Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୬୭ ମୃତ
  • ||
  • ଆସୁଛି ବାତ୍ୟା: ପ୍ରଭାବିତ ହେବ ଓଡ଼ିଶା, ୩ ରାତିରୁ ଉପକୂଳରେ ପ୍ରବଳ ବର୍ଷିବ ଓ ପବନ ବୋହିବ
  • ||
  • ୨୦୧୭ ହତ୍ୟା ଘଟଣାର ଖୋଳତାଡ କରିବ କ୍ରାଇମବ୍ରାଞ୍ଚ, ୪ ପୋଲିସ ଅଧିକାରୀଙ୍କ ବିରୋଧରେ ହତ୍ୟା ମାମଲା ରୁଜୁ
  • ||
  • ମିଚିଗାନ ସ୍କୁଲରେ ୧୫ ବର୍ଷର ଛାତ୍ରର ଉନ୍ମତ୍ତକାଣ୍ଡ, ଆଖିବୁଜା ଗୁଳିମାଡ଼ରେ ୩ ମୃତ
  • ||
  • ଭଦ୍ରକ ବରପଦା ନିକଟରେ ଦୁଇ ଅପରାଧୀଙ୍କୁ ଏନକାଉଣ୍ଟର
  • ||

ଭାରତୀୟ ବାୟୁସେନାର ପ୍ରଥମ ମହିଳା ଅଧିକାରୀଙ୍କ ୯୬ ବର୍ଷ ବୟସରେ ପରଲୋକ, ବିଶିଷ୍ଟ ସେବା ପଦରେ ହୋଇଛନ୍ତି ସମ୍ମାନିତ

21/10/2020 at 8:17 PM

ବେଙ୍ଗାଲୁରୁ ୨୧।୧୦: ଭାରତୀୟ ବାୟୁସେନାର ପ୍ରଥମ ମହିଳା ଅଧିକାରୀ ଓ୍ଵିଙ୍ଗ କମାଣ୍ଡର ବିଜୟଲକ୍ଷ୍ମୀ ରମଣନଙ୍କ ପରଲୋକ ଘଟିଛି। ମୃତ୍ୟୁବେଳକୁ ତାଙ୍କୁ ୯୬ ବର୍ଷ ବୟସ ହୋଇଥିଲା। ବିଜୟଲକ୍ଷ୍ମୀ ରମଣନ ବାୟୁସେନାରେ ନିଜର ସେବା ଦେବା ପରେ ୧୯୭୯ରେ ଚାକିରିରୁ ଅବସର ନେଇଥିଲେ। ତାଙ୍କୁ ୧୯୭୭ରେ ବିଶିଷ୍ଟ ସେବା ପଦରେ ସମ୍ମାନିତ କରାଯାଇଥିଲା।

ବିଜୟଲକ୍ଷ୍ମୀ ରମଣନଙ୍କ ଜ୍ଵାଇଁ ଏସଏଲବି ନାରାୟଣ ତାଙ୍କ ମୃତ୍ୟୁ ଖବରର ସୂଚନା ଦେଇଛନ୍ତି। ସେ କହିଛନ୍ତି ରବିବାର ବାର୍ଦ୍ଧକ୍ୟଜନିତ କାରଣରୁ ତାଙ୍କର ୯୬ ବର୍ଷ ବୟସରେ ପରଲୋକ ଘଟିଛି। ସେ ନିଜ ପୁଅଙ୍କ ଘରେ ଶେଷ ନିଃଶ୍ଵାସ ତ୍ୟାଗ କରିଛନ୍ତି।

ବିଜୟଲକ୍ଷ୍ମୀ ରମଣନଙ୍କ ଜନ୍ମ ୧୯୨୪ ଫେବୃଆରୀରେ ହୋଇଥିଲା। ୧୯୪୩ ମସିହାରେ ମାଦ୍ରାସ ମେଡିକାଲ କଲେଜ୍‌ରୁ ସେ ଏମବିବିଏସରେ ଡିଗ୍ରୀ ହାସଲ କରିଥିଲେ। ମେଡିସିନ ପାଇଁ ବାଲଫୋର ମେମୋରିୟଲ ମେଡାଲ ଓ ସର୍ଜରୀ ପାଇଁ ମାଦ୍ରାସ ଭିବି ପୁରସ୍କାର ମିଳିଥିଲା।

ଏମବିବିଏସର ଡିଗ୍ରୀ ହାସଲ ପରେ ସେ ପ୍ରସୂତୀ ଓ ସ୍ତ୍ରୀ ରୋଗରେ ଏମଡିର ଡିଗ୍ରୀ ହାସଲ କରିଥିଲେ। ଏହା ପରେ ଚେନ୍ନାଇର ଏଗମୋର ମ୍ୟାଟରନିଟୀ ହସ୍ପିଟାଲରେ ସହାୟକ ସର୍ଜନ ଭାବେ କାମ କରିଥିଲେ। ଏହା ପରେ ୧୯୫୫ରେ ସେନାର ମେଡିକାଲ କୋରରେ ସମାମିଲ ହୋଇଥିଲେ। ସେହି ଦିନ ତାଙ୍କୁ ବାୟୁସେନାକୁ ସ୍ଥାନାନ୍ତର କରାଯାଇଥିଲା।

ବାୟୁସେନାର ବିଭିନ୍ନ ହସ୍ପିଟାଲରେ ସେ ସ୍ତ୍ରୀ ରୋଗ ବିଶେଷଜ୍ଞ ଭାବେ କାମ କରିଥିଲେ। ସେ ଯୁଦ୍ଧ ସମୟରେ ଆହତ ସୈନିକଙ୍କ ମଧ୍ୟ ଚିକିତ୍ସା କରିଛନ୍ତି। ବିଜୟଲକ୍ଷ୍ମୀ ରମଣନଙ୍କୁ ୧୯୭୧ରେ ସ୍ଥାୟୀ କମିସନ ପ୍ରଦାନ କରାଯାଇଥିଲ। ୧୯୭୨ ଅଗଷ୍ଟରେ ଓ୍ଵିଙ୍ଗ କମାଣ୍ଡର ପାହ୍ୟାରେ ପଦନ୍ନୋତି ମିଳିଥିଲା। ପାଞ୍ଚ ବର୍ଷ ପରେ ୧୯୭୭ରେ ତାଙ୍କୁ ବିଶିଷ୍ଟ ସେବା ପଦକ ମିଳିଥିଲା। ଦୀର୍ଘ ୨୪ ବର୍ଷ ବାୟୁସେନାର ସେବା କରିବା ପରେ ୧୯୭୯ ଫେବୃଆରୀରେ ସେ ଅବସର ଗ୍ରହଣ କରିଥିଲେ।

   Related Posts