Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅନ୍ୟ ରାଜ୍ୟକୁ ବସ ସେବା ବନ୍ଦ, ୫୦ ପ୍ରତିଶତ କର୍ମଚାରୀରେ ଚାଲିବ ସରକାରୀ ଅଫିସ, କୋଚିଂ ସେଣ୍ଟରରେ ଅଫ୍‌ଲାଇନ୍‌ କ୍ଲାସ୍‌ ମନା । ବିବାହ ପାଇଁ ସର୍ବାଧିକ ୫୦ ଜଣ ଏବଂ ଅନ୍ତିମ ସଂସ୍କାର ପାଇଁ ଅତିବେଶୀରେ ୨୦ ଜଣଙ୍କୁ ଅନୁମତି
  • ||
  • ବାକି ୨୦ ଜିଲ୍ଲାର ସହରାଞ୍ଚଳରେ କାଲିଠୁ ନାଇଟ୍‌ କର୍ଫ୍ୟୁ
  • ||
  • ଛତିଶଗଡ଼ ସୀମାନ୍ତ ୧୦ ଜିଲ୍ଲାର ସହରାଞ୍ଚଳରେ ବଦଳିଲା ନାଇଟ୍‌ କର୍ଫ୍ୟୁ ସମୟ
  • ||
  • ରାଜ୍ୟରେ ଫେରିଲା କୋଭିଡ୍‌ କଟକଣା
  • ||
  • ୨୧ ଆଇଏଏସ୍‌ଙ୍କୁ କୋଭିଡ୍‌ ପର୍ଯ୍ୟବେକ୍ଷଣ ଦାୟିତ୍ୱ
  • ||
  • ୨୧ ଆଇଏଏସ୍‌ଙ୍କୁ କୋଭିଡ ପର୍ଯ୍ୟବେକ୍ଷକ ଦାୟିତ୍ବ
  • ||
  • ଭଦ୍ରକ : ବୈତରଣୀ ନଦୀରେ ବୁଡି ଭାଇ-ଭଉଣୀଙ୍କ ସଲୀଳ ସମାଧି, ପିଉସୀଙ୍କ ଘରୁ ଫେରିବା ବେଳେ ଅଘଟଣ
  • ||
  • ମାଲକାନଗିରି : ମାନିଲେନି କୋଭିଡ୍ ନିୟମ, ସିଲ୍ ହେଲା ଦୋକାନ
  • ||
  • ଧର୍ମଗଡ : ଧର୍ମଗଡ ବଣିକ ସଂଘର ବଡ ନିଷ୍ପତ୍ତି, ଶନିବାର ଓ ରବିବାର ସଂପୂର୍ଣ୍ଣ ବନ୍ଦ ରହିବ ସହର
  • ||
  • କଟକ : ସ୍ବରେଜ ମ୍ୟାନ୍‌ହୋଲ୍‌ରେ ଶ୍ବାସରୁଦ୍ଧ ହୋଇ ୨ ଜଣଙ୍କ ମୃତ୍ୟୁ, ଜଣେ ଗୁରୁତର
  • ||

ମାଇକ୍ରୋଫାଇନାନ୍ସ କର୍ମଚାରୀଙ୍କୁ ଲୁଟି ପଳାଉଥିବା ବେଳେ ପୋଲିସ ଗାଡି ସହ ଲୁଟେରାଙ୍କ ବାଇକ ଧକ୍କା, ୧ ମୃତ, ୧ ଆହତ, ଲଙ୍କାଗୁଣ୍ଡ, ପିସ୍ତଲ ସମେତ ଭୁଜାଲି ଜବତ

30/10/2019 at 8:33 PM

ବନହରପାଲି ୩୦।୧୦: ଝାରସୁଗୁଡା  ଜିଲ୍ଲା ବନହରପାଲି ଥାନା ଅନ୍ତର୍ଗତ ଖେରୁଆଲ ବାହାଲ ଗ୍ରାମରେ ଘଟିଛି ଅଭାବନୀୟ ଘଟଣା। ମାଇକ୍ରୋଫାଇନାନ୍ସ କମ୍ପାନୀ କର୍ମଚାରୀଙ୍କ ଟଙ୍କା ଲୁଟକରି ମୋଟର ବାଇକ୍ ରେ ଖସି ପଳାଉଥିବା ୨ ଜଣ ଲୁଟେରା ପୋଲିସ ଗାଡି ସହ ଧକ୍କା ଲାଗି ଗୁରୁତର ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ଜଣକର ମୃତ୍ୟୁ ହୋଇଛି। ମୃତାହତ ଲୁଟେରାଙ୍କୁ ପୋଲିସ ଚିହ୍ନଟ କରିଛି। ସେମାନେ ହେଲେ ଧର୍ମେନ୍ଦ୍ର ଖଡିଆ (୨୯) ଓ ସପନ ରୋହିଦାସ। ଧର୍ମେନ୍ଦ୍ରର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ପୋଲିସ ସପନକୁ ଟିଆରଏଲ ହସ୍ପିଟାଲରେ ଭର୍ତ୍ତି କରିଛି। 

ମିଳିଥିବା ସୂଚନା ଅନୁସାରେ ଧର୍ମେନ୍ଦ୍ର ଓ ସପନ ଲଖନପୁର ଥାନା ଟାଙ୍ଗରପାଲି ଛକନିକଟରେ ବାଇକରେ ଆସୁଥିବା ମାଇକ୍ରୋଫାଇନାନ୍ସ କର୍ମଚାରୀ ରଞ୍ଜୁ ବାଦୀ ଓ ମହିଳା ସହକର୍ମୀଙ୍କୁ ଛୁରାମାଡ କରି ଟଙ୍କା ଲୁଟି ଏକ କଳା ପଲସର ମୋଟର ସାଇକେଲରେ ଖସି ପଳାଇଥିଲେ। ଏ ନେଇ ଫାଇନାନ୍ସ କମ୍ପାନୀର କର୍ମଚାରୀ ତୁରନ୍ତ ଘଟଣା ସମ୍ପର୍କରେ ଲଖନପୁର ଥାନାକୁ ସୂଚିତ କରିବାରୁ ପୋଲିସ ସୀମାବର୍ତ୍ତି ସମସ୍ତ ଫାଣ୍ଡି ଓ ଥାନାକୁ ଜଣାଇ ଦେଇଥିଲା।

ଲଖନପୁର ଥାନାର ସୂଚନା ଅନୁସାରେ ସମସ୍ତ ଥାନା ଓ ଫାଣ୍ଡି ପୋଲିସ ଲୁଟେରାଙ୍କ ପିଛା କରୁଥିବା ବେଳେ ବନ୍ଧବହାଲ ଫାଣ୍ଡି ପୋଲିସ ଗାଡି ସହ ଲୁଟେରାଙ୍କ ମୋଟର ସାଇକେଲ ଖେରୁଆବାହାଲ ଗ୍ରାମ ନିକଟରେ ଧକ୍କା ଲାଗିଥିଲା। ଫଳରେ ଲୁଟେରା ୨ ଜଣ ମୋଟରସାଇକେଲରୁ ଛିଟକି ପଡି ଗୁରୁତର ଆହତ ହୋଇଥିଲେ। ଏଥିରେ ଧର୍ମେନ୍ଦ୍ର ଘଟଣାସ୍ଥଳରେ ପ୍ରାଣ ହରାଇଥିବା ବେଳେ ସପନ ଗୁରୁତର ଆହତ ହୋଇଛି।

ଏ ନେଇ ସନ୍ଧ୍ୟାରେ ଝାରସୁଗୁଡା ଏସପି ସାମ୍ବାଦିକ ଏକ ସମ୍ମିଳନୀରେ ସୂଚନା ଦେଇଥିବା ବେଳେ ପୁଲିସ ଦୁର୍ଘଟଣା ସ୍ଥଳରୁ ଲୁଟ ଲାଗି ଲୁଟେରା ବ୍ୟବହାର କରିଥିବା କଳା ପଲସର ବାଇକ୍ ସମେତ ଗୋଟିଏ ୭ ଏମଏମ ମାଉଜର, ଭୁଜାଲି ଓ ଲଙ୍କାଗୁଣ୍ଡ ଜବତ କରିଥିବା କହିଛନ୍ତି |  

   Related Posts