Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

‘୧୦ ମାସର ଶିଶୁକୁ ବି ଲାତ ମାରିଲେ, ଆତଙ୍କବାଦୀ ଗଲାପରେ କାନ୍ଦିଥିଲି’: ବର୍ବରତାର କାହାଣୀ କହିଲେ ପୋଲିସ ଅଧିକାରୀଙ୍କ ବୋହୁ

29/06/2021 at 3:29 PM

ପୁଲୱାମା ୨୯/୦୬ : ଜାମ୍ମୁ କାଶ୍ମୀର ପୁଲୱାମାରେ ଆତଙ୍କବାଦୀଙ୍କ ବର୍ବରତାର ଶିକାର ହୋଇଥିବା ପରିବାରର ଝିଅ ମଧ୍ୟ ସୋମବାର ଦିନ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଆଖି ବୁଜିଛନ୍ତି। ରବିବାର ରାତି ପ୍ରାୟ ୧୧ଟା ସମୟରେ ପୋଲିସ ଅଧିକାରୀ ଫେୟାଜ ଅହମଦ ଭଟ୍ଟଙ୍କ ଘରେ ପଶି ଆତଙ୍କବାଦୀ ତାଙ୍କୁ, ତାଙ୍କ ପତ୍ନୀ ଓ ଝିଅକୁ ଗୁଳି କରିଥିଲେ। ଫେୟାଜ ଅହମଦ ଓଏ ତାଙ୍କ ପତ୍ନୀଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା। ଆତଙ୍କବାଦୀଙ୍କ ଏହି ବର୍ବରତାର କାହାଣୀ ହୃଦୟ ବିଦାରକ। ଆତଙ୍କବାଦୀ ଏତେ ନିଷ୍ଠୁର ଯେ ମା’ କୋଳରେ ଶୋଇଥିବା ୧୦ ମାସର ଶିଶୁକୁ ଲାତ ମାରି ତଳେ ପକାଇ ଦେଇଥିଲେ।

ଟାଇମ୍ସ ଅଫ ଇଣ୍ଡିଆ ଖବର ଅନୁଯାୟୀ, ପୋଲିସ କହିଛି ଯେ ଆତଙ୍କବାଦୀ ମୁହଁ ଢାଙ୍କି ଏକେ-୪୭ ରାଇଫଲ ନେଇ ଭଟ୍ଟଙ୍କ ଘରେ ପଶିଥିଲେ। କବାଟ ଖୋଲିବା ମାତ୍ରେ ଭଟ୍ଟଙ୍କୁ ଗୁଳି କରିଥିଲେ। ତାପରେ ତାଙ୍କ ପତ୍ନୀ ରାଜା ବାନୋଙ୍କୁ ଗୁଳି କରିଥିଲେ। ବାପା-ମା’ଙ୍କୁ ବଞ୍ଚାଇବାକୁ ଚେଷ୍ଟା କରିଥିବା ୨୧ ବର୍ଷୀୟ ଝିଅ ରଫିକାଙ୍କୁ ମଧ୍ୟ ଗୁଳି କରିଥିଲେ।

ଫେୟାଜ ଅହମଦ ଭଟ୍ଟଙ୍କ ବୋହୁ ସାଇମା ନିଜ ଶିଶୁକୁ ଶୁଆଉଥିଲେ। ଆତଙ୍କବାଦୀ ତାଙ୍କୁ ଓ ଶିଶୁକୁ ଗୋଇଠା ମାରିଥିଲେ ଓ ସେଠାରୁ ଯିବାକୁ ବାଧ୍ୟ କରିଥିଲେ। ସାଇମା କହିଛନ୍ତି, ସେ ଆତଙ୍କବାଦୀଙ୍କୁ ନିଜର ଓ ଶିଶୁର ଜୀବନ ଭିକ୍ଷା ମାଗିଥିଲେ କିନ୍ତୁ ସେମାନେ ଶୁଣି ନଥିଲେ। ପରିବାର ଲୋକଙ୍କୁ ଯେଉଁଭଳି ଭାବେ ତାଙ୍କ ଆଖି ସାମ୍ନାରେ ହତ୍ୟା କରାଗଲା ସେ ଭୟରେ ସେ ପାଟି କରିବାକୁ ବି ସାହସ କରିନଥିଲେ। ନିଜ ଶିଶୁକୁ ନେଇ ସେ ଅନ୍ୟ କୋଠରୀକୁ ଚାଲିଗଲେ ଓ ଆତଙ୍କବାଦୀମାନେ ଯିବାପରେ କାନ୍ଦିଥିଲେ ବୋଲି ସେ କହିଛନ୍ତି।

ସାଇମାଙ୍କ ସ୍ୱାମୀ ଲିୟାକତ ଫେୟାଜ ସେନାରେ ଅଛନ୍ତି ଓ ପୁଲୱାମାର ଖ୍ରଉରେ ନିୟୋଜିତ ଅଛନ୍ତି। ଏପଟେ ପରିବାର ଉପରେ ଆତଙ୍କବାଦୀ ହମଲା କଲାବେଳେ ସେ ଡ୍ୟୁଟିରେ ଥିଲେ। ପତ୍ନୀଙ୍କ ସହ କଥା ହୋଇ ସେ ଘରକୁ ଫେରିବାବେଳେ ବାପା-ମା’ଙ୍କ ମୃତ୍ୟୁ ହୋଇସାରିଥିଲା ଓ ସାନ ଭଉଣୀ ଜୀବନ-ମୃତ୍ୟୁ ସହ ସଂଗ୍ରାମ କରୁଥିଲା।

ଆତଙ୍କବାଦୀଙ୍କ ମଧ୍ୟରେ ଜଣେ ପାକିସ୍ତାନୀ ବୋଲି ଜଣାପଡିଛି। ଭଟ୍ଟଙ୍କ ଘରେ ପହଞ୍ଚିଥିବା କାଶ୍ମୀର ରେଞ୍ଜର ଆଇଜିପି ବିଜୟ କୁମାର କହିଛନ୍ତି ଯେ ଆକ୍ରମଣକାରୀଙ୍କ ମଧ୍ୟରୁ ଜଣେ କୋଶୁର କହୁଥିବା ବେଳେ ଅନ୍ୟଟି ଉର୍ଦ୍ଦୁ ଭାଷାରେ ଅନୁବାଦ କରୁଥିଲା। ସେ କହିଛନ୍ତି ଯେ ସେହି ଅଞ୍ଚଳରେ ଜୈଶ ଆତଙ୍କବାଦୀଙ୍କ ବିଷୟରେ ସୂଚନା ମିଳିଛି ଏବଂ ଜଣେ ବ୍ୟକ୍ତି ପାକିସ୍ତାନୀ ବୋଲି ପ୍ରମାଣ ମିଳିଛି।

   Related Posts