Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ଫନି ବାତ୍ୟାକୁ ମାସେ ପୁରିଲା ହେଲେ ପ୍ରସ୍ତୁତ ହୋଇପାରିଲାଣି କ୍ଷୟକ୍ଷତିର ପୂର୍ଣ୍ଣାଙ୍ଗ ରିପୋର୍ଟ : ସହରୀ ଅଂଚଳରେ ସୀମିତ ପୁନରୁଦ୍ଧାର ଓ ଥଇଥାନ

2/06/2019 at 6:26 PM

ଭୁବନେଶ୍ୱର ୨/୬ : ଫନି ବାତ୍ୟାକୁ ମାସେ ପୁରିଲା। ମୌସୁମି ମାଡି ଆସୁଥିବା ବେଳେ ଖୋଲା ଆକାଶ ତଳେ ଏବେ ବି ପଡି ରହିଛନ୍ତି ଲୋକେ । ଘର ଭଙ୍ଗା ତଦନ୍ତ ସରିନଥିବାରୁ ଘର କାମ ଆରମ୍ଭ କରିପାରୁନାହାନ୍ତି ।

ଏବେ ବି ପିଲାଛୁଆଙ୍କୁ ଧରି ସ୍କୁଲ ଘରେ ଆଶ୍ରୟ ନେଇଛନ୍ତି କିଛି ପରିବାର। ସରାକରଙ୍କ ଏଭଳି ଉଦସିନତା ପାଇଁ ତାତିଲେଣି ବି​‌ରୋଧୀ। ଆନ୍ଦୋଳନ ପାଇଁ ବିରୋଧୀ ଧମକ ଦେଇଛନ୍ତି। ଏପ​‌ଟେ ରାଜସ୍ବ ମନ୍ତ୍ରୀଙ୍କ ଯୁକ୍ତି ଯୁଦ୍ଧ କାଳୀନ ଭତ୍ତିରେ କାମ ଚାଲିଛି। କ୍ଷୟକ୍ଷତି ଅଧିକ ହୋଇଥିବାରୁ ରିପୋର୍ଟ ପ୍ରସ୍ତୁତିରେ ବିଳମ୍ଭ ହେଉଛି। ….

ମାସେ ପୂରିଲା। ପ୍ରସ୍ତୁତ ହୋଇପାରିଲାନି କ୍ଷୟକ୍ଷତି ପୂର୍ଣ୍ଣାଙ୍ଗ ରିପୋର୍ଟ । ଜୁନ ପହିଲାରେ ଗୃହ ନିର୍ମାଣ ପାଇଁ କାର୍ଯ୍ୟଦେଶ ଦିଆଯିବା କଥା କିନ୍ତୁ ଏପର୍ଯ୍ୟନ୍ତ ତଦନ୍ତ ସରିପାରିଲାନି । ଆଉ ୭-୮ ଦିନ ଭିତରେ ଓଡିଶା ଛୁଇଁବ ମୌସୁମୀ । ଆରମ୍ଭ ହୋଇଯିବ ବର୍ଷା। ଏବେ ବି ଅନେକ ପରିବାର ଖୋଲା ଆକାଶ ତଳେ ପଡି ରହିଥିବା ବେଳେ ପାଖରେ ସରକାରୀ ସହାୟତା ବି  ପହଞ୍ଚି ପାରିନି ।

ରାସନ କାର୍ଡ ନଥିବା କ୍ଷତିଗ୍ରସ୍ତମାନେ ଆବେଦନ କରିଛନ୍ତି। ହେଲେ ଏଯାବତ ସେମାନଙ୍କୁ ସହାୟତା ମିଳିନି । ଏପଟେ ଘର ସମ୍ପୂଣ୍ଣ ଉଜୁଡି ଯାଇଥିବାରୁ କିଛି ପରିବାର ପରଘରେ କିମ୍ବା ସ୍କୁଲ ଘରେ ଆଶ୍ରୟ ନେଇଛନ୍ତି। ଏମାନେ ହେଉଛନ୍ତି ମଙ୍ଗଳାଘାଟ ପ୍ରାଥମିକ ବିଦ୍ୟାଳୟରେ ଅଶ୍ରୟ ନେଇଥିବା ପରିବାର।

ସରକାରଙ୍କ ପୁନରୁଦ୍ଧାର ଓ ଥଇଥାନ କାମ ସହରୀ ଇଲାକାରେ ସୀମୀତ ରହିଯାଇଥିବା ଅଭିଯୋଗ ହୋଇଛି। ସରକାର ଉଦାସୀନ ହୋଇଯାଇଥିବା ଅଭିଯୋଗ କରିଛନ୍ତି ବିରୋଧୀ। କଂଗ୍ରେସ ଆନ୍ଦୋଳନ ଧମକ ଦେଇଥିବା​‌ ବେଳେ ବିଜେପି କହିଛି କେବଳ ଲୋକଙ୍କୁ ଉଦ୍ଧାର କରିଦେଇ କାମ ସାରିଦେଇଛନ୍ତି  ରାଜ୍ୟ ସରକାର। ବାତ୍ୟା ପରେ କେମିତି ପରିଚାଳନା କରାଯିବ ସେଥିରେ ସରକାର ସମ୍ପୂଣ୍ଣ ଫେଲ ମାରିଛନ୍ତି।

ଏପଟେ ନୂଆ କରି ଦାୟୀତ୍ବ ନେଇଥିବା ରାଜସ୍ବ ମନ୍ତ୍ରୀ କହିଛନ୍ତି  ଫନିରେ ବ୍ୟାପକ କ୍ଷୟକ୍ଷତି ହୋଇଛି। ଏସବୁକୁ ଆକଳନ କରିବାକୁ ସମୟ ଲାଗୁଛି। ଯେମିତି କେହିଜଣେ କ୍ଷତିଗ୍ରସ୍ତ ବାଦ ନ ପଡନ୍ତି ତା ଉପରେ ଗୁରୁତ୍ବ ଦିଆଯାଉଛି। ଯୁଦ୍ଧ କାଳୀନ ଭତ୍ତିରେ  ପୁନରୁ ଉଦ୍ଧାର କାର୍ଯ୍ୟ ଚାଲିଥିବା ସେ କହିଛନ୍ତି।

ଫନିରେ  ପୁରୀ ଓ ଖୋର୍ଦ୍ଧା ଜିଲ୍ଲାର  ଅଧିକ କ୍ଷୟକ୍ଷତି ହୋଇଛି । ବର୍ଷା  ଆସୁଥିବାବେଳେ ବର୍ତ୍ତମାନ ସୁଦ୍ଧା ସରକାର ଘର ଭଙ୍ଗା ତଦନ୍ତ ସାରିନଥିବାରୁ  ଚିନ୍ତାରେ  କ୍ଷତିଗ୍ରସ୍ତ। ହେଲେ ପ୍ରସ୍ତୁତ ହୋଇପାରିଲାନି ବାତ୍ୟା କ୍ଷୟକ୍ଷତି ପୂର୍ଣ୍ଣାଙ୍ଗ ରିପୋର୍ଟ କି ସରି ପାରିଲାନି ଘର ଭଙ୍ଗା ତଦନ୍ତ ।

   Related Posts