Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ପୁରୀ ହାଜତ ମୃତ୍ୟୁ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ
  • ||
  • ଯୋଜନାବଦ୍ଧ ଲୁଟ୍ : ସାଙ୍ଗଙ୍କୁ ଲଗାଇ ଡକାୟତି କରାଇଥିଲା IIFL କର୍ମଚାରୀ ଲାଲା ଅମ୍ରିତ ରାୟ
  • ||
  • ଅଭିନେତା ଆଶିଷ ରାୟଙ୍କ ପରଲୋକ
  • ||
  • ବାତ୍ୟା ‘ନିଭାର୍’ ପ୍ରଭାବରେ ଚେନ୍ନାଇରେ ବର୍ଷା
  • ||
  • ନବରଙ୍ଗପୁର : ଭାରସାମ୍ୟ ହରାଇ ଗଛରେ ପିଟିହେଲା ବାଇକ୍, ୨ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୭୧ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୬୪୨ କରୋନା ସଂକ୍ରମିତ, ୩୧୫୨୭୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆସୁଛି ବାତ୍ୟା ‘ନିଭାର୍’: ୨୫ରୁ ପ୍ରବଳ ବର୍ଷା, ଜିଲ୍ଲାପାଳଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ
  • ||

ପୂର୍ବତନ ସାମରିକ କର୍ମଚାରୀଙ୍କ ବିରୋଧରେ ସ୍ତ୍ରୀ ହତ୍ୟା ଅଭିଯୋଗ: ଘର ଚାଳରୁ ଝୁଲୁଥିବା ଅବସ୍ଥାରେ ଉଦ୍ଧାର ହେଲା ଶବ

9/11/2018 at 6:04 PM

ଜଗତସିଂହପୁର ୯|୧୧: ଜଗତସିଂହପୁର ଜିଲ୍ଲା ବାଲିକୁଦା ଥାନା ଆମ୍ବଶାଳ ଗାଁରେ ପାରିବାରିକ କଲହକୁ କେନ୍ଦ୍ର କରି ଜଣେ ମହିଳାଙ୍କୁ ତାଙ୍କର ସ୍ବାମୀ ହତ୍ୟା କରିଥିବା ଅଭିଯୋଗ ହୋଇଛି । ଏହି ନେଇ ମୃତ ମହିଳାଙ୍କ ଭାଇ ବାଲିକୁଦା ଥାନାରେ  ଅଭିଯୋଗ କରିବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛି ।

ସ୍ଥାନୀୟ ଓଚିଂଦା ଗାଁର ଶିବ ଚରଣ ପଣ୍ଡା ଙ୍କ ଝିଅ କଳ୍ପନା ଗତ ୧୪ବର୍ଷ ତଳେ ଆମ୍ବଶାଳ ଗାଁର ନିରଞ୍ଜନ ପଣ୍ଡାଙ୍କ ପୁଅ ଜିତେନ ପଣ୍ଡାଙ୍କୁ ବିବାହ କରିଥିଲେ । ଜିତେନ ସେନାବାହିନୀରେ ଚାକରି କରି ବାହାରେ ରହୁଥିଲେ।  ଗତ ୯ ମାସ ହେଲା ସେ ଚାକରିରୁ ଅବସର ନେଇ ଘରକୁ ଫେରିଥିଲେ । ତେବେ ସେ  ଅତ୍ୟଧିକ ମଦ୍ୟପାନ କରି ଘରେ ସ୍ତ୍ରୀକୁ ମାରପିଟି କରିବା ସହିତ ବାରମ୍ବର ଘରେ ଝଗଡା ହେଉଥିଲା । ୨ ମାସ ତଳେ ଏ ବାବଦରେ ଉଭୟ ପରିବାର ଲୋକେ ଓ ଗ୍ରାମବାସୀ ବସି ଘଟଣାର ସମାଧାନ କରିଥିଲେ ।

ହେଲେ ଗତକାଲି ରାତିରେ କଳ୍ପନାଙ୍କର ସନ୍ଦେହଜନକ ଅବସ୍ଥାରେ ମୃତ୍ୟୁ ହୋଇଛି । କଳ୍ପନା ଘର ଚାଳରେ ରଶି ଲଗାଇ ଆତ୍ମହତ୍ୟା କରିଥିବାର ତାର ଶାଶୁ ଘର ଲୋକେ କହିଛନ୍ତି ।ଅନ୍ୟପକ୍ଷରେ ତାଙ୍କୁ  ମାରି ଦେବା ପରେ ଚାଳରେ ଟାଙ୍ଗି ଦିଆଯାଇ ଥିବାର ବାପ ଘର ଲୋକେ ଥାନାରେ ଅଭିଯୋଗ କରିଛନ୍ତି ।

ଅଭିଯୋଗ ପାଇ ବାଲିକୁଦା ପୋଲିସ ଘଟଣା ସ୍ଥଳରେ ପହଞ୍ଚି ଶବ ବ୍ୟବଛେଦ ପାଇଁ ପଠାଇବା ସହ ତଦନ୍ତ ଚଳାଇଛି । ପୋଲିସ ଘଟଣାର ସଠିକ ତଦନ୍ତ କରି ଆଵଶ୍ୟକୀୟ ପଦକ୍ଷପ ଗ୍ରହଣ କରିବାକୁ ସାଧାରଣରେ ଦାବି ହେଉଛି ।

   Related Posts