Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • T20 World Cup: ଇତିହାସ ରଚିଲେ କର୍ଟିସ କାମ୍ପର, ୪ ବଲ୍‌ରେ ନେଲେ ୪ ଓ୍ଵିକେଟ୍
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୫ ଜଣଙ୍କ ଜୀବନ
  • ||
  • ମିଲରେ ଅଗ୍ନିକାଣ୍ଡ: ଜୀବନ ବଞ୍ଚାଇବାକୁ ବିଲଡିଂରୁ ଡେଇଁପଡିଥିଲେ ଶ୍ରମିକ, ଉଦ୍ଧାର କାର୍ଯ୍ୟ ଜାରି
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୪୦ କୋଭିଡ୍ ପଜିଟିଭ୍
  • ||
  • ଲଖିମପୁର ହିଂସା ମାମଲାରେ ସଂଯୁକ୍ତ କିଷାନ ମୋର୍ଚ୍ଚାର ରେଳରୋକ, ୬ ଘଣ୍ଟିଆ ଆନ୍ଦୋଳନ ପାଇଁ ୧୪୪ ଧାରା
  • ||
  • ଫୁଲୁଛି ଜଳକା ନଦୀ, ବିପଦ ସଙ୍କେତ ଉପରେ ଜଳସ୍ତର
  • ||
  • ଚାଲାଣ ବେଳେ ୩୯ ଶ୍ରମିକ ଉଦ୍ଧାର, ଦାଦନ ଖଟିବାକୁ ଯାଉଥିଲେ ବିଜୟନଗରମ୍
  • ||
  • ବଙ୍ଗୋପସାଗରରେ ଟ୍ରପ୍ ଲାଇନ, ୪ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||
  • ଏଯାଏଁ ମିଳୁନି ବାପା-ପୁଅଙ୍କ ପତ୍ତା, ରବିବାର ନାଗାବଳୀରେ ଭାସି ଯାଇଥିଲେ ଉଭୟ
  • ||

ମୋଦୀ ୨.୦ କ୍ୟାବିନେଟ୍: ୧୧ ମହିଳା, ୨୭ ଓବିସି ଓ ୧୨ ଏସସି, ଜାଣନ୍ତୁ କେମିତି ରହିବ ନରେନ୍ଦ୍ର ମୋଦୀଙ୍କ ନୂତନ ଟିମ୍

7/07/2021 at 4:20 PM

ନୂଆଦିଲ୍ଲୀ ୦୭।୦୭: ନରେନ୍ଦ୍ର ମୋଦୀ ସରକାରର ଦ୍ଵିତୀୟ କାର୍ଯ୍ୟକାଳର ଆଜି ପ୍ରଥମ ମନ୍ତ୍ରିମଣ୍ଡଳ ସଂପ୍ରସାରଣ ହେବାକୁ ଯାଉଛି। ଆଜି ସନ୍ଧ୍ୟା ୬ଟାରେ ୪୩ ମନ୍ତ୍ରୀ ଶପଥ ଗ୍ରହଣ କରିବେ। ନୂତନ ମନ୍ତ୍ରିମଣ୍ଡଳରେ ଅନେକ ନୂତନ ଚେହେରା ସାମିଲ କରାଯାଉଥିବା ବେଳେ ଅନେକ ବରିଷ୍ଠ ନେତାଙ୍କୁ ଛୁଟି ଦିଆଯାଇଛି। ମନ୍ତ୍ରିମଣ୍ଡଳରେ ଯୁବ ଚେହେରାଙ୍କୁ ପ୍ରାଥମିକତା ଦିଆଯାଉଛି। ମହିଳାଙ୍କ ଭାଗିଦାରୀ ମଧ୍ୟ ବଢାଯାଇଛି। ଆଗାମୀ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି  ଜାତୀୟ ସମୀକରଣ ପ୍ରତି ମଧ୍ୟ ବିଶେଷ ଧ୍ୟାନ ଦିଆଯାଇଛି।

ସୂତ୍ର ଅନୁଯାୟୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏଥର ଜ୍ୟୋତିରାରିତ୍ୟ ସିନ୍ଧିଆଙ୍କ ପରି ଯୁବ ଚେହେରାଙ୍କ କ୍ୟାବିନେଟ୍‌ରେ ପ୍ରାଥମିକତା ଦେଇଛନ୍ତି। ୧୪ ମନ୍ତ୍ରୀଙ୍କ ବୟସ ୫୦ ତଳେ ରହିଛି। ଏଥିରେ ୬ ଜଣ କ୍ୟାବିନେଟ୍ ପାହ୍ୟାର ଅଛନ୍ତି। ନୂତନ ମନ୍ତ୍ରିମଣ୍ଡଳର ମନ୍ତ୍ରୀଙ୍କ ହାରାହାରି ବୟସ ୫୮ ବର୍ଷ ବୟସ। ସୂତ୍ର ଅନୁଯାୟୀ, ମୋଦୀ ସରକାରର ନୂତନ କ୍ୟାବିନେଟରେ ସାତ ପିଏଚଡି, ତିନି ଏମବିଏ, ୧୩ ଆଇନଜୀବୀ, ଛଅ ଡାକ୍ତର, ପାଞ୍ଚ ଇଞ୍ଜିନିୟର, ସାତ ପ୍ରଶାସନିକ ଅଧିକାରୀଙ୍କୁ ମଧ୍ୟ ସାମିଲ କରାଯାଇଛି। ମନ୍ତ୍ରିମଣ୍ଡଳରେ ୬୮ ମନ୍ତ୍ରୀଙ୍କ ଶିକ୍ଷାଗତ ଯୋଗ୍ୟତା ଡିଗ୍ରୀ ରହିଛି। କ୍ୟାବିନେଟରେ ବ୍ୟକ୍ତିଙ୍କ ଶିକ୍ଷାଗତ ଯୋଗ୍ୟତା ଉପରେ ମଧ୍ୟରେ ଗୁରୁତ୍ଵାରୋପ କରାଯାଇଛି।

ଏଥର କ୍ୟାବିନେଟ୍‌ ମହିଳାଙ୍କ ପ୍ରତି ମଧ୍ୟ ବିଶେଷ ଧ୍ୟାନ ଦିଆଯାଇଛି। ନୂତନ ମନ୍ତ୍ରିମଣ୍ଡଳରେ ରେକର୍ଡ ୧୧ ଜଣ ମହିଳା ମନ୍ତ୍ରୀ ହେବେ। ଏଥିରୁ ୨ ଜଣ କ୍ୟାବିନେଟ୍ ପାହ୍ୟାର ଅଛନ୍ତି। ଅନ୍ୟପଟେ ମୋଦୀ ସରକାର ଜାତିଗତ ସମୀକରଣକୁ ଦୃଷ୍ଟିରେ ରଖି ରେକର୍ଡ ୨୭ ଓବିସି ମନ୍ତ୍ରୀ କରାଯାଉଛି। ଏଥିରୁ ୫ ଜଣଙ୍କୁ କ୍ୟାବିନେଟ୍ ମନ୍ତ୍ରୀ କରାଯିବ।  ମନ୍ତ୍ରିମଣ୍ଡଳରେ ୫ ସଂଖ୍ୟାଲଘୁ ମନ୍ତ୍ରୀ, ୧୨ ଏସସି ମନ୍ତ୍ରୀ ଓ ରେକର୍ଡ ୮ ଏସଟି ମନ୍ତ୍ରୀ ରହିବେ।

ଏହା ବ୍ୟତୀତ ନୂତନ ମନ୍ତ୍ରିମଣ୍ଡଳରେ ଅଭିଜ୍ଞତାକୁ ଧ୍ୟାନରେ ରଖାଯାଇଛି। ଏବେ କେନ୍ଦ୍ର ସରକାରରେ ଅଭିଜ୍ଞତାସଂପନ୍ନ ୪୬ ମନ୍ତ୍ରୀ ରହିବେ। ଏଥିରେ ୪ ଜଣ ପୂର୍ବତନ ମୁଖ୍ୟମନ୍ତ୍ରୀ ସାମିଲ୍। ୧୮ ଜଣ ଏମିତି ମନ୍ତ୍ରୀ ଅଛନ୍ତି ଯେଉଁମାନେ ପୂର୍ବରୁ ଅନେକ ରାଜ୍ୟରେ ଅନେକ ବିଭାଗରେ ମନ୍ତ୍ରୀ ରହି ସାରିଛନ୍ତି। କେବଳ ଏତିକି ନୁହେଁ ଦେଶର ପ୍ରାୟ ପ୍ରତ୍ୟେକ ଭାଗରୁ ପ୍ରତିନିଧିତ୍ଵ ଦେବାକୁ ଉଦ୍ୟମ କରାଯାଇଛି। ନୂତନ ମନ୍ତ୍ରିମଣ୍ଡଳରେ ୨୫ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରୁ ମନ୍ତ୍ରୀ ରହିବେ।

   Related Posts