Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଦିନକରେ ସୁସ୍ଥ ହେଲେ ୩୪୮୬ କରୋନା ଆକ୍ରାନ୍ତ , ଖୋର୍ଦ୍ଧାରୁ ସର୍ବାଧିକ ୫୪୧ ଡିସଚାର୍ଜ
  • ||
  • ମିଶନ କାଶ୍ମୀର ଉପରେ ୧୪ ନେତାଙ୍କ ସହ ପିଏମ ମୋଦୀଙ୍କ ମହାବୈଠକ ଶେଷ
  • ||
  • ବରି​‌ଷ୍ଠ ଆଇପିଏସ୍‌ ସ୍ତରରେ ଅଦଳବଦଳ
  • ||
  • ଦ୍ବାଦଶ ଶ୍ରେଣୀ ପରୀକ୍ଷା: ୩୧ ଜୁଲାଇ ସୁଦ୍ଧା ରେଜଲ୍ଟ ପ୍ରକାଶ କରିବାକୁ ରାଜ୍ୟକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ
  • ||
  • ରାଇରଙ୍ଗପୁର : ଅଣ୍ଡା ବଣ୍ଟନରେ ପାତର ଅନ୍ତର, ଅଭିଯୋଗ କଲେ ନାଁ କାଟିଦେବାକୁ ଅଙ୍ଗନବାଡି ଦିଦି ଦେଉଛନ୍ତି ଧମକ
  • ||
  • ସାଲେପୁର : ନଦୀ ପଠାରେ ପଡିଛି ଅଜଣା ଯୁବକଙ୍କ ମୃତଦେହ, କାରଣ ଅସ୍ପଷ୍ଟ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ
  • ||
  • ଆଜି ୧୦ ଜିଲ୍ଲାରେ ଅତିପ୍ରବଳ ବର୍ଷା ସମ୍ଭାବନା, ୨୭ ଯାଏଁ ଛେଚିବ
  • ||
  • ହ୍ରାସ ପରେ ପୁଣି ବଢୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୬୫୦ କୋଭିଡ୍ ପଜିଟିଭ୍ ଚିହ୍ନଟ
  • ||

ଭିଜିଲାନ୍ସ ଜାଲରେ ଆଇ.ଏଫ.ଏସ୍ ଅଫିସର ବିଜୟ କେତନ ଆଚାର୍ଯ୍ୟ

23/06/2018 at 10:56 PM

ଭିଜିଲାନ୍ସ୍ ଜାଲରେ ବଡବାବୁ। ଆଇ.ଏଫ୍.ଏସ୍ ଅଫିସର୍ ବିଜୟ କେତନ ଆଚାର୍ଯ୍ୟ। ଆୟ ବର୍ହିଭୁତ ସମ୍ପତ୍ତି ଠୁଳ ଅଭିଯୋଗରେ ଭଞ୍ଜନଗର ଦକ୍ଷିଣ ଘୁମୁସୁର ଡି.ଏଫ୍.ଓ ବିଜୟ କେତନ ଆଚାର୍ଯ୍ୟଙ୍କ ଭଞ୍ଜନଗର ବାସଭବନ ଓ କାର୍ଯ୍ୟାଳୟ ସମେତ ଭୁବନେଶ୍ବର ଓ କଟକରେ ଏକକାଳୀନ ୫ଟି ସ୍ଥାନରେ ଚଢାଉ କରାଯାଇଥିଲା। ଭୁବନେଶ୍ୱର ଶହୀଦ୍‌ନଗର, ପଟିଆ ଅଞ୍ଚଳ, କଟକର କଲ୍ୟାଣନଗର, ଭଞ୍ଜନଗରର କାର୍ଯ୍ୟାଳୟ, ବାସଭବନ ଏଭଳି ୫ଟି ସ୍ଥାନରେ ଚଢାଉ କରାଯାଇଥିଲା। ଚଢାଉ ବେଳେ ଭଞ୍ଜନଗର ବାସଭବନରୁ ୧୦୦ ଗ୍ରାମ୍ ସୁନା ବିସ୍କୁଟ୍ ଜବତ କରାଯାଇଥିବା ଏସ୍.ପି ସୂଚନା ଦେଇଛନ୍ତି। ଭୁବନେଶ୍ୱର ଠାରେ ଦୁଇଟି ତିନି ମହଲା କୋଠା ଠାବ କରାଯାଇଥିବା ବେଳେ କଟକ ଠାରେ ଦୁଇ ମହଲା କୋଠା ଠାବ କରାଯାଇଛି। ଏକ କୋଟି ଟଙ୍କାର ବ୍ୟାଙ୍କ୍ ଫିକ୍ସଡ୍ ଡିପୋଜିଟ୍ କାଗଜ ପତ୍ର, ଫ୍ଳାଟ୍ ପାଇଁ ଅଗ୍ରୀମ୍ ଦେଇଥିବା ୨୦ ଲକ୍ଷ ୮୧ ହଜାର ଟଙ୍କାର କାଗଜ, ୪ ଲକ୍ଷ ଟଙ୍କାର ଏକ ପ୍ଳଟ୍ ଦସ୍ତାବିଜ୍, ନଗଦ ଏକ ଲକ୍ଷ ନବେ ହଜାର ଟଙ୍କା, ୯ ଲକ୍ଷ ଟଙ୍କାର ଘରକଣା ଜିନିଷ ପତ୍ର, ଦୁଇଟି ମୋଟର ସାଇକେଲ୍, ୨୨ ଲକ୍ଷ ଟଙ୍କାର ଏଲ୍.ଆଇ.ସି ଓ ଇନ୍ୟୁସ୍‌ରାନ୍ସ୍ କାଗଜ ପତ୍ର, ଭୁବନେଶ୍ବର ଏସ୍.ବି.ଆଇ ଓ କାନାରା ବ୍ୟାଙ୍କ୍‌ରେ ଥିବା ଦୁଇଟି ଲକର୍, ୧୧ଟି ବ୍ୟାଙ୍କ୍ ପାସ୍‌ବୁକ୍, ୨୫ଟି ଏଲ୍.ଆଇ.ସି ବଣ୍ଡ୍ ପ୍ରମୁଖ ଠାବ କରାଯାଇଛି। ଯାହାର ମୂଲ୍ୟ ୩କୋଟି ୨୦ ଲକ୍ଷ ଟଙ୍କା ସମ୍ପତ୍ତି ଠାବ କରାଯାଇଥିବା କହିଛନ୍ତି ବ୍ରହ୍ମପୁର ଭିଜିଲାନ୍ସ୍ ଏସ୍.ପି ମାୟାଧର ସ୍ୱାଇଁ। ବ୍ୟାଙ୍କ୍ ବନ୍ଦ ଥିବା ଯୋଗୁଁ ଆଜି ଲକର୍ ଥିବା ସୁନାର ପରିମାଣ ଆକଳନ କରାଯାଇପାରିନାହିଁ। ପରବର୍ତ୍ତୀ ସମୟରେ ଏହାର ଆକଳନ କରାଗଲେ ଆହୁରି ସମ୍ପତ୍ତିର ପରିମାଣ ବୃଦ୍ଧି ପାଇପାରିବା ଆଶା କରାଯାଉଥିବା କହିଛନ୍ତି ଭିଜିଲାନ୍ସ୍ ଏସ୍.ପି ମାୟାଧର ସ୍ୱାଇଁ।

   Related Posts