ଭୁବନେଶ୍ଵର ୧୮।୦୭:  ମାନବପ୍ରେମୀ ଆଦିତ୍ୟ ଦାସଙ୍କ ମୃତ୍ୟୁ ରହସ୍ୟ ଉପରୁ ଏଯାଏଁ ଉଠିପାରିଲାନି ପରଦା । ଆଦିତ୍ୟ ଆତ୍ମହତ୍ୟା କରିଥିଲେ ବି ତାଙ୍କୁ ହତ୍ୟା କରାଯାଇଛି ସେନେଇ ତଦନ୍ତ ଜାରି ରହିଥିଲେ ବି ୧୨ ଦିନ ପରେ ବି କିଛି ସଠିକ୍ ଦିଗ ଧରିପାରିନି ତଦନ୍ତକାରୀ ଟିମ୍ । ପତ୍ନୀ ବିଦ୍ୟାଶ୍ରୀ ଓ ପରିବାରଲୋକଙ୍କୁ ମାରାଥନ୍ ଜେରା କରାଯାଇଛି। ବଲାଙ୍ଗିରରେ ରହୁଥିବା ଆଦିତ୍ୟଙ୍କ ଆଉ ଜଣ ବନ୍ଧୁଙ୍କୁ ଜେରା ପାଇଁ ନୋଟିସ୍ କରିଛି ଜିଆରପି ।

{"id":302205,"sizeSlug":"large"}

କାହାଠୁ ଏବଂ କେଉଁଠୁ ମିଳିବ ଖିଅ ? କିଏ ଦେବ ମାନବପ୍ରେମୀ ଆଦିତ୍ୟ ଦାସ ମୃତ୍ୟ ଘଟଣାର ତଥ୍ୟ ?  ଆଦିତ୍ୟ ଦାସଙ୍କୁ ହତ୍ୟା କରାଯାଇଛି ସେ ଆତ୍ମହତ୍ୟା କରିଛନ୍ତି ? କିଛି ଥଳକୂଳ ପାଉନି ଜିଆରପି । ଖାଲି ଅନ୍ଧାରରେ ବାଡ଼ି ବୁଲାଉଛି ।ଭୁବନେଶ୍ବରରେ ଖୋଲତାଡ ପରେ କଟକରେ ଆଜି ବିଦ୍ୟାଶ୍ରୀଙ୍କ ପରିବାର ଲୋକଙ୍କୁ ଜେରା କରିଛି ଜିଆରପି । ଝିଅ ଜ୍ବାଇଁଙ୍କ ସମ୍ପର୍କ କେମିତି ଥିଲା ? ସହମିତିରେ ବାହାଘର ହୋଇଥିଲା କି ନାହିଁ ? ବିବାହ ପରେ ଝିଅ ଜ୍ବାଇଁଙ୍କ ସହ କାହିଁକି ସମ୍ପର୍କ ନ ଥିଲା ଏମିତି ଅନେକ ପ୍ରଶ୍ନର ଉତ୍ତର ବିଦ୍ୟାଶ୍ରୀଙ୍କ ମା ଓ ଭାଇଙ୍କୁ ପଚାରିଥିଲା ତଦନ୍ତକାରୀ ଟିମ ।

{"id":302206,"sizeSlug":"large"}

ସେପଟେ ବଲାଙ୍ଗିରରେ ରହୁଥିବା ଆଦିତ୍ୟଙ୍କ ଆଉ ଜଣେ ସାଙ୍ଗଙ୍କୁ ଜେରା ପାଇଁ ନୋଟିସ କରାଯାଇଛି। ଆଦିତ୍ୟ ପ୍ରତିଦିନ ଫୋନରେ ବିଶ୍ବମୋହନ ଭୋଇ ଓରଫ ବିଶ୍ବଙ୍କ ସହ କଥା ହେବା ସହ ଭିଡିଓ କଲ ଓ ଚାଟିଂ କରୁଥିଲେ । ସେବାଶ୍ରମରେ ଚାଲିଥିବା ଘୋଟାଲା ଓ ଆଦିତ୍ୟଙ୍କ ପାରିବାରିକ କଳହ ବିଷୟରେ ବିଶ୍ବ ଅବଗତ ଥିବା କୁହାଯାଉଛି । ଏପରି ଆଦିତ୍ୟଙ୍କ ପାଖକୁ ଧମକପୂର୍ଣ୍ଣ କଲ କେଉଁଠୁ ଆସୁଥିଲା ଓ କିଏ ଏହି କଲ କରୁଥିଲା ତାହା ମଧ୍ୟ ବିଶ୍ବଙ୍କୁ ଜଣା ଥିଲା ବୋଲି କୁହାଯାଉଛି। ତେଣୁ ବିଶ୍ବଙ୍କୁ ଜେରା କରିବାକୁ ତଦନ୍ତକାରୀ ଟିମ ଡାକିଥିବା ସେ ସୂଚନା ଦେଇଛନ୍ତି ।

{"id":302207,"sizeSlug":"large"}

ପୂର୍ବରୁ ଏହି ଘଟଣାରେ ୩ ସାଙ୍ଗକୁ ଜେରା କରିସାରିଛି ଜିଆରପି । ହେଲେ ସେମିତି କିଛି ଖାସ ତଥ୍ୟ  ପାଇନି ଜିଆରପି । ବିଶ୍ବଙ୍କ ସହିତ ଆଦିତ୍ୟଙ୍କ ଘନିଷ୍ଠତା ଥିବା ତାଙ୍କ ପତ୍ନୀ ବିଦ୍ୟାଶୀ ଖୁଲାସା କରିବା ପରେ ଏବେ ବିଶ୍ବଙ୍କୁ ଜେରା କରାଯିବ । ସେପଟେ ଶୁକ୍ରବାର ସଂନ୍ଧ୍ୟାରେ ବିଦ୍ୟାଶ୍ରୀଙ୍କୁ ପାଖାପାଖି ୪ ଘଣ୍ଟା ଗୁଡେଇ ତୁଡେଇ ଜେରା କରିଥିଲା ଜିଆରପିଏର ୫ ଜଣିଆ ତଦନ୍ତକାରୀ ଟିମ । ଏପରିକି ଆଦିତ୍ୟଙ୍କ ମା ଓ ବାପାଙ୍କୁ ବି ଜେରା କରାଯାଇଥିଲା ।କୁହାଯାଉଛି ବିଦ୍ୟାଶ୍ରୀଙ୍କୁ ୫୦ରୁ ଅଧିକ ପ୍ରଶ୍ନ ପଚାରିଥିଲା ତଦନ୍ତକାରୀ ଟିମ୍ । ହେଲେ ବିଦ୍ୟାଶ୍ରୀ ଅନେକ କିଛି ପ୍ରଶ୍ନର ଉତ୍ତର ଦେଇପାରିନଥିଲେ।

ଆଦିତ୍ୟଙ୍କ ମୃତ୍ୟ ଘଟଣାକୁ ୧୨ ଦିନ ବିତିଲାଣି । ହେଲେ ବି ତାଙ୍କ ମୃତ୍ୟୁ ଉପରୁ ପରଦା ହଟି ପାରିନାହିଁ । ରହସ୍ୟ ଘେରରେ ଅନେକ କିଛି ତଥ୍ୟ ରହିଛି ।ଯାହା ଉପରୁ ଖୁବ୍ଶୀଘ୍ର ପରଦା ହଟିବ ବୋଲି ଆଶା କରାଯାଉଛି।