Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

୧୦ ଇଣ୍ଡୋନେସିଆ ନାଗରିକଙ୍କ ବିରୋଧରେ ହତ୍ୟା ଉଦ୍ୟମ ମାମଲା : ତବଲିଗି ଲିଙ୍କ ଯୋଗୁଁ ଅଟକାଇଥିଲା ମୁମ୍ବାଇ ପୋଲିସ

28/04/2020 at 3:18 PM

ମୁମ୍ବାଇ ୨୮/୦୪ : ନିକଟରେ ବାନ୍ଦ୍ରା ପୋଲିସ ୧୦ ରୁ ୧୨ ଜଣ ଇଣ୍ଡୋନେସିଆ ନାଗରିକଙ୍କୁ ଗିରଫ କରିଥିଲା | ଏମାନେ ଦିଲ୍ଲୀ ନିଜାମୁଦ୍ଦିନ ଆୟୋଜନ ହୋଇଥିବା ତବଲିଗି ଜମାତରେ ଯୋଗ ଦେଇଥିଲେ | ଏହାପରେ ମାର୍ଚ୍ଚ ୨୩ ତାରିଖରେ ଦିଲ୍ଲୀରୁ ମୁମ୍ବାଇ ଯାଇଥିଲେ | ଖବର ପାଇବା ପରେ ପୋଲିସ ଏମାନଙ୍କୁ ଟ୍ରାସ କରିଥିଲା | ବାନ୍ଦ୍ରାର ଏକ କୋଠାରୁ ଏମାନଙ୍କୁ ଟ୍ରାକ କରି ଏକ ହୋଟେଲରେ କ୍ଵାରେଣ୍ଟାଇନ କରିଥିଲା | ଏମାନଙ୍କ ମଧ୍ୟରୁ ୨ ଜଣ କରୋନା ସଂକ୍ରମିତ ହୋଇଥିଲେ ଏବଂ ଏମାନଙ୍କୁ ମେ ୮ ତାରିଖ ଯାଏଁ କ୍ଵାରେଣ୍ଟାଇନ କରାଯାଇଛି | ଅନ୍ୟ ୧୦ ଜଣଙ୍କ କରୋନା ଯାଞ୍ଚ ରିପୋର୍ଟ ନେଗେଟିଭ ଆସିବା ପରେ ଏମାନେ ପୋଲିସ ହେପାଜତରେ ଥିଲେ | ଏପ୍ରିଲ ୨୩ ତାରିଖରେ ଏମାନଙ୍କ ରିପୋର୍ଟ ଆସିଥିଲା | ୧୦ ଜଣଙ୍କ ମଧ୍ୟରୁ ୬ଜଣ ମହିଳା ଅଛନ୍ତି |

ଏହି ୧୨ ଜଣ ଲକଡାଉନ ନିୟମ ପାଳନ ନ କରି ଆଖପାଖରେ ଥିବା ମସଜିଦକୁ ଯାଇଥିଲେ | ଏଥିରୁ ଗୋଟିଏ ମସଜିଦ ଧାରାବୀରେ ଅଛି | ତେବେ ଏମାନଙ୍କ ବିରୋଧରେ ହତ୍ୟା ଉଦ୍ୟମ ମାମଲା ରୁଜ୍ଜୁ ହୋଇଛି |

ଏହି ଇଣ୍ଡୋନେସିଆ ନାଗରିକଙ୍କୁ ବାନ୍ଦ୍ରାରୁ ଟ୍ରାକ କରାଯିବ ପୂର୍ବରୁ ଏମାନେ ସହରର ୩ଟି ସ୍ଥାନକୁ ଯାଇଥିଲେ ଏବଂ ବୁଲାବୁଲି କରିଥିଲେ | ସହରର ବିଭିନ୍ନ ସ୍ଥାନରେ ଥିବା ମସଜିଦକୁ ଯାଇ ଏମାନେ ନମାଜ ପାଠ କରିଥିଲେ | ସେଥିପାଇଁ ଭାରତୀୟ ଦଣ୍ଡ ବିଧାନ ଆଇନ ଅନୁଯାୟୀ ଧାରା ୩୦୪, ୩୦୭ ଦଫାରେ ଏମାନଙ୍କ ବିରୋଧରେ ମାମଲା ରୁଜ୍ଜୁ କରାଯାଇଥିଲା | ତାଛଡା ନିୟମ ଉଲଙ୍ଘନ ମାମଲାରେ ଧାରା ୧୮୮ ଏବଂ ୨୬୯ ଧାରାରେ ମାମଲା ରୁଜ୍ଜୁ ହୋଇଛି |

ଏପ୍ରିଲ ପ୍ରଥମ ସପ୍ତାହରେ ୬ ଦମ୍ପତ୍ତିଙ୍କ ବିରୋଧରେ ବାନ୍ଦ୍ରା ପୋଲିସ ମାମଲା ରୁଜ୍ଜୁ କରିଥିଲା | ବାନ୍ଦ୍ରାରେ ଏହି ଦମ୍ପତ୍ତିଙ୍କୁ ନେଇ ରଖିଥିବା ବ୍ୟକ୍ତିକୁ ବର୍ତ୍ତମାନ ପୋଲିସ ଖୋଜୁଛି |

ଏହି ୬ ଦମ୍ପତ୍ତି ଟୁରିଷ୍ଟ ଭିସା ନେଇ ଭାରତକୁ ଆସିଥିଲେ | ମୁମ୍ବାଇ ପୋଲିସର ପ୍ରବକ୍ତା ଡିସିପି ପ୍ରଣୟ ଅଶୋକ କହିଛନ୍ତି ଯେ, ସମସ୍ତଙ୍କୁ କ୍ଵାରେଣ୍ଟାଇନ କରାଯାଇଥିଲା ଏବଂ ୧୦ ଜଣଙ୍କୁ ଗିରଫ କରାଯାଇଥିଲା | ଏହି ୧୦ ଜଣଙ୍କ ରିପୋର୍ଟ ନେଗେଟିଭ ଆସିବା ପରେ ଏମାନଙ୍କୁ ଗିରଫ କରାଯାଇଥିଲା | ଏମାନଙ୍କୁ ହେପାଜତ ଅବଧି ମଙ୍ଗଳବାର ଦିନ ଶେଷ ହେବ | ଅବଧି ଶେଷ ହେବା ପରେ ଏମାନଙ୍କୁ କୋର୍ଟ ଚାଲାଣ କରାଯିବ ବୋଲି କହିଛନ୍ତି ଡିସିପି ପ୍ରଣୟ ଅଶୋକ |

   Related Posts