ଚାନ୍ଦବାଲି ୧୪|୭: ଭଦ୍ରକ ଜିଲ୍ଲାରେ ନାଗସାପାଙ୍କ ବଂଶ ବୃଦ୍ଧି ନେଇ ସରା ରାଜ୍ୟରେ ଏବେ ଚର୍ଚ୍ଚ। ଜୋର ଧରିଛି । ଅଧିକାଂଶ ସମୟରେ ଖବରର ଶିରୋନାମା ପାଲଟୁଛି ଭଦ୍ରକର  ବିଭିନ୍ନ ସ୍ଥାନରୁ ଗଣ୍ଡା ଗଣ୍ଡା ନାଗନାପ ଉଦ୍ଧାର ଖବର । ତେବେ ପ୍ରଶ୍ନ ଉଠୁଛି  ଅଗରୁ କାହଁକି ନାଗ ସାପଙ୍କ ବୃଦ୍ଧି ହେଉନଥିଲା ? ମାତ୍ର ଏହି ୩ ବର୍ଷ ମଧ୍ୟରେ ହଠାତ୍ ଏମାନଙ୍କର ସଂଖ୍ୟା ଏତେ ପରିମାଣରେ ବଢିବାର କାରଣ କଣ ? ବାସ୍ତବରେ ନାଗସାପଙ୍କ ବଂଶ ବୃଦ୍ଧି ପାଇଛି ନା ଅନ୍ୟ କିଛି କାରଣ ପାଇଁ  ଦିନକୁ ଦିନ ନାଗ ସାପ ଦେଖାଦେଉଛନ୍ତି ତାର ଉତ୍ତର ଏବେ ବନ ବିଭାଗ ପାଖରେ ନାହିଁ  ।

{"id":133519}

ଭଦ୍ରକ ଜିଲ୍ଲା ବନଖଣ୍ଡ ବିନବିଭାଗ ଅଧୀନରେ ୬ଟି ଡ଼ଭିଜନ ଅଫିସ ସହ ଚାନ୍ଦବାଲିରେ  ବନବିଭାଗର ମୁଖ୍ୟ କାର୍ଯ୍ୟାଳୟ ରହିଛି । ଭଦ୍ରକ ଜିଲ୍ଲାର ୬ଟି ବ୍ଳକ ମଧ୍ୟରୁ ଧାମନଗର , ଭଣ୍ଡାରପୋଖରୀ, ଭଦ୍ରକ, ଚାନ୍ଦବାଲି , ବାସୁଦେବପୁର ଓ ତିହିଡ଼ି ବ୍ଳକରେ ୨୦୧୭ରୁ ୧୯ ମଧ୍ୟରେ ବନବିଭାଗର ସୂଚନା ଅନୁସାରେ ଶହ ଶହ ସାପ ଉଦ୍ଧାର କରାଯାଇଛି । ବିଗତ ୩ବର୍ଷ ମଧ୍ୟରେ ବିଷଧର ସର୍ପ ଦଂଶନରେ ଜିଲ୍ଲାରେ ୧୧୨ ଜଣ ଲୋକ ଓ ୪୪ଟି ଜନ୍ତୁଙ୍କର ପ୍ରାଣହାନୀ ହେବାର ସରକାରୀ ସୂଚନା ରହିଛି  । ଏଥିସହ ବିଶେଷକରି ବର୍ଷା ଋତୁରେ ଅଧିକ ସଂଖ୍ୟାରେ ସାପ ଦେଖିବାକୁ ମଳିବା ସହ ଉଦ୍ଧାର ମଧ୍ୟ କରାଯାଉଛି ।  

{"id":133520}

ଭଦ୍ରକ ବନବିଭାଗ ଅଧୀନରେ ସରକାରୀ ସ୍ତରରେ ସ୍ଥାୟୀ, ଦକ୍ଷ ଓ କୁଶଳୀ ସାପ ଧରାଳି ନଥିବାରୁ ଅସ୍ଥାୟୀ ସାପ ଧରାଳିମାନେ ସାପଙ୍କୁ ଉଦ୍ଧାର କରି ପୁଣି ସ୍ଥାନୀୟ ଅଂଚଳରେ ଥିବା ଛୋଟବଡ଼ ବଣରେ ଛାଡ଼ିଦେଉଛନ୍ତି , କିଛି ଦିନ ପରେ ପୁଣି ସେହି ସାପ ମାନେ ଜନବସତି ଅଂଚଳକୁ ପ୍ରବେଶ କରୁଛନ୍ତି । ବନବିଭାଗ ଅଧିକାରୀଙ୍କ ସୂଚନା ଅନୁସାରେ ଭଦ୍ରକ ଜିଲ୍ଲା ସମୁଦ୍ର ଉପକୂଳବର୍ତ୍ତି ଅଂଚଳ ହୋଇଥିବାରୁ ସବୁ ସମୟରେ ମାଟିରେ ଆଦ୍ରତା ରହୁଛି।  ସାପଙ୍କ ବଂଶ ବୃଦ୍ଧି ପାଇଁ ପରିବେଶ ବେଶ ଅନୁକୂଳ ରହୁଥିବାରୁ ସାପଙ୍କ ସଂଖ୍ୟା ବଢିବାରେ ଲାଗିଛି । 

{"id":133521}

ଯଦି ଉଦ୍ଧାର ପରେ ବନବିଭାଗ  ସେହି ସାପମାନଙ୍କୁ  ଭିତରକନିକା ଅଭୟାରଣ୍ୟ କିମ୍ବା କାଳିଭଡ଼ିଆ ଜଙ୍ଗଲରେ ସୁରକ୍ଷିତ ଭାବେ ଛାଡିବା ବ୍ୟବସ୍ଥା କରନ୍ତେ ତାହେଲେ ହୁଏତ ସାପ ସଂଖ୍ୟ ହ୍ରାସ ପାଆନ୍ତା।