ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୩ କୋଭିଡ୍ ପଜିଟିଭ୍
  • ||
  • ରାଇରଙ୍ଗପୁର: ଗୋରୁ ବେପାରୀଙ୍କୁ ଗୁଳିକରି ହତ୍ୟା, ୨୦ ଲକ୍ଷ ଲୁଟ୍‌
  • ||
  • ପୁରୀ : ବୁଧବାର ମହାପ୍ରଭୁଙ୍କ ବନକଲାଗି, ୪ ଘଣ୍ଟା ବନ୍ଦ ରହିବ ଦର୍ଶନ
  • ||

ଗଜପତିରେ ପାହାଡ ଧସି ୧୨ଜଣଙ୍କ ମୃତ୍ୟୁ ଘଟଣା : ଏବେବି ୪ଜଣ ନିଖୋଜ, ଉଦ୍ଧାର କାର୍ଯ୍ୟ ତ୍ବରାନ୍ବିତ ପାଇଁ ପଠାଗଲା ସ୍ବତନ୍ତ୍ର ଟିମ୍

13/10/2018 at 11:05 AM

ଗଜପତି ୧୩|୧୦: ଗଜପତି ଜିଲ୍ଲାରେ ଗତକାଲି ପାହାଡ ଧସି ୧୨ ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ୫ ଜଣ ଶିଶୁ ରହିଛନ୍ତି । ଏବେ ବି ୪ ଜଣ ନିଖୋଜ ଅଛନ୍ତି । ଉଦ୍ଧାର କାର୍ଯ୍ୟ ତ୍ବରାନ୍ବିତ କରିବା ପାଇଁ  ସ୍ବତନ୍ତ୍ର ଟିମ୍ ପଠାଯାଇଛି । ତେବେ ପୁଲିସ ଓ ପ୍ରଶାସନ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।

ସୂଚନା ଅନୁସାରେ ରାୟଗଡ ବ୍ଲକ୍  ଅନ୍ତର୍ଗତ ଗଙ୍ଗାବାଡ ପଞ୍ଚାୟତର ବାରଘର ଗାଁରେ ବର୍ଷା ବିତ୍ପାତ ଯୋଗୁଁ ଏଭଳି ଅଘଟଣ ଘଟିଛି । ଗତ ୧୦ ତାରିଖ ସଂଧ୍ୟାରେ ୫ଟି ପରିବାରର ୧୬ ଜଣ ତିତଲି ଭୟରେ ଗାଁ ଛାଡ଼ି ପାହାଡ଼ ଉପରକୁ ଚାଲିଯାଇଥିଲେ । ତିତଲି ଦାଉରୁ ରକ୍ଷା ପାଇବା ପାଇଁ ଏମାନେ ଏକ ଗୁମ୍ଫା ଭିତରେ ଆଶ୍ରୟ ନେଇଥିଲେ । ହେଲେ ଦୁର୍ଭାଗ୍ୟବଶତଃ ପାହାଡ ଧସିଯିବା ଫଳରେ ଏହା ତଳେ ଚାପି ହୋଇ ସେମାନଙ୍କ ମୃତ୍ୟୁ ହୋଇଛି । ମୃତ ବ୍ୟକ୍ତିମାନେ ହେଲେ, ଦିନେଶ ଭୂୟାଁ , ଗାଗନ ଜାନୀ,  ମୀନାକ୍ଷୀ ଶବର, ଗଙ୍ଗାଧର ବେହେରା, ଜୟଚନ୍ଦ୍ର ଭୂୟାଁ, ଚମ୍ପା ଭୁୟାଁ, ସୋମନାଥ ଜାନି, ସୁମିତ୍ରା ଭୂୟାଁ, ଦଣ୍ଡପାଣି ଭୂୟାଁ, ଶ୍ରୀମତୀ ଜାନି, ଲାଲୁ ବେହେରା ଓ ଜିଞ୍ଜ ଶବର । ଘଟଣାସ୍ଥଳଟି ଦୁର୍ଗମ ଅଞ୍ଚଳ ହୋଇଥିବାରୁ ଉଦ୍ଧାର କାର୍ଯ୍ୟ ତ୍ବରାନ୍ବିତ କରିବା ପାଇଁ  ସ୍ବତନ୍ତ୍ର ଟିମ୍ ପଠାଯାଇଛି । ପାହାଡ ତଳେ ଏବେବି ୪ ଜଣ ଚାପି ହୋଇ ରହିଥିବା ସନ୍ଦେହ କରାଯାଉଛି । ତେବେ ପୁଲିସ ଓ ପ୍ରଶାସନ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।

   Related Posts