ଖୋଳେଇ ହୋଇଛନ୍ତି । ଲାଞ୍ଚ ଧରି ଟାଣିଛନ୍ତି, ତାକୁ ରଗାଇଛନ୍ତି । ଆଉ ହାତୀ ବି ରାଗି ଯାଇଛି । କେତେବେଳେ ପଛୁଆ ଲାତ ମାରିବାକୁ ଚେଷ୍ଟା କରିଛି ତ ଆଉ କେତେବେଳେ ଶୁଣ୍ଢ ବୁଲାଇ ତଡ଼ି ଆଣିଛି । ୨ଜଣ ଯୁବକ ହାତୀ ସହ ଲାଗୁଥିବା ବେଳେ ଅନ୍ୟ ଜଣେ ମୋବାଇଲରେ ଭିଡିଓ ଉଠାଇଛନ୍ତି । ଆଉ ଭିଡିଓ ଭାଇରାଲ୍ ପରେ ହାତୀ ସହ ମଜା କରିବା ଏହି ତିନି ଯୁବକଙ୍କୁ ମହଙ୍ଗା ପଡ଼ିଛି । ଚମ୍ପୁଆ ଅଞ୍ଚଳରୁ ଏମାନଙ୍କୁ ଗିରଫ କରିଛି ବନବିଭାଗ । ଏମାନେ ହେଲେ ଅବଦ୍ଦୁଲ୍ ହାଲିମ୍, ଏମ୍. ଡି. ଇସ୍ମାଇଲ୍ ଏବଂ ଦେବାଶିଷ ବେହେରା ।

ଚମ୍ପୁଆ ପରେ ଏବେ ଆସନ୍ତୁ ଯିବା ନୀଳଗିରି । ଝାଡ଼ଖଣ୍ଡ ଦଲମା ଜଙ୍ଗଲରୁ ପଶ୍ଚିମବଙ୍ଗ ଦେଇ ଦୁଇ ପଲରେ ଏହି ହାତୀଗୁଡ଼ିକ ଆସିଛନ୍ତିଗୋଟେ ପଲରେ ୪୦ ଏବଂ ଆଉ ଗୋଟେ ପଲରେ ୩୫ ହାତୀ ଅଛନ୍ତି । କାଶିଆ ଜଙ୍ଗଲରେ ଆସି ଡେରା ପକାଇଛନ୍ତି । ଏବେ ଏହି ହାତୀ ପଲ ନୀଳଗିରି ମୁହାଁ ହୋଇଥିବା ବେଳେ ଲୋକେ ଆତଙ୍କିତ ହୋଇ ପଡ଼ିଛନ୍ତି ।

ଏତେ ହାତୀଙ୍କୁ ଦେଖି ବନ ବିଭାଗର ନିଦ ହଜିଯାଇଛି । ଫିଲ୍ଡ ଷ୍ଟାଫଙ୍କୁ ଧରି ବିଭାଗର ବରିଷ୍ଠ ଅଧିକାରୀମାନେ ଗ୍ରାଉଣ୍ଡରେ ଜଗି ରହିଛନ୍ତି । ହାତୀଗୁଡ଼ି ଯେମିତି ଜନବସତି ମୁହାଁ ନହେବେ, ସେନେଇ ଚେଷ୍ଟା ଜାରି ରଖିଛି ବନବିଭାଗ । ବିଦ୍ୟୁତ୍ ବିଭାଗକୁ ସଜାଗ ରହିବାକୁ କୁହାଯାଇଛି । ଏଥି ସହିତ ଲୋକମାନେ ଘରେ ହାଣ୍ଡିଆ କିମ୍ବା ମଦ ନରଖିବାକୁ ବନବିଭାଗ ପରାମର୍ଶ ଦେଇଛି ।

ଚୌଦ୍ବାରରେ ମଧ୍ୟ ହାତୀଙ୍କ ଉପଦ୍ରବ ଦେଖିବାକୁ ମିଳିଛି । ଗତରାତିରେ ୧୨ଟି ହାତୀ, ସହର ଉପକଣ୍ଠ ପାଇକେରପୁର ଗାଁ ନିକଟରେ ଧାନବିଲ ଘାଣ୍ଟି ଦେଇଛନ୍ତି । ଚାରବାଟିଆରେ ଥିବା ବିମାନ ଉଡ଼ାଣ ଗବେଷଣା କେନ୍ଦ୍ରର ପାଚେରୀ ଭାଙ୍ଗି ଦେଇଛନ୍ତି ।

   Related Posts