ରାଜସ୍ଥାନ ୨୨/୦୬: କରୋନା କାଳରେ ପ୍ରବାସୀ ଶ୍ରମିକମାନଙ୍କୁ ସେମାନଙ୍କ ଘରକୁ ପହଞ୍ଚାଇଥିବା ବଲିଉଡ ଅଭିନେତା ସୋନୁ ସୁଦ ଏବେ ମଧ୍ୟ ଦେବଦୂତ ସାଜି ଲୋକଙ୍କୁ ସାହାଯ୍ୟ କରିବାରେ ବ୍ୟସ୍ତ ଅଛନ୍ତି। ନିକଟରେ ସୋନୁ ସୁଦ ରାଜସ୍ଥାନର ଜାଲୋରର ଜଣେ ୧୦ ଦିନର ଶିଶୁ କନ୍ୟା ପାଇଁ ଦୂତ ଭାବରେ ଉଭା ହୋଇଥିଲେ, ଯାହାର ହୃଦୟରେ ଏକ ଛିଦ୍ର ଥିଲା ।
{"width":622,"height":467}ଏହି ଅପରେସନ୍ ପାଇଁ ପରିବାର ପାଖରେ ପର୍ଯ୍ୟାପ୍ତ ଅର୍ଥ ନଥିଲା। ଏହି କାରଣରୁ ସୋସିଆଲ ମିଡିଆରେ ଝିଅ ପାଇଁ ସାହାଯ୍ୟ ଲୋଡିଥିଲେ। ଯେତେବେଳେ ଟୁଇଟ୍ ଜରିଆରେ ଏହି ମାମଲା ସୋନୁ ସୁଦଙ୍କ ପାଖରେ ପହଞ୍ଚିଥିଲା, ସେ ସଙ୍ଗେ ସଙ୍ଗେ ଝିଅକୁ ମୁମ୍ବାଇକୁ ଆଣି ଅପରେସନ କରାଇଥିଲେ । ଏହା ପରେ ସେ ସୁସ୍ଥ ହୋଇ ସୋମବାର ସନ୍ଧ୍ୟାରେ ଘରକୁ ଫେରିଛି।
ଝିଅଟି ଘରକୁ ଫେରିବା ପରେ ପଡୋଶୀ ଦିଲୀପ ସୋଲାଙ୍କି ଟୁଇଟ୍ କରି ସୋନୁ ସୁଦଙ୍କୁ ଧନ୍ୟବାଦ ଜଣାଇଛନ୍ତି। ଏଥି ସହିତ, ସୋନୁ ସୁଦ ମଧ୍ୟ ରିଟ୍ୱିଟରେ ନିଜର ଖୁସି ବ୍ୟକ୍ତ କରି କହିଛନ୍ତି, ବନ୍ଧୁ ଆପଣ କେବେ ପାର୍ଟି ଦେବେ?
wp:html/wp:htmlआज की सबसे खूबसूरत तस्वीर ?
— sonu sood (@SonuSood) June 21, 2021
मुझे पार्टी कब दोगे दोस्त ?@SoodFoundation ?? https://t.co/sr5mhPqbcP
ଜୁନ୍ ୧ ରେ ଜନ୍ମ ହୋଇଥିବା ଶିଶୁଟିର ଜନ୍ମକାଳରୁ ହୃଦୟରେ ଏକ ଛିଦ୍ର ଥିଲା । ଯେତେବେଳେ ଝିଅର ପଡୋଶୀ ଟୁଇଟ୍ କରି ସୋନୁ ସୁଦଙ୍କୁ ସାହାଯ୍ୟ ମାଗିଥିଲେ, ସେ ସଙ୍ଗେ ସଙ୍ଗେ ତାଙ୍କୁ ମୁମ୍ବାଇକୁ ଡାକି ଅପରେସନ୍ କରିବାକୁ କହିଥିଲେ। ଜୁନ୍ ୧୦ ରେ, ବାପା ଭଗାରାମ ମାଲିଙ୍କ ସହ ଶିଶୁକୁ ଆମ୍ବୁଲାନ୍ସ ଯୋଗେ ମୁମ୍ବାଇ ନିଆଯାଇଥିଲା, ଯେଉଁଠାରେ ଜୁନ୍ ୧୪ ରେ ମୁମ୍ବାଇର ୱର୍ଲି ଅଞ୍ଚଳର SRCC ହସ୍ପିଟାଲରେ ଏକ ସଫଳ ଅସ୍ତ୍ରୋପଚାର କରାଯାଇଥିଲା।ଏହା ପରେ ୬ ଦିନ ଡାକ୍ତରଙ୍କ ସୁରକ୍ଷାରେ ରହିବା ପରେ ତାଙ୍କୁ ଜୁନ୍ ୨୦ ଦିନ ଡାକ୍ତରଖାନାରୁ ଡିସଚାର୍ଜ କରାଯାଇଥିଲା। ଏହି ନୀରିହ ଶିଶୁଟିର ସମସ୍ତ ଖର୍ଚ୍ଚ ସୋନୁ ସୁଦ ବହନ କରିଥିଲେ ।
ଅପରେସନ୍ ପରେ ଝିଅଟି ତାର ପରିବାର ସଦସ୍ୟଙ୍କ ସହିତ ଜାଲୋର ଘରେ ପହଞ୍ଚିଛି। ଯେଉଁଠାରେ ଶିଶୁଟିକୁ ସ୍ୱାଗତ କରାଯାଇ ଅଭିନେତା ସୋନୁ ସୁଦଙ୍କ ନାମରେ ଝିଅର ନାମ ମଧ୍ୟ ଦିଆଯାଇଛି। ଜାଲୋର ବାସିନ୍ଦା ଦିଲୀପ ସୋଲାଙ୍କି ସୋମବାର ଅପରାହ୍ନ ୩:୫୬ ରେ ସୋନୁ ସୁଦଙ୍କୁ ଟ୍ୱିଟ୍ କରିଛନ୍ତି। ଦିଲୀପ ଲେଖିଛନ୍ତି ଯେ ସାର୍, ଆପଣଙ୍କ ସାହାଯ୍ୟରେ ଛୋଟ ସୋନୁର ଅପରେସନ୍ ହୋଇପାରିଲା ଏବଂ ସୋନୁ ଏକ ନୂତନ ଜୀବନ ପାଇପାରିଲା ।