ଅନୁଗୋଳ ୧୪।୫: ପ୍ରବାସୀ ଓଡ଼ିଆଙ୍କୁ ନେଇ ଆସୁଥିବା ଗାଡ଼ି ଦୁର୍ଘଟଣାଗ୍ରସ୍ତ ହୋଇଛି । ଅନୁଗୋଳ ଜିଲ୍ଲା ଠାକୁରମୁଣ୍ଡା ନିକଟରେ ଏହି ଦୁର୍ଘଟଣା ଘଟିଛି । ଗୁରୁବାର ଭୋରୁ ଭୋରୁ ଗାଡ଼ିଟି ଏକ ଗଛରେ ପିଟି ହୋଇଯିବା ଫଳରେ ଦୁର୍ଘଟଣା ହୋଇଛି ।
{"id":269616,"sizeSlug":"large"}
ସୂଚନାଯୋଗ୍ୟ ଯେ, ଆନ୍ଧ୍ର ପ୍ରଦେଶ ପଲାସାରୁ ୨୦ ଜଣ ଶ୍ରମିକ ଫେରୁଥିବା ବେଳେ ଦୁର୍ଘଟଣା ଘଟିଛି । ଶ୍ରମିକମାନେ ପଲାସାରୁ ଚାଲି ଚାଲି ବୌଦ୍ଧକୁ ଆସିବା ପରେ ସେଠାରୁ ଏକ ଗାଡ଼ି କରି କେନ୍ଦୁଝର ଫେରୁଥିଲେ । ଅନୁଗୋଳ ଜିଲ୍ଲା ଠାକୁରମୁଣ୍ଡା ନିକଟରେ ଗାଡିଟି ଭାରସାମ୍ୟ ହରାଇ ଗଛରେ ପିଟି ହୋଇଯାଇଥିଲା । ଫଳରେ ଗାଡିରେ ଥିବା ଶ୍ରମିକଙ୍କ ମଧ୍ୟରୁ ୧୦ ଜଣ ଆହତ ହୋଇଛନ୍ତି ।
{"id":269617,"sizeSlug":"large"}
ଆହତ ହୋଇଥିବା ସମସ୍ତଙ୍କୁ ଅନୁଗୋଳ ଜିଲ୍ଲା ମେଡିକାଲରେ ଭର୍ତ୍ତି କରାଯାଇଛି । ସେଠାରେ ସେମାନଙ୍କର ଚିକିତ୍ସା ଜାରି ରହିଛି । ତେବେ ଲକ୍ ଡାଉନ୍ ଯୋଗୁଁ ରାଜ୍ୟ ବାହାରେ ଫସି ରହିଥିବା ଶ୍ରମିକମାନେ ବିଭିନ୍ନ ଉପାୟରେ ରାଜ୍ୟକୁ ଫେରୁଛନ୍ତି । କିଏ ଚାଲି ଚାଲି ଫେରୁଛି ତ କିଏ କିଏ ଟ୍ରକ୍ କିମ୍ବା ବସ୍ରେ ଲୁଚିଛପି ଫେରୁଛନ୍ତି । ଫଳରେ ବିଭିନ୍ନ ସମୟରେ ଦୁର୍ଘଟଣାର ଶିକାର ହେଉଛନ୍ତି ।
