ଝାରସୁଗୁଡା ୨୧/୧୧ : ବାଇକକୁ ଧକ୍କା ଦେଲା ଟ୍ରାକ୍ଟର । ସୁନ୍ଦରଗଡ଼ ଜିଲ୍ଲା ଧଉରାଗୁଡ଼ା ଗାଁର ଦେବାଂଶୁ କୁସୁମ ନିଜ ଶ୍ବଶୁର ଘର ବୁଲି ନିଜ ଗାଁକୁ ଫେରୁଥିବା ବେଳେ ରାଜପୁର ନିକଟରେ ତାଙ୍କ ବାଇକକୁ ଏକ ଟ୍ରାକ୍ଟର ଧକ୍କା ଦେଇଥିଲା । ଘଟଣାସ୍ଥଳରେ ଦେବଂଶୁଙ୍କ ମୃତ୍ୟୁ ହୋଇଥିଲା । ଏହି ଦୁର୍ଘଟଣା ପରେ ସ୍ଥାନୀୟ ଲୋକମାନେ ରାସ୍ତା ଅବରୋଧ କରି ରଖିଛନ୍ତି । ଘଟଣାସ୍ଥଳରେ ବ୍ରଜରାଜନଗର ଓ ଗାନ୍ଧୀଛକ ପୋଲିସ ଉପସ୍ଥିତ ରହି ଲୋକଙ୍କୁ ବୁଝାସୁଝା କରୁଥିଲେ ମଧ୍ୟ ଉତ୍ତେଜନା ଥମିନି ।