Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଭଦ୍ରକରେ ବଢୁଛି ନାଗସାପଙ୍କ ବଂଶ : ୩ବର୍ଷରେ ସର୍ପାଘାତରେ ମଲେଣି ୧୧୨ଜଣ ମଣିଷ ଓ ୪୪ ଜନ୍ତୁ, ପରିସ୍ଥିତି ଉଦ୍‌ବେଗଜନକ

14/07/2019 at 3:25 PM

ଚାନ୍ଦବାଲି ୧୪|୭: ଭଦ୍ରକ ଜିଲ୍ଲାରେ ନାଗସାପାଙ୍କ ବଂଶ ବୃଦ୍ଧି ନେଇ ସରା ରାଜ୍ୟରେ ଏବେ ଚର୍ଚ୍ଚ। ଜୋର ଧରିଛି । ଅଧିକାଂଶ ସମୟରେ ଖବରର ଶିରୋନାମା ପାଲଟୁଛି ଭଦ୍ରକର  ବିଭିନ୍ନ ସ୍ଥାନରୁ ଗଣ୍ଡା ଗଣ୍ଡା ନାଗନାପ ଉଦ୍ଧାର ଖବର । ତେବେ ପ୍ରଶ୍ନ ଉଠୁଛି  ଅଗରୁ କାହଁକି ନାଗ ସାପଙ୍କ ବୃଦ୍ଧି ହେଉନଥିଲା ? ମାତ୍ର ଏହି ୩ ବର୍ଷ ମଧ୍ୟରେ ହଠାତ୍ ଏମାନଙ୍କର ସଂଖ୍ୟା ଏତେ ପରିମାଣରେ ବଢିବାର କାରଣ କଣ ? ବାସ୍ତବରେ ନାଗସାପଙ୍କ ବଂଶ ବୃଦ୍ଧି ପାଇଛି ନା ଅନ୍ୟ କିଛି କାରଣ ପାଇଁ  ଦିନକୁ ଦିନ ନାଗ ସାପ ଦେଖାଦେଉଛନ୍ତି ତାର ଉତ୍ତର ଏବେ ବନ ବିଭାଗ ପାଖରେ ନାହିଁ  ।

ଭଦ୍ରକ ଜିଲ୍ଲା ବନଖଣ୍ଡ ବିନବିଭାଗ ଅଧୀନରେ ୬ଟି ଡ଼ଭିଜନ ଅଫିସ ସହ ଚାନ୍ଦବାଲିରେ  ବନବିଭାଗର ମୁଖ୍ୟ କାର୍ଯ୍ୟାଳୟ ରହିଛି । ଭଦ୍ରକ ଜିଲ୍ଲାର ୬ଟି ବ୍ଳକ ମଧ୍ୟରୁ ଧାମନଗର , ଭଣ୍ଡାରପୋଖରୀ, ଭଦ୍ରକ, ଚାନ୍ଦବାଲି , ବାସୁଦେବପୁର ଓ ତିହିଡ଼ି ବ୍ଳକରେ ୨୦୧୭ରୁ ୧୯ ମଧ୍ୟରେ ବନବିଭାଗର ସୂଚନା ଅନୁସାରେ ଶହ ଶହ ସାପ ଉଦ୍ଧାର କରାଯାଇଛି । ବିଗତ ୩ବର୍ଷ ମଧ୍ୟରେ ବିଷଧର ସର୍ପ ଦଂଶନରେ ଜିଲ୍ଲାରେ ୧୧୨ ଜଣ ଲୋକ ଓ ୪୪ଟି ଜନ୍ତୁଙ୍କର ପ୍ରାଣହାନୀ ହେବାର ସରକାରୀ ସୂଚନା ରହିଛି  । ଏଥିସହ ବିଶେଷକରି ବର୍ଷା ଋତୁରେ ଅଧିକ ସଂଖ୍ୟାରେ ସାପ ଦେଖିବାକୁ ମଳିବା ସହ ଉଦ୍ଧାର ମଧ୍ୟ କରାଯାଉଛି ।  

ଭଦ୍ରକ ବନବିଭାଗ ଅଧୀନରେ ସରକାରୀ ସ୍ତରରେ ସ୍ଥାୟୀ, ଦକ୍ଷ ଓ କୁଶଳୀ ସାପ ଧରାଳି ନଥିବାରୁ ଅସ୍ଥାୟୀ ସାପ ଧରାଳିମାନେ ସାପଙ୍କୁ ଉଦ୍ଧାର କରି ପୁଣି ସ୍ଥାନୀୟ ଅଂଚଳରେ ଥିବା ଛୋଟବଡ଼ ବଣରେ ଛାଡ଼ିଦେଉଛନ୍ତି , କିଛି ଦିନ ପରେ ପୁଣି ସେହି ସାପ ମାନେ ଜନବସତି ଅଂଚଳକୁ ପ୍ରବେଶ କରୁଛନ୍ତି । ବନବିଭାଗ ଅଧିକାରୀଙ୍କ ସୂଚନା ଅନୁସାରେ ଭଦ୍ରକ ଜିଲ୍ଲା ସମୁଦ୍ର ଉପକୂଳବର୍ତ୍ତି ଅଂଚଳ ହୋଇଥିବାରୁ ସବୁ ସମୟରେ ମାଟିରେ ଆଦ୍ରତା ରହୁଛି।  ସାପଙ୍କ ବଂଶ ବୃଦ୍ଧି ପାଇଁ ପରିବେଶ ବେଶ ଅନୁକୂଳ ରହୁଥିବାରୁ ସାପଙ୍କ ସଂଖ୍ୟା ବଢିବାରେ ଲାଗିଛି । 

ଯଦି ଉଦ୍ଧାର ପରେ ବନବିଭାଗ  ସେହି ସାପମାନଙ୍କୁ  ଭିତରକନିକା ଅଭୟାରଣ୍ୟ କିମ୍ବା କାଳିଭଡ଼ିଆ ଜଙ୍ଗଲରେ ସୁରକ୍ଷିତ ଭାବେ ଛାଡିବା ବ୍ୟବସ୍ଥା କରନ୍ତେ ତାହେଲେ ହୁଏତ ସାପ ସଂଖ୍ୟ ହ୍ରାସ ପାଆନ୍ତା। 

   Related Posts