Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଶ୍ଚିମବଙ୍ଗ ନିର୍ବାଚନରେ କରୋନା ନିୟମର ଖୁଲମ୍‌ଖୁଲା ଉଲଙ୍ଘନ, ଏପ୍ରିଲ୍‌ ୧୬ରେ ସର୍ବଦଳୀୟ ବୈଠକ ଡକାଇଲେ ନିର୍ବାଚନ ଆୟୋଗ
  • ||
  • ଭୁବନେଶ୍ବର : ପିପିଲି କଂଗ୍ରେସ ପ୍ରାର୍ଥୀ ଅଜିତ୍ ମଙ୍ଗରାଜଙ୍କ ପରଲୋକ
  • ||
  • ଭୁବନେଶ୍ବର : ରାଜ୍ୟରେ ପରୀକ୍ଷା ହେବ କି ନାହିଁ ସେନେଇ ଚିନ୍ତା କରିବୁ – ଗଣଶିକ୍ଷା ମନ୍ତ୍ରୀ
  • ||
  • ଯାଜପୁର : ଏକ ତରଫା ପ୍ରେମରୁ ଯୁବକଙ୍କ ଉନ୍ମତକାଣ୍ଡ, ବାହା ହେବାକୁ ରାଜି ନହେବାରୁ ସମ୍ପର୍କୀୟ ଭଉଣୀଙ୍କୁ ଚେଙ୍କ ଦେଲା ଭାଇ
  • ||
  • ବାଲେଶ୍ବର : ସମୁଦ୍ରରେ ମାଛ ଧରା ବନ୍ଦ, ଆଜିଠୁ ଜୁନ୍ ୧୫ ଯାଏଁ ବଳବତ୍ତର ରହିବ କଟକଣା
  • ||
  • ଭୁବନେଶ୍ବର : କୋଭିଡ୍ ନିୟମ ଉଲଂଘନକାରୀଙ୍କଠୁ ୨ କୋଟି ୧୭ ଲକ୍ଷ ଟଙ୍କା ଫାଇନ୍ ଆଦାୟ
  • ||
  • ଭୁବନେଶ୍ବର : ୟେଲୋ ଜୋନ୍‌କୁ ଗଲା ୫ ଜିଲ୍ଲା, ପୂର୍ବରୁ ୨ ଜିଲ୍ଲା ରହିଛି ରେଡ୍ ଜୋନ୍‌ରେ
  • ||
  • ଝାରସୁଗୁଡା : କୋଇଲା ଖଣି ମ୍ୟାନେଜର ଅଫିସରୁ ମହିଳା କର୍ମଚାରୀଙ୍କ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ମାଲକାନଗିରି : ମାଲକାନଗିରିରୁ ଛତିଶଗଡକୁ ସଂଯୋଗ ସମସ୍ତ ରାସ୍ତା ସିଲ୍, ଅପ୍ରେଲ ୩୦ଯାଏଁ ବସ୍ ଚଳାଚଳ ଠପ୍
  • ||
  • CBSE ଦଶମ ଶ୍ରେଣୀ ବୋର୍ଡ ପରୀକ୍ଷା ବାତିଲ, ଛାତ୍ରଛାତ୍ରୀଙ୍କ ମାର୍କ ସ୍ଥିର କରିବ ବୋର୍ଡ
  • ||

କେନ୍ଦୁଝରରେ ଶିଶୁ ଶ୍ରମିକ କହି ପୋଲିସ୍ ଉଠାଇ ଆଣିଥିବା ୪୪ ପିଲାଙ୍କ ଭିତରୁ ୧୦ ଜଣ ଗଲେ କୁଆଡେ?

4/09/2018 at 6:51 PM

କେନ୍ଦୁଝର ୪|୯: କେନ୍ଦୁଝରରେ ମୁସ୍କାନ ପରୀ ନାଁରେ କୋମଳମତି ଶିଶୁ ଓ ସେମାନଙ୍କ ପରିବାରକୁ ଦିଆଯାଉଛି ନିର୍ଯାତନା । ସ୍କୁଲ ପଢୁଆ ପିଲାଙ୍କୁ ଶିଶୁ ଶ୍ରମିକ କହି ପୋଲିସ୍ ଉଠାଇ ଆଣୁଥିବା ଅଭିଯୋଗ ହୋଇଛି । ଗତକାଲି ବିଭିନ୍ନ ସ୍ଥାନରୁ ୪୪ ପିଲାଙ୍କୁ ଉଠାଇ ଆଣିଥିଲା ପୋଲିସ୍ । ଖାଇବା-ପିଇବା ନଦେଇ ରାତି ତମାମ ବୟଜ୍ ହଷ୍ଟେଲରେ ରଖିଥିଲା । କିନ୍ତୁ ଏବେ ସେମାନଙ୍କ ମଧ୍ୟରୁ ୧୦ ଜଣ ଏବେ ଗାଏବ୍ । ପିଲାମାନଙ୍କ ଅଭିଭାବକ ସେମାନଙ୍କୁ ନେବାକୁ ଆସି ଏ ଅଫିସରୁ ସେ ଅଫିସ୍ ଧାଇଁ ଧାଇଁ ନୟାନ୍ତ ।
ମୁସ୍କାନ୍ ପରୀ ନାଁରେ କେନ୍ଦୁଝର ପୋଲିସ୍ ଚଳାଇଛି ପ୍ରହସନ । ଯୋଉଠୁ ଯାହାକୁ ପାଉଛି ଉଠାଇ ଆଣୁଛି । ଗତ ରବିବାର ଜିଲ୍ଲାର ବିଭିନ୍ନ ସ୍ଥାନରେ ଜିଲ୍ଲା ପୋଲିସ୍ କରିଥିଲା ମୁସ୍କାନ୍ ପରୀ ଅଭିଯାନ । ଯୋଡ଼ା ଅଞ୍ଚଳରୁ ୨ ସ୍କୁଲ ପଢୁଆ ପିଲାଙ୍କୁ ଉଠାଇ ଆଣିଥିଲା । ଟାଟା ଷ୍ଟିଲ୍ ପ୍ରାଇମେରୀ ସ୍କୁଲରେ ପଢୁଥିବା ୮ ବର୍ଷର ସୁବାସ ଲୋହାର୍ ଏବଂ ହିଲଟପ୍ ସ୍କୁଲରେ ପଢୁଥିବା ୧୦ ବର୍ଷର ଦକ୍ଷିଣ ସାମନ୍ତଙ୍କୁ ଉଠାଇ ଆଣିଛି । ଉଭୟ ତୃତୀୟ ଶ୍ରେଣୀରେ ପଢୁଥିଲେ । ରବିବାର ସେମାନେ ବାହାରେ ଖେଳୁଥିବା ବେଳେ ପୋଲିସ୍ ସେମାନଙ୍କୁ ଉଠାଇ ଆଣିଥିବା ସେମାନଙ୍କ ଅଭିଭାବକମାନେ ଅଭିଯୋଗ କରିଛନ୍ତି ।
୪୪ ଜଣ ପିଲାଙ୍କୁ ରବିବାର ରାତି ସାଢେ ୧୦ଟା-୧୧ଟାରେ ଆଶୀର୍ବାଦ ବୟଜ୍ ହଷ୍ଟେଲରେ ଠୁଙ୍କି ଦେଇଥିଲା ପୋଲିସ୍ । ଯେଉଁଠି ପିଲାମାନେ ସାରା ରାତି ଅଖିଆ ଅପିଆ ଥିଲେ । ସକାଳୁ ସେହି ପିଲାଙ୍କ ମଧ୍ୟରୁ ୧୦ ଜଣେ କେଉଁଆଡ଼େ ଚାଲି ଯାଇଛନ୍ତି ।ସେହି ୧୦ ଜଣଙ୍କ ମଧ୍ୟରେ ଅଛନ୍ତି ଯୋଡ଼ା ଅଞ୍ଚଳରୁ ଉଠାଇ ଅଣା ଯାଇଥିବା ୨ ପିଲା । ସୋମବାର ସେମାନଙ୍କୁ ନେବାକୁ ସେମାନଙ୍କ ବାପା-ମାଆ ଆସିଥିଲେ । ଏସପି, ଜିଲ୍ଲାପାଳ ଯାହାକୁ ଦେଖାକଲେ ବି କେହି ସହଯୋଗ କରୁନାହାନ୍ତି ।
ଜିଲ୍ଲା ଶିଶୁ ସୁରକ୍ଷା ଅଧିକାରୀଙ୍କୁ ନଜଣାଇ କେନ୍ଦୁଝର ପୋଲିସ୍ କରୁଛି ମୁସ୍କାନ୍ ପରୀ ଅଭିଯାନ । ଶସ୍ତା ବାଃ ବାଃ ସାଉଣ୍ଟିବାକୁ ଯାହାକୁ ନାହିଁ ତାକୁ ଯୋଉଠୁ ପାରିଛି ଉଠାଇ ଆଣିଛି ।
ଶିଶୁ ଶ୍ରମିକଙ୍କୁ ଉଦ୍ଧାର କରି ସେମାନଙ୍କୁ ଥଇଥାନ କରିବା କିମ୍ବା ସେମାନଙ୍କ ବାପା-ମାଆଙ୍କ ହେପାଜତରେ ଦେବା ମୁସ୍କାନ୍ ପରୀ ଅଭିଯାନର ମୁଖ୍ୟ ଉଦ୍ଦେଶ୍ୟ । କିନ୍ତୁ କେନ୍ଦୁଝର ପୋଲିସ୍ ଯାହା କରିଛି, ଏବେ ତାର ଭରଣା କରିବ କିଏ ? ଯେଉଁ ସ୍କୁଲ ଯାଉଥିବା ପିଲାଙ୍କୁ ପୋଲିସ୍ ଉଠାଇ ଆଣିଥିଲା ସେମାନେ ଏବେ ନିଖୋଜ । ଯଦି ଏହିଠାରୁ ସେମାନଙ୍କ ଜୀବନ ବରବାଦ୍ ହୋଇଯାଏ, ତେବେ କିଏ ଦାୟୀ ହେବ ?

   Related Posts