Monday, May 27, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ହାଇଦ୍ରାବାଦରେ ବନ୍ଧାପଡ଼ିଛନ୍ତି ୧୨ ଦାଦନ ଶ୍ରମିକ, ଭୋଗୁଛନ୍ତି ଅକଥନୀୟ ନିର୍ଯ୍ୟାତନା, ବାର୍ଷିକ ପରୀକ୍ଷା ଦେବାକୁ ବି ଆସିପାରୁନାହାନ୍ତି ଦାଦନଙ୍କ ପୁଅ ଝିଅ

ବଲାଙ୍ଗିର୧୪|୩ : ମାସେରୁ ଅଧିକ ହେବ ହାଇଦ୍ରାବାଦ୍‌ର ଶିକାକୁଲମରେ ବନ୍ଧାପଡ଼ିଛନ୍ତି ୧୨ ଦାଦନ ଶ୍ରମିକ । ହେଲେ ଉଦ୍ଧାର ପାଇଁ ବଲାଙ୍ଗିର ଜିଲ୍ଲା ପ୍ରଶାସନର ଆକ୍ସନ ଶୂନ ।  ବନ୍ଧକ ଥିବା ଦାଦନ ଶିଶୁଙ୍କ ମଧ୍ୟରୁ୨ ଜଣକର ଆସନ୍ତାକାଲି ବାର୍ଷିକ ପରୀକ୍ଷା ରହିଛି । ଗର୍ଭବତୀ ବି ଭୋଗୁଛନ୍ତି ଅକଥନୀୟ ନିର୍ଯାତନା । ହେଲେ ପ୍ରଶାସନର ଯେମିତି ଏଥିପ୍ରତି ନଜର ନାହିଁ ।

ପ୍ରଶାସନକୁ ନ୍ୟୁଜ7 ଜରିଆରେ ଗୁହାରି କଲେ ଉଦ୍ଧାର କରିବାକୁ । ହେଲେ ବଲାଙ୍ଗିର ପ୍ରଶାସନର ପଦକ୍ଷେପ ଶୂନ । ମାସେରୁ ଅଧିକ ସମୟର ହେବ ବନ୍ଧାପଡ଼ିଛନ୍ତି ୧୨ ଦାଦନ ଶ୍ରମିକ । ହାଇଦ୍ରାବାଦ ଶିକାକୁଲମ ରାଜମ୍ ଥାନାରୁ ୧୦ କିଲୋମିଟର ଦୂରରେ ଥିବା ଇଟାଭାଟିରେ ଫସିରହିଛନ୍ତି ଦାଦନ ଶ୍ରମିକମାନେ । ଖାଇବାକୁ ନାହିଁ । ମାଗିଲେ ନିସ୍ତୁକ ମାଡ଼ ମିଳୁଛି । ବନ୍ଧକ ଶ୍ରମିକଙ୍କ ମଧ୍ୟରୁ କାଲି ୨ ଶିଶୁଙ୍କ ବାର୍ଷିକ ପରୀକ୍ଷା । ଗର୍ଭବତୀ ଯୋଉ ଯନ୍ତ୍ରଣା ଭୋଗୁଛନ୍ତି କହିଲେ ନସରେ । ସର୍ଦ୍ଦାର ଜଗିକି ରହୁଛି। ତେଣୁ ବାହାରକୁ ଫିଟିକି  ଆସିବାର ଚାନ୍ସ ନାହିଁ ।ଦାଦନ ଶ୍ରମିକଙ୍କୁ ଉଦ୍ଧାରରେ ବିଳମ୍ବ ହେଉଥିବାରୁ ଏହାକୁ ନେଇ ତେଜୁଛି ଅସନ୍ତୋଷ ।

ବେଲପଡା ଥାନା ହଟକଟ ଗାଁର ୪ଟି ପରିବାରର ୧୨ ଜଣ ଆନ୍ଧ୍ର ଯାଇଥିଲେ ଦାଦନ ଖଟିବାକୁ । କାଦୋଭଟା ଗାଁର ଗଗନ ସୁନା ନାମକ ଜଣେ ଦାଦନସର୍ଦ୍ଦାର ଜରିଆରେ ସମସ୍ତେ ଯାଇଥିଲେ ପେଟ ପାଟଣା ପାଇଁ ।  ପହଞ୍ଚିବା ପରେ ସେଠାରେ ପ୍ରଥମେ ସବୁ କିଛି ଠିକ ଠାକ୍ ଚାଲିଥିଲା ।ହେଲେ ଇଟାଭାଟିର କାଗଜପତ୍ର ଠିକ ନ ଥିବାରୁ ସେଠାକାର ଜିଲ୍ଳା ପ୍ରଶାସନ ଇଟାଭାଟିକୁ ସିଜ କରିଥିଲା । ଆଉ ତାପରେ ଇଟାଭାଟି ମାଲିକ ଓ ଦାଦନ ସର୍ଦ୍ଦାରଙ୍କ ଜୁଲମ ଆରମ୍ଭ ହୋଇଗଲା । ଏପରିକି ବନ୍ଧକମାନଙ୍କୁ ବେଙ୍ଗାଳୁରୁ ଚାଲାଣ କରିବାକୁ ଯୋଜନା ବି ହୋଇଥିଲା । ନ୍ୟୁଜ7 ରେ ଖବର ପ୍ରସାରଣ ପରେ ଜିଲ୍ଲାପାଳ ସେମାନଙ୍କୁ ଉଦ୍ଧାର କରିବାକୁ ପ୍ରତିଶୃତି ଦେଇଥିଲେ ।ହେଲେ ଏବେ ସମସ୍ତେ ନୀରବ ।

153 Views

   ସମ୍ବନ୍ଧିତ ଖବର