କଳାହାଣ୍ଡିରେ ମଦକୋଠି ଓ ସଟ୍ଟା ବନ୍ଦ ଦାବିରେ ରାସ୍ତାରୋକ କରାଯାଇଛି । ଦଶପୁର ଅଞ୍ଚଳର ସ୍ଥାନୀୟ ବାସିନ୍ଦା ପ୍ରତିବାଦ କରି ଖମାରହଳଦୀଠାରେ ରାସ୍ତା ଅବରୋଧ କରିଛନ୍ତି । ଆନ୍ଦୋଳନ ଯୋଗୁଁ ଧର୍ମଗଡ ଓ ସିନାପାଲି ମଧ୍ୟରେ ଯାତାୟତ ବାଧାପ୍ରାପ୍ତ ହୋଇଛି । ପୁଲିସ ସହାୟତାରେ ଏସବୁ କାରବାର ଚାଲିଥିବା ଅଭିଯୋଗ କରି ଦଶପୁର ଥାନା ଅଧିକାରୀଙ୍କ ବଦଳି ଦାବି କରିଛନ୍ତି ସ୍ଥାନୀୟ ବାସିନ୍ଦା । ଦାବି ପୂରଣ ନହେଲେ ଆନ୍ଦୋଳନକୁ ଜୋରଦାର କରାଯିବା ନେଇ ଚେତାବନୀ ଦେଇଛନ୍ତି ଆନ୍ଦୋଳନକାରୀ । ଘଟଣାସ୍ଥଳରେ ପୁଲିସ ପହଞ୍ଚି ଲୋକଙ୍କୁ ବୁଝାସୁଝା କରୁଛନ୍ତି । ଜିଲ୍ଲା ପ୍ରଶାସନର ଅଧିକାରୀ ଦାବି ପୂରଣ କରିବା ନେଇ ପ୍ରତିଶ୍ରୁତି ଦେବା ପରେ ଆନ୍ଦୋଳନରୁ ଓହରିବେ ବୋଲି ସ୍ପଷ୍ଟ କରିଛନ୍ତି ।