Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଜାବର ବିଜୟ ଅଭିଯାନ ଜାରି, ୮ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଚକା ଫାଟି ଓଲଟିଲା ‘ଗରୁଡ’, ୧୦ରୁ ଅଧିକ ଯାତ୍ରୀ ଆହତ

24/01/2020 at 12:56 PM

ଜଗତସିଂହପୁର ୨୪।୧: ମଝି ରାସ୍ତାରେ ଓଲଟିଲା ଯାତ୍ରୀବାହୀ ବସ୍ । ଦୁର୍ଘଟଣାରେ ୧୦ରୁ ଅଧିକ ଯାତ୍ରୀ ଆହତ ହୋଇଛନ୍ତି । ଜଗତସିଂହପୁରରୁ ଝଙ୍କଡ ପୀଠ ରାସ୍ତାର ସଅଁରା ଛକର ଏହି ଦୁର୍ଘଟଣା ଘଟିଛି । ସ୍ଥାନୀୟଲୋକ ଏବଂ ପୋଲିସ ଦୁର୍ଘଟଣାଗ୍ରସ୍ତର ବସରୁ ଆହତ ଲୋକଙ୍କୁ ଉଦ୍ଧାର କରି ସ୍ଥାନୀୟ ମେଡିକାଲରେ ଭର୍ତ୍ତି କରିଛନ୍ତି ।

ଜଗତସିଂହପୁରରୁ ମା’ଶାରଳାଙ୍କ ପୀଠ ଝଙ୍କଡ ଯିବା ରାସ୍ତାରେ ସଅଁରା ଛକ ନିକଟରେ ଗରୁଡ ନାମକ ଯାତ୍ରୀବାହୀ ବସ୍ ଓଲଟିପଡିଛି । ଆଗ ଚକା ଫାଟିଯିବାରୁ ଭାରସାମ୍ୟ ହରାଇ ବସ୍ ଟି ଓଲଟିପଡିଥିବା ଜଣାପଡିଛି । ବସ୍ ଟି କଟକରୁ ଭାୟା ଜଗତସିଂହପୁର ଦେଇ ଝଙ୍କଡ ଯାଉଥିବା ବେଳେ ଦିନ ପ୍ରାୟ ସାଢେ ବାରଟା ପାଖାପାଖି ଏହି ଦୁର୍ଘଟଣା ଘଟିଛି ।

ବସଟି ଓଲଟି ପଡିବାରୁ ସେଥିରେ ଥିବା ୧୦ରୁ ଅଧିକ ଯାତ୍ରୀ ଆହତ ହୋଇଛନ୍ତି । ଆହତମାନଙ୍କୁ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟ ଏବଂ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି । ପୋଲିସ ଉଦ୍ଧାର ଓ ସହାୟତା କାମର ତଦାରଖ ସହ ଘଟଣାର ଛାନଭିନ୍ କରୁଛି ।  

   Related Posts