ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କରୋନା ଭାଇରସକୁ ପରାସ୍ତ କଲେ ୧୦୬ ବର୍ଷର ବୃଦ୍ଧା, ସୁସ୍ଥ ହୋଇ ଘରକୁ ଫେରିଲେ

16/04/2020 at 10:17 AM

ବ୍ରିଟେନ, ୧୬|୦୪: କୋନୀ ଟିଟଚେନ୍ ନାମକ ଜଣେ ମହିଳା ୧୦୬ ବର୍ଷରେ ମାରାତ୍ମକ କରୋନା ଭାଇରସକୁ ମାତ ଦେଇଛନ୍ତି । ୟୁକେର ଏଙି ମହିଳାଜଣଙ୍କ ହସ୍ପିଟାଲରେ ୩ ସପ୍ତାହ କଟାଇବା ପରେ ସୁସ୍ଥ ହୋଇ ଘରକୁ ଫେରିଛନ୍ତି ।

ବର୍ମିଂହାମର ଏନଏଚଏସ କହିଛି ଯେ, କୋନୀ ସବୁଠାରୁ ବୟସ୍କା ଆକ୍ରାନ୍ତ ଥିଲେ । ସେ ଏବେ ସୁସ୍ଥ ହୋଇଛନ୍ତି । ଏହାକୁ ନେଇ ନିଜେ କୋନୀ ମଧ୍ୟ ଖୁସି ଅଛନ୍ତି । ସେ ନିଜ ପରିବାରକୁ ପୁଣି ଥରେ ଦେଖିବା ପାଇଁ ସୁଯୋଗ ପାଇଛନ୍ତି ବୋଲି କହିଛନ୍ତି । ହସ୍ପିଟାଲର କହିବାନୁସାରେ, କୋନୀ ୧୯୧୩ ମସିହାରେ ଜନ୍ମ ଗ୍ରହଣ କରିଥିଲେ । ସେ ଦୁଇଟି ବିଶ୍ୱ ଯୁଦ୍ଧକୁ ଅତି ପାଖରୁ ଦେଖିଛନ୍ତି । ତେବେ ମାର୍ଚ୍ଚ ୧୫ ତାରିଖରେ ସେ ହସ୍ପିଟାଲରେ ଭର୍ତ୍ତି ହୋଇଥିଲେ । ଟେଷ୍ଟ୍ ରିପୋର୍ଟ କରୋନା ଆସିବା ପରେ ତାଙ୍କୁ କୋଭିଡ-୧୯ ଓ୍ୱାର୍ଡକୁ ସ୍ଥାନାନ୍ତର କରାଯାଇଥିଲା । ତେବେ ସେ କରୋନା ଲଢେଇରେ ବିଜୟୀ ହୋଇଛନ୍ତି ।

ତାଙ୍କୁ ଚିକିତ୍ସା କରୁଥିବା ଜଣେ ନର୍ସ କେଲି ସ୍ମିଥ୍ କହିଛନ୍ତି ଯେ, ଏହା ଏକ ବହୁତ ବଡ ଖବର । ତାଙ୍କର ଟେଷ୍ଟ୍ ରିପୋର୍ଟ ନେଗେଟିଭ୍ ଆସିଛି । ଏବେ ସେ ସମ୍ପୂର୍ଣ୍ଣ ଭାବେ ସୁସ୍ଥ ଅଟନ୍ତି । ଯେତେବେଳେ କରୋନା ଆକ୍ରାନ୍ତମାନେ ସୁସ୍ଥ ହୋଇ ଫେରନ୍ତି ସେତେବେଳେ ବହୁତ ଖୁସି ଲାଗେ ବୋଲି ସେ କହିଛନ୍ତି ।

   Related Posts