Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||
  • ଦିଲ୍ଲୀରେ ଭାଇ-ଭାଉଜଙ୍କୁ ହାଣି ଫିଙ୍ଗିଦେଲା ସାନ ଭାଇ, ୬୦କି.ମି. ଦୂରରୁ ଉଦ୍ଧାର ହେଲା ମୃତଦେହ
  • ||
  • ଯାଜପୁରରେ କାର୍‌-ଟ୍ରକ୍‌ ମୁହାଁମୁହିଁ ଧକ୍କା, ଯନ୍ତ୍ରୀଙ୍କ ସହ ଚାଲିଗଲା ୨ ଜଣଙ୍କ ଜୀବନ, ୨ ଗୁରୁତର
  • ||
  • ପଶ୍ଚିମବଙ୍ଗ-ବାଂଲାଦେଶକୁ ମୁହାଁଇଲା ଭୀଷଣ ଅବପାତ, ୫ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା
  • ||
  • ମୁମ୍ବାଇ ସିଟି ସେଣ୍ଟର ମଲ୍‌ରେ ଭୟାବହ ଅଗ୍ନିକାଣ୍ଡ, ମଲ୍‌ରେ ଥିଲେ ପ୍ରାୟ ୩୦୦ ଲୋକ
  • ||

ଯୁବତୀ ଚାଲାଣ ରାକେଟ୍: ମଧ୍ୟ ପ୍ରଦେଶରୁ ୧୨ ଯୁବତୀଙ୍କୁ ଅଣାଯାଇଥିଲା ହାଥରସ, କୋଠରୀରେ ବନ୍ଦ କରି ୩ଦିନ ରଖାଯାଇଥିଲା ଭୋକିଲା

11/10/2020 at 3:01 PM

ହାଥରସ ୧୧/୧୦ : ଉତ୍ତର ପ୍ରଦେଶ ହାଥରସ ଜିଲ୍ଲା ଚନ୍ଦପା ଥାନା ଅନ୍ତର୍ଗତ ବୁଲଗାଡୀ ଗାଁରେ ୧୯ ବର୍ଷୀୟ ଗଣଦୁଷ୍କର୍ମ ପୀଡିତାଙ୍କ ମୃତ୍ୟୁ ପରେ ଆରମ୍ଭ ହୋଇଥିବା ରାଜନୀତି ଓ ଯାଞ୍ଚ ମଧ୍ୟରେ ଶନିବାର ବିଳମ୍ବିତ ରାତିରେ ଯୁବତୀ ଚାଲାଣ ମାମଲା ସାମ୍ନାକୁ ଆସିଛି। ମଧ୍ୟ ପ୍ରଦେଶରୁ ଅଣାଯାଇଥିବା ୧୨ ଯୁବତୀଙ୍କ ମଧ୍ୟରୁ ଜଣେ କାନ୍ଦୁଥିବା ଅବସ୍ଥାରେ ହାଥରସ ରାସ୍ତାରୁ ଉଦ୍ଧାର ହୋଇଛନ୍ତି। ୧୨ ଜଣଙ୍କ ମଧ୍ୟରେ ଜଣେ ନାବାଳିକା ସାମିଲ। ପୀଡିତା ଯୁବତୀ କହିଛନ୍ତି ଯେ ସମସ୍ତଙ୍କୁ ଏକ କୋଠରୀରେ ବନ୍ଧକ କରି ରଖାଯାଇଥିଲା। ୧୧ ଜଣ ଏବେ ମଧ୍ୟ ନିଖୋଜ ଅଛନ୍ତି। ପୋଲିସ ଏମାନଙ୍କୁ ଖୋଜୁଛି।


ମାମଲା ସଦର ଥାନା ରୋଡବେଜ ବସ ଷ୍ଟାଣ୍ଡ ଅଞ୍ଚଳର। ସୂଚନାଯୋଗ୍ୟ ଯେ, ମଧ୍ୟ ପ୍ରଦେଶରୁ ୧୨ ଯୁବତୀଙ୍କୁ ବିକ୍ରି କରିବାକୁ ଏଠାକୁ ଅଣାଯାଇଥିଲା। ଏମାନଙ୍କୁ ୩ ଦିନ ଯାଏଁ ଭୋକିଲା ରଖାଯାଇଥିଲା। ଏମାନଙ୍କୁ ଏକ କୋଠରୀରେ ତାଲା ବନ୍ଦ କରି ରଖାଯାଇଥିଲା ଯେପରି ଏମାନେ କୁଆଡେ ଯାଇନପାରନ୍ତି। ପୋଲିସ ଅନୁଯାୟୀ, ଏମାନଙ୍କୁ ସିଲେଇ କାମ ଯୋଗେଇ ଦେବାକୁ କହି ହାଥରସ ଅଣାଯାଇଥିଲା।


ପୀଡିତ ଯୁବତୀମାନେ କହିଛନ୍ତି ଯେ ବଡ କଷ୍ଟରେ ଏମାନେ ଜୀବନ ବଞ୍ଚାଇ ସେଠାରୁ ପଳାଇ ଆସି ରୋଡ଼ବେଜ ବସ ଷ୍ଟାଣ୍ଡରେ ପହଞ୍ଚିଥିଲେ ଓ ପୋଲିସକୁ ପୁରା ଘଟଣା କହିଥିଲେ। ସୂଚନା ପାଇବା ପରେ ପୋଲିସ ବନ୍ଧକ ଥିବା ଅନ୍ୟ ଯୁବତୀଙ୍କୁ ଉଦ୍ଧାର କରିଛି। ବର୍ତ୍ତମାନ ପ୍ରଶ୍ନ ଉଠିଛି, ହାଥରସ ଯୁବତୀ ଚାଲାଣ ରାକେଟ ସକ୍ରିୟ ରହିଛି କି ? ପୋଲିସ ଘଟଣାର ତଦନ୍ତ କରୁଛି।

   Related Posts