Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁବ ମୋର୍ଚ୍ଚା ନେତାଙ୍କୁ ମାଡ଼ ଘଟଣାରେ ପ୍ରତିବାଦ, ମୁଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କଲା ବିଜେପି
  • ||
  • କାର୍ତ୍ତିକ ମାସର ପ୍ରଥମ ସୋମବାରରେ ଧବଳେଶ୍ଵର ପୀଠରେ ୧୪୪ ଧାରା ଜାରି
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||

ରସଗୋଲା ପରେ ରସାବଳୀ : ଆରିସା, କାକରା, ପାଳୁଅ ଲଡୁ ,ଛେନାପୋଡ ଓ ରସାବଳୀକୁ ଜିଆଇ ଟ୍ୟାଗ ଦାବି

30/07/2019 at 5:55 PM

ଭୁବନେଶ୍ବର ୩୦/୭: ବାଟ ଦେଖାଇଛି ଓଡିଶା ରସଗୋଲା ବିଜୟ । ଓଡିଶା ରସଗୋଲାକୁ ଜିଆଇ ଟ୍ୟାଗ ମିଳିବା ପରେ ଏବେ ରାଜ୍ୟର ଅନ୍ୟ ପାରମ୍ପରିକ ଖାଦ୍ୟ ପଦାର୍ଥର ଜିଆଇ ଟ୍ୟାଗ ଲାଗି ପ୍ରକ୍ରିୟା ଆରମ୍ଭ କରିବା ପ୍ରସଙ୍ଗ ଉଠୁଛି ବିଧାନସଭାରେ । ଓଡିଶାର ଆରିସା, କାକରା, ପାଳୁଅ ଲଡୁ ,ଛେନାପୋଡ ଓ ରସାବଳୀର ଜିଆଇ ମାନ୍ୟତା ଲାଗି ସରକାର ପ୍ରକ୍ରିୟା ଆରମ୍ଭ କରିବାକୁ ବିଧାନସଭାରେ ଦାବି କରିଛନ୍ତି ଉଭୟ ବିରୋଧୀ ଓ ଶାସଦ ଦଳର ସଦସ୍ୟ ।

ରସଗୋଲା ପରେ ରସାବଳୀ । ରସଗୋଲାକୁ ଜିଆଇ ଟ୍ୟାଗ ମିଳିବା ପରେ ଆରିସା, କାକରା, ପାଳୁଅ ଲଡୁ, ଛେନାପୋଡ ଓ ରସାବଳୀ ପାଇଁ ଜୋର ହେଲାଣି ଦାବି । ବିଧାନସଭାରେ ଉଭୟ ଶାସକ ଓ ବିରୋଧୀ ସଭ୍ୟ ଏମିତି ଦାବି ଉଠାଇଛନ୍ତି । ହାତରୁ ଖସିଯାଉ ଯାଉ ରସୋଗଲାକୁ ଜିଆଇ ଟ୍ୟାଗ ମିଳିବା ଓଡିଶାର ବିଜୟ ବୋଲି ଦର୍ଶାଇଛନ୍ତି ବିଧାୟକ । ଦାବି ହୋଇଛି ରସଗୋଲା ପରି ଓଡିଶା ସଂସ୍କୃତି ଓ ପରମ୍ପରା ସହ ଜଡିତ ଆରିଶା, କାକରା ପିଠାର ବିଦେଶରେ ବି ଚାହିଦା ରହିଛି । କେବଳ ଏତିକି ନୁହେଁ ରସାବଳୀ, ଛେନାପୋଡ, ପାଳୁଅ ଲଡୁକୁ କିପରି ଜିଆଇ ମାନ୍ୟତା ମିଳିବ ସେନେଇ ସରକାର ପଦକ୍ଷେପ ନିଅନ୍ତୁ ବୋଲି ବିଧାନସଭାରେ ସ୍ବର ଉଠାଇଛନ୍ତି ଉଭୟ ଶାସକ ଓ ବିରୋଧୀ ସଦସ୍ୟ ।  

 ରସଗୋଲାକୁ ନିଜର କହି ଓଡିଶା ହାତରୁ ଛଡାଇନେବାକୁ ବସିଥିଲା ପଶ୍ଚିମବଙ୍ଗ । ଏମିତିକି ବେଙ୍ଗଲ ରସୋଗଲା ନାଁରେ ଜିଆଇ ମାନ୍ୟତା ବି ହାସଲ କଲା । ଓଡ଼ିଶାର ଯୁକ୍ତି କିନ୍ତୁ ଥିଲା ଅକାଟ୍ୟ । ଶେଷରେ ଓଡିଶା ରସଗୋଲାକୁ ଜିଆଇ ମାନ୍ୟତା ମିଳିଲା । ଏହାକୁ ନେଇ କେବଳ ବ୍ୟବସାୟୀ ନୁହଁନ୍ତି, ସାରା ରାଜ୍ୟ ବାସୀ ଖୁସି । ସେପଟେ ନିଜ ନିଜ ଅଞ୍ଚଳର ପାରମ୍ପରିକ ଖାଦ୍ୟକୁ ନେଇ ସ୍ଥାନୀୟ ଲୋକେ ଓ ବ୍ୟବସାୟୀ ବି ସମାନ ଦାବି ଉଠାଇଲେଣି । ସବୁର ତଥ୍ୟ ଯୋଗାଡ କରି ଆବେଦନ କରାଯିବ ବୋଲି କହିଛନ୍ତି MSME ମନ୍ତ୍ରୀ ।

କେବଳ ଦାବି କରି ବସିପଡିଲେ ଚଳିବନି,  ବେଳ ଥାଉ ଥାଉ ଏନେଇ ସରକାର ପଦକ୍ଷେପ ନେବା ଜରୁରୀ । ରସଗୋଲା ପରି ସରକାର ଠିକଣା ସମୟରେ ରସାବଳୀ , ଛେନାପୋଡ, କାକରା, ପାଳୁଅ ଲଡୁକୁ ଜିଆଇ ଟ୍ୟାଗ ମାନ୍ୟତା ପାଇଁ ଦାବି କରିବା ଆବଶ୍ୟକ ।

   Related Posts