Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘଟଗାଁରେ ହାତୀ ଆତଙ୍କ, ଘଉଡାଇବାକୁ ବନ ବିଭାଗର କସରତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୬ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୩ ହଜାରରୁ ଅଧିକ କରୋନା ପଜିଟିଭ୍, ୧୬୪ ମୃତ
  • ||
  • ରାସ୍ତା ଅତିକ୍ରମ ବେଳେ ଧକ୍କା ଦେଲା ଟ୍ରକ, ଚାଲିଗଲା ଜୀବନ
  • ||
  • ଲଘୁଚାପ ପ୍ରଭାବ : ମଙ୍ଗଳବାର ଯାଏଁ ପ୍ରବଳ ବର୍ଷା, ୫୦ କିମି ବେଗରେ ବହିବ ପବନ
  • ||
  • ନୀଳଗିରିରେ ଭାଲୁ ଆତଙ୍କ, ସାଇକେଲରୁ ଟାଣିନେଇ ଯୁବକଙ୍କୁ ଘାଇଲା କଲେ
  • ||
  • ଅଢେଇ କୋଟି ଟଙ୍କାର ବ୍ରାଉନସୁଗାର ଜବତ, ଡାଇମଣ୍ଡ ହୋଟେଲ ମାଲିକ ଅଟକ
  • ||

୧୨ ଦିନର ଶିଶୁ କନ୍ୟା କରୋନା ସଂକ୍ରମିତ: ଦିଆଗଲା ରେମଡେସିଭିର୍ ଇଞ୍ଜେକ୍ସନ୍

13/04/2021 at 4:39 PM

ସୁରଟ ୧୩/୦୪ : ଗୁଜରାଟ ସୁରଟରେ ସମ୍ଭବତଃ ସବୁଠାରୁ କମ ବୟସ କରୋନା ସଂକ୍ରମିତ ଚିହ୍ନଟ ହୋଇଛି। ସୁରଟରେ ଏକ ୧୨ ଦିନର ଶିଶୁ ଜନ୍ମର ୫ ଦିନରୁ କରୋନା ସଂକ୍ରମଣର ଶିକାର ହୋଇଛି। ନବଜାତ ମା’ ସମ୍ପର୍କରେ ଆସିବା ପରେ ସଂକ୍ରମିତ ହୋଇଥିବା ଡାକ୍ତର ସନ୍ଦେହ କରୁଛନ୍ତି।

ଅମରୋଲି ଅଞ୍ଚଳର ଜଣେ ୩୦ ବର୍ଷୀୟ ମହିଳା ଏପ୍ରିଲ ୧ ତାରିଖରେ ପ୍ରସବ ଡାଇମଣ୍ଡ ହସ୍ପିଟାଲରେ ଭର୍ତ୍ତି ହୋଇଥିଲେ। ସେହିଦିନ ତାଙ୍କର ଏକ ଶିଶୁ କନ୍ୟା ଜନ୍ମ ହୋଇଥିଲା। ହସ୍ପିଟାଲର ଶିଶୁ ରୋଗ ବିଶେଷଜ୍ଞ ଡାକ୍ତର ଅଲପେଶ ସିଂଘବି କହିଛନ୍ତି ଯେ ଜନ୍ମ ସମୟରେ ଶିଶୁକୁ ନିଶ୍ୱାସ ନେବାରେ ଅସୁବିଧା ହେଉଥିଲା। ତେବେ ଏହା ସାଧାରଣ କଥା। ଜନ୍ମ ସମୟରେ ଅନେକ ଶିଶୁଙ୍କ ମଧ୍ୟରେ ଏହି ସମସ୍ୟା ଦେଖାଦେଇଥାଏ ବୋଲି ସେ କହିଛନ୍ତି। ଶିଶୁ କନ୍ୟାକୁ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। କିନ୍ତୁ ମହିଳାଙ୍କୁ ଡିସଚାର୍ଜ କରାଯାଇଥିଲା।

ଶିଶୁକୁ ଏପ୍ରିଲ ୫ ତାରିଖ ଯାଏଁ ମା କ୍ଷୀର ବଦଳରେ ଫର୍ମୁଲା ଫିଡ଼ ଦିଆଗଲା। ଡାକ୍ତର ସିଂଘବି କହିଛନ୍ତି। ଏପ୍ରିଲ ୫ ତାରିଖରେ ଶିଶୁର ସ୍ୱାସ୍ଥ୍ୟ ସୁଧୁରିଥିଲା। ତାପରେ ଶିଶୁକୁ କ୍ଷୀର ଦେବାକୁ ମହିଳାଙ୍କୁ ଡକାଯାଇଥିଲା। ୬ ତାରିଖରେ ପୁଣି ଶିଶୁକୁ ନିଶ୍ୱାସ ନେବାରେ ଅସୁବିଧା ହୋଇଥିଲା। ଏହାପରେ ଶିଶୁର ଏକ୍ସରେ କରାଯାଇଥିଲା।

ଡାକ୍ତର କହିଛନ୍ତି ୬ ତାରିଖରେ ଶିଶୁର ଫୁସଫୁସ ସଫା ଥିଲା କିନ୍ତୁ ୭ ତାରିଖ ଦିନ ଏକ୍ସ-ରେ ରେ ଏକ ଧଳା ଦାଗ ଦେଖାଯାଇଥିଲା ଯେଉଁଠି ସଂକ୍ରମଣ ହୋଇଥିଲା। ଏହାପରେ ଆଣ୍ଟିଜେନ ଟେଷ୍ଟ କରାଯାଇଥିଲା। ଟେଷ୍ଟରେ ନବଜାତ କରୋନା ପଜିଟିଭ ଚିହ୍ନଟ ହୋଇଥିଲା। ସେବେଠାରୁ ଶିଶୁକୁ ଭେଣ୍ଟିଲେଟରରେ ରଖାଯାଇଛି। ଶିଶୁକୁ ରେମଡେସିଭିର ଇଞ୍ଜେକ୍ସନ ଦିଆଯାଇଛି। ବର୍ତ୍ତମାନ ଶିଶୁର  ପ୍ଲାଜମା ଚିକିତ୍ସା ପାଇଁ ମଧ୍ୟ ଡାକ୍ତର ବିଚାର କରୁଛନ୍ତି।

   Related Posts