ମୋରଡା ୨୯।୨: ନିଆଁରେ ଜଳିଗଲା ୧୨ବଖରା । ମୟୁରଭଞ୍ଜ ଜିଲ୍ଲା ମୋରଡ଼ା ବ୍ଲକ ହଳଦୀପାଳ ପଞ୍ଚାୟତର କମାରଗଡ଼ିଆ ଗାଁରେ ଭୟାବହ ଅଗ୍ନିକାଣ୍ଡ । ଇଲେକ୍ଟ୍ରି ସର୍ଟ ସର୍କିଟରୁ ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଛି ।

ସୂଚନାଯୋଗ୍ୟ ଯେ, କମାରଗଡ଼ିଆ ଗାଁର ପଦନ ମୁର୍ମୁ, ଠୁମ୍ପୁ ମୁର୍ମୁ, ବାରସା ମୁର୍ମୁ ଏବଂ ରାଇମଣୀ ମୁର୍ମୁଙ୍କ ଘରେ ନିଆଁ ଲାଗି ୧୨ ବଖରା ସମ୍ପୂର୍ଣ୍ଣ ଜଳି ପୋଡି ପାଉଁଶ ହୋଇଯାଇଛି । ନିଆଁ ଲାଗିବା ପରେ ଘରେ ଥିବା ଧାନଚାଉଳ, ଆସବାବପତ୍ର ଠାରୁ ଆରମ୍ଭ କରି ଟଙ୍କା ପଇସା ସବୁ କିଛି ଜଳି ଯାଇଛି ।

ଖବର ପାଇ ଚିତ୍ରଡା ଅଗ୍ନିଶମ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଅଗ୍ନିକାଣ୍ଡରେ ସର୍ବସ୍ୱାନ୍ତ ପରିବାର ବର୍ଗଙ୍କୁ ସରକାରୀ ସହାୟତା ଦେବାକୁ ବିଭିନ୍ନ ମହଲରୁ ଦାବି ହେଉଛି ।