ଲମତାପୁଟ ୨୪|୧୨: ଆଜି ୧୨ ଘଣ୍ଟିଆ ଲମତାପୁଟ ବନ୍ଦ । ଆଦିବାସୀ ଜାଗରଣ ସଂଘ ପକ୍ଷରୁ ବନ୍ଦ ଡାକରା ଦିଆଯାଇଛି । ବ୍ଲକ ଅଧ୍ୟକ୍ଷା ଲକ୍ଷ୍ମୀ କୁମାରୀ ହନ୍ତାଳ ଜାଲ୍ ଜାତିଗତ ପ୍ରମାଣ ପତ୍ର ଦେଇ ପଦବୀ ହାତେଇଥିବା ପ୍ରତିବାଦରେ ବନ୍ଦ ପାଳନ କରାଯାଇଛି । ପ୍ରଭାବରେ ସକାଳୁ ଦୋକାନ ବଜାର ଓ ଗାଡି ଚଳାଚଳ ବନ୍ଦ ରହିଛି । ଏହା ସହ ୫୨ ନମ୍ବର ଜାତୀୟ ରାଜପଥକୁ ବନ୍ଦ କରିଛନ୍ତି ଆଦିବାସୀ ସଂଘ । ଫଳରେ ଲମତାପୁଟ-ଜୟପୁର ଓ ଲମତାପୁଟ-ବିଶାଖାପାଟଣା ଯାତାୟତ ବାଧାପ୍ରାପ୍ତ ହୋଇଛି ।
{"id":66657}୨୦୧୭ ପଞ୍ଚାୟତ ନିର୍ବାଚନରେ ବ୍ଲକ୍ ଅଧ୍ୟକ୍ଷା ପଦ ଆଦିବାସୀ ସଂରକ୍ଷଣ ଥିଲା । ତେବେ ବନମାଳୀପୁଟ ସମିତି ସଭ୍ୟା ପାଇଁ ଲକ୍ଷ୍ମୀ କୁମାରୀ ହନ୍ତାଳ ୧୨ ବର୍ଷର ପୁରୁଣା ଜାତିଗତ ପ୍ରମାଣପତ୍ର ଦାଖଲ କରି ନିର୍ବାଚନ ଲଢି ବିଜୟୀ ହୋଇଥିଲେ । କିନ୍ତୁ ପରବର୍ତ୍ତି ସମୟରେ ସେ ସାଧାରଣ ବର୍ଗର ବୋଲି ଜଣାପଡିଥିଲା । ଯାହାର ପ୍ରତିବାଦରେ ଆଜି ଲମତାପୁଟ ବନ୍ଦ କରାଯାଇଛି ।