ମହେନ୍ଦ୍ରଗଡ ୧୪/୯ : ଦ୍ୱାଦଶ ଶ୍ରେଣୀ ବୋର୍ଡ ପରୀକ୍ଷାରେ ଟପ୍ପର ହୋଇଥିବା ଜଣେ ଛାତ୍ରୀ ଗଣଦୁଷ୍କର୍ମର ଶିକାର ହୋଇଛନ୍ତି | ଘଟଣାଟି ଘଟିଛି ହରିୟାଣାର ମହେନ୍ଦ୍ରଗଡ ଜିଲ୍ଲାରେ | ଗତକାଲି ଛାତ୍ରୀ ଜଣକ କୋଚିଂ ସେଣ୍ଟରକୁ ଯାଉଥିବା ବେଳେ ୩ ଜଣ ଅଜଣା ଯୁବକ ବାଇକରେ ଆସି ତାଙ୍କୁ ଅଟକାଇଥିଲେ | ସେ ଅଂଚଳରେ ରହୁଥିବା କେହି ଜଣେ ଲୋକଙ୍କ ଘର କୋଉଠି ବୋଲି ଜାଣିବାକୁ ଚାହିଁଥିଲେ | ୟା' ଭିତରେ ଛାତ୍ରୀଙ୍କୁ ପାଣି ପିଇବାକୁ ଦେଇଥିଲେ | ଛାତ୍ରୀ ତୃଷାର୍ତ୍ତ ଥିବାରୁ ପାଣି ପିଇଥିଲେ | ତେବେ ପରା ମୁହୂର୍ତ୍ତରେ ସେ ସଂଜ୍ଞାହୀନ ହୋଇପଡିଥିଲେ | ୩ଜଣ ଯୁବକ ତାଙ୍କୁ ଏକ ଅଜଣା ସ୍ଥାନକୁ ନେଇ ଗଣଦୁଷ୍କର୍ମ କରିଥିଲେ | ଦୁଷ୍କର୍ମ ପରେ ଛାତ୍ରୀଙ୍କୁ ସେଇଠି ହିଁ ଛାଡି ଚାଲିଯାଇଥିଲେ | ଘରକୁ ଫେରିବା ପରେ ପରିବାର ଲୋକଙ୍କୁ ସବୁ ଘଟଣା ଜଣାଇବା ପରେ ପୋଲିସରେ ଅଭିଯୋଗ କରିଥିଲେ ପରିବାରଲୋକେ | ପୋଲିସ ଛାତ୍ରୀଙ୍କ ଡାକ୍ତରୀ ମାଇନା କରିବା ସହ ତଦନ୍ତ ଆରମ୍ଭ କରିଛି |