ଋଷିକେଶ ୧୩।୪: କରୋନା ଭାଇରସ୍ ବିସ୍ତାର ନହେବା ପାଇଁ ସାରା ଦେଶରେ ଲକ୍ ଡାଉନ୍ ଜାରି ରହିଛିୀ । ଏହି ସମୟରେ ଉତ୍ତରାଖଣ୍ଡର ଋଷିକେଶରେ ଲକ୍ ଡାଉନ୍ ବେଳେ ୧୦ ଜଣ ବିଦେଶୀଙ୍କୁ ଅଭିନବ ଉପାୟରେ ଦଣ୍ଡ ମିଳିଛି । ଏହି ୧୦ ଜଣ ବିଦେଶୀ ଶନିବାର ଦିନ ଗଙ୍ଗା କୂଳରେ ସାଇ ଘାଟରେ ଜଗିଂ କରୁଥିବା ବେଳେ ଧରାପଡିଥିଲେ । ଲକ୍ ଡାଉନ୍ ଯୋଗୁଁ ପୋଲିସ ଏମାନଙ୍କୁ ଅଭିନବ ଉପାୟରେ ଦଣ୍ଡ ଦେଇଛି । ପୋଲିସ ଏମାନଙ୍କୁ କାଗଜରେ ୫୦୦ ଥର ‘ଆଇ ଆମ୍ ସରି’ ଲେଖାଇଛି । ଇସ୍ରାଏଲ, ଅଷ୍ଟ୍ରେଲିଆ, ମେକ୍ସିକୋ ଏବଂ କେତେକ ୟୁରୋପୀୟ ଦେଶରୁ ଆସିଥିବା ଏହି ବିଦେଶୀ ନାଗରିକମାନେ ପ୍ରତ୍ୟେକ କାଗଜରେ ୫୦୦ ଥର ଲେଖିଥିଲେ, ‘ମୁଁ ଲକ୍ ଡାଉନ୍ ଉଲଂଘନ କରିଛି, ମୋତେ କ୍ଷମା କର।’
ସୂଚନାଯୋଗ୍ୟ ଯେ, ସକାଳ ୭ ରାତି ଅପରାହ୍ନ ୧ ଟା ପର୍ଯ୍ୟନ୍ତ ଅତ୍ୟାବଶ୍ୟକ ସେବା ଯୋଗାଉଥିବା ବ୍ୟକ୍ତିବିଶେଷଙ୍କୁ କେବଳ ଯାତାୟତ ପାଇଁ ଅନୁମତି ମିଳିଛି । କିନ୍ତୁ ସେହି ଅଞ୍ଚଳରେ ରହୁଥିବା ବିଦେଶୀମାନେ ଜଗିଂ ପାଇଁ ନିମ୍ ବିଚରେ ସାଇ ଘାଟରେ ପହଞ୍ଚିଥିଲେ । ସ୍ନାନ କରିବା ପରେ ଗଙ୍ଗା ଘାଟରେ ଚାଲିବା ଆରମ୍ଭ କରିଥିଲେ । ପାଟ୍ରୋଲିଂରେ ତପୋଭାନ ଆଉଟପୋଷ୍ଟ ପୋଲିସ ସାଇ ଘାଟରେ ପହଞ୍ଚିବା ପରେ ବିଦେଶୀମାନେ ଆଶ୍ଚର୍ଯ୍ୟ ହୋଇଯାଇଥିଲେ । ପୋଲିସ ବିଦେଶୀ ନାଗରିକଙ୍କୁ ଲକ୍ ଡାଉନ୍ ରେ କଣ ପାଇଁ ଆସିଛ ବୋଲି ପରାରିବାରୁ ବିଦେଶୀ ନାଗରିକ କହିଥିଲେ ଯେ ସକାଳଠାରୁ ଅପରାହ୍ନ ପର୍ଯ୍ୟନ୍ତ ଅନୁମତି ରହିଛି ବୋଲି କହିଥିଲେ ।
ପୋଲିସ କହିଛି ଯେ ଏହା କେବଳ ଦୋକାନ ଏବଂ ଜରୁରୀ ସେବା ପାଇଁ ସପିଂ କରୁଥିବା ଲୋକଙ୍କୁ ଅନୁମତି ପ୍ରଦାନ କରାଯାଇଛି । ବିଦେଶୀମାନେ ଏହା ଜାଣିନଥିବା କହିଥିଲେ । ତପୋଭାନ ଆଉଟପୋଷ୍ଟ ଇନଚାର୍ଜ ବିନୋଦ କୁମାର ଶର୍ମା କହିଛନ୍ତି ଯେ, ମୁଁ ୧୦ ଜଣ ବିଦେଶୀଙ୍କୁ ଲକ୍ ଡାଉନ୍ ଉଲଂଘନ କରି ଘାଟରେ ବୁଲାବୁଲି କରୁଥିବାର ଦେଖିବାକୁ ପାଇଥିଲି ।
ଏହାପରେ ପୋଲିସ ଏହି ବିଦେଶୀମାନଙ୍କୁ ଏକ ଅଭିନବ ଉପାୟରେ ଦଣ୍ଡ ଦେଇଥିଲା । ଯେଉଁଥିରେ ସେମାନେ ୫୦୦ ଥର କାଗଜରେ ଲେଖିଥିଲେ, ‘ମୁଁ ଲକ୍ ଡାଉନ୍ ଉଲଂଘନ କରିଛି, ମୋତେ କ୍ଷମା କର ।’